JUDA 1:15 - BUKUIT NE TILIIL Sireet ne Dutero Kanon

¹⁵ konyo koyachi kirwooget tugul, ak korwookyi tugul che ma iywei Kamuktaindet eng' poisyonikwak tugul che yaacheen che ki koyai koma iywei Kamuktaindet, ak ng'aleekwak tugul che uueen che ki mwa kiptengeginik che ma iywei Kamuktaindet agobo ineendet.

Bukuit Ne Tilil

¹⁵ konyo koyachi kirwooget tugul, ak korwookyi tugul che ma iywei Kamuktaindet eng' poisyonikwak tugul che yaacheen che ki koyai koma iywei Kamuktaindet, ak ng'aleekwak tugul che uueen che ki mwa kiptengeginik che ma iywei Kamuktaindet agobo ineendet.

BUKUIT NE TILIL

¹⁵ konyo koyachi kiruoget tugul, ak koruokyi tugul che maiywei Jehovah eng’ boisionikwak tugul che yaachen che kigoyai ko maiywei Jehovah, ak ng’alekwak tugul che uuen che kimwa kiptengeginik che maiywei Jehovah, agobo inendet.

JUDA 1:15 ပူးပေါင်းရင်းမြစ်များ

TIENWOGIKAL 139:20

Amu mwaei icheek tengekto agobo inyee, ak mwaei kaineng'ung' puch puuniguk.

TIENWOGIKAL 149:9

ak korwookyine kirwooget ne siraat. Tinyei teegisi chechiik tugul che tiliileen. Olasu Kamuktaindet ne Toroor!

TIENWOGIKAL 31:18

Ingonamak kuut kiplembechonik; che itaami che po imanda eng' menoteet, eng' kachaunetapkei ak sasisyet.

TIENWOGIKAL 37:6

Yaei imandang'ung' kotook ko uu lapkeiyet, ak yaei kirwoogutiguk kooluu ko uu peet kween.

TIENWOGIKAL 73:9

Kigotoroor kutusweekwak agobo kipsengwet, ak kobendote ng'elyebwekwak ng'wony.

TIENWOGIKAL 94:4

Ng'alaalati icheek ng'aleek che chaang', ng'alaale menoteet: Ilasugei yaik tugul che po tengekto.

TIENWOGIKAL 98:9

Eng' taitap Kamuktaindet ne Toroor, amu nyoonei korwookyin ng'wony: Tuun irwookyin ng'wony eng' imanda, Ak korwookyi piik eng' iman.

KOMONG'U 16:8

Ki le Musa, “Koonok anyun Kamuktaindet ne Toroor panyeek oam koskoleny, ak koonok karon magatiinik oam obiye amu kasei Kamuktaindet ne Toroor kang'unyng'unyeng'wong' ne ong'unyng'ung'jini ineendet. Acheek ko king'o? Ma acheek che ong'unyng'ung'jini ago ong'unyng'ung'jini Kamuktaindet ne Toroor.”

AMDOINDET 11:9

Paibaitu murenoni, eng' peetuusyegap ming'inateng'ung', ak ingobaibain muguleldang'ung' eng' peetuusyegap ming'inateng'ung' ak isup ortinwegap muguleldang'ung' ko uu ye igeere. Ago nai ile, imutyinin `Kamuktaindet kirwooget amu tuguuchuuto tugul.

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

EZEKIEL 35:13

Ak ki ochounenage eng' kutusweekwok, ak ki otes ng'aleekwok agobo anee: ki agas ng'olyoondonooto.

JOHANA 5:27

ak ki igoochi kimnateet koyai kirwooget, amu Weeriitap chii ineendet.

POISYONIGAP CHE KIYOKTOI 17:31

Amu Ki kochop peetuut ne tuun irwookyine ng'wony eng' imanda eng' chiichooto ki kolewen; ak agobo niito ko ki koboorchi komyee piik tugul ye ki ing'eet ineendet komong' eng' che ki pek.”

ROMANIK 14:10

Ago inyee, ko amu nee si kirwookyi ne otupche? Anan kogeny, ko amu nee si iit ne otupche koek puch? Amu tuun kitonondosi acheek tugul eng' taitap ng'echereetap kirwooget ne po Kamuktaindet.

ROMANIK 2:16

eng' peetuut ne tuun irwookyin Kamuktaindet ung'ootigap piik, ko uu logoiywekyuk che myach, eng' Jeso Kristo.

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

1 KORINTOEK 5:13

Ago icheek che miitei saang' korwookyin Kamuktaindet chooto. Oiste anyun chiichooto sogoran eng' kwenung'wong'.

1 TIMOTEO 1:9

kongen kole ki ma kiyai Ng'atuutyet agobo chii ne po imanda, ago agobo pistoik ak ng'emiik, agobo che yaacheen ak kiptengeginik, agobo che ma tiliileen ak che ma iywei Kamuktaindet, agobo che parei kwanisyek ak che parei kametisyek agobo rumiik,

JUDA 1:16

Chuuto ko che ing'unyng'ung'dos, kiptiyotinik, che isubi maguutikwak che yaacheen (ak komwaei kutusweekwak ng'aleek che koroomen che po menoteet), che tiytiy piik si konyoor kelunet.

NG'ANG'UTYET 13:11

Ak ki ageer tyondo age kotogosu eng' ng'wony; ak ki tinyei kuinoik aeng' che uu che po aarwet, ak ki ng'alaal ko uu maswetit.

NG'ANG'UTYET 22:20

Mwaei ineendet ne paoryanjin tuguuchu kole, “Ee anyoone achogu.” Amen. Nyoo, Kiptaiyat Jeso!

1 SAMUEL 2:3

Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.