JUDA 1:12 - BUKUIT NE TILIIL Sireet ne Dutero Kanon

¹² Pichuuto ko rwandosyek che ung'ootiin eng' igoorwekwok che po chamyet ye oamisyei tugul, mestoweek che amisyei icheegei ama iyweisyei. Icheek ko poolik che ma tinyei peek, che ibooti usoonaik; keetiik che ma tinyei logoek, che ki kobek konyil aeng', che ki kitut ak tigitik;

Bukuit Ne Tilil

¹² Pichuuto ko rwandosyek che ung'ootiin eng' igoorwekwok che po chamyet ye oamisyei tugul, mestoweek che amisyei icheegei ama iyweisyei. Icheek ko poolik che ma tinyei peek, che ibooti usoonaik; keetiik che ma tinyei logoek, che ki kobek konyil aeng', che ki kitut ak tigitik;

BUKUIT NE TILIL

¹² Bichuto ko ruandosiek che ung’otin eng’ igorwekwok che bo chamnyet ye oamisiei tugul, mestowek che amisiei ichegei ama iyweisiei; bolik che matinyei beek, che iboti usonaik; ketik che matinyei logoek, che kigobek konyil aeng’, che kigitut ak tigitik;

JUDA 1:12 ပူးပေါင်းရင်းမြစ်များ

2 ATEPTAP PEETUUSYEK 7:20

atutu anyun icheek eng' emennyu ne ki agoochi; ak awirte kooi eng' tainnyu ne ki atabaanji kainennyu, ak ayai koek kalewenet ak atindyot eng' pororyosyek tugul.

Kitabuutap JOB 8:17

Taachingei tigitikyik karurugutyetap koik; keerei komostap koik.

TIENWOGIKAL 1:3

Kergeitu ineendet ak keetit ne ki kiminji ole neegitee ainoosyek, ne yiei logoekyik eng' peetuusyekyik, ama restos sogekyik. Iberuurokse kiy age tugul ne yaei.

TIENWOGIKAL 37:2

Amu ma tenitu ketil ko uu susweek, ak koresyo ko uu susweek che ng'orng'or.

KALEWANAIK 25:14

Uu poolik ak usoonet ne ma tinyei ropta, ne ilasunegei konunoikyik eng' lembech.

EZEKIEL 17:9

Mwa inyee ile, Mwaei Kiptaiyat Kamuktaindet ne Toroor kole: Tos myeeitu? Tos ma ituti kipsichinooto tigitikyik, ak koep logoekyik, si kobiit kores, si kobiit koresyo sogekyik tugul che ng'orng'or; agot ngo ma mi kimnateet ne wo anan piik che chaang' che itutu?

EZEKIEL 34:10

Mwaei Kiptaiyat Kamuktaindet ne Toroor kole: Ogeero, aborye mestoweek; ak amage eunekwak keechiirekyuk, ak aeete icheek kobai keechiirek; ama kobaegei mestoweek amitwogik kogeny; ak asaru keechiirekyuk eng' kutusweekwak, si ma ek amitwogikwak.

EZEKIEL 34:18

Tos kiit ne ming'in eng' okweek obaegei tuguuk che myach, yeityo otyekyi ng'wony che ki ng'at eng' ole oagete? Ak oee peek che tiliileen, yeityo oturur eng' keelyekwok che kang'et?

EZEKIEL 34:2

Ee, weeriitap chii, maoten agobo mestowegap Israel, maoten, ak ileenji mestowechooto, Mwaei Kiptaiyat Kamuktaindet ne Toroor kole: Pwo! Mestowegap Israel che paegei amitwogik icheegei! Tos ma nyooljin mestoweek kobai keechiirek?

EZEKIEL 34:8

Ko uu ye asabe, mwaei Kiptaiyat Kamuktaindet ne Toroor, amu iman ko uu ye kigeluul keechiirekyuk, ak koek keechiirekyuk amitwogigap tyong'ik tugul che po timiin, amu ki ma komi mestowot, ama cheeng'at mestowekyuk keechiirekyuk, ago kibaegei mestoweek amitwogik icheegei, ama pai keechiirekyuk;

HOSEA 6:4

Ee Ephraim, ayaun nee? Ee Judah, ayaun nee? Amu uu myeeindong'wong' pooldet ne po karon, ak ko uu rewoot ne sip kobetei.

ATEPTAP LAWIK 14:43

“Ngo mong' koroito kogeny kotook eng' koot, ko kagoip koik koba saang', ak ko kagong'oing'oi ineendet koot, ak ko kagemal,

MATAYO 13:6

Kingo chor asiista, kolalyo ak koresyo amu ki ma kotinyei tigitik.

MATAYO 15:13

Kowol kole, “Keswot age tugul ne ki ma kool Abba ne mi kipsengwet, kitutu.

MARIKO 4:6

Ak kingo chor asiista, komel; ak ki yaamyo, amu ki ma kotinyei tigitik.

LUKA 12:45

Ago ngo mwa otwogindonooto eng' muguleldanyi, kole, “Igaegei kiptaiyandennyu ma sip koitu,” ak kotoi kobir otwogik che murenik ak che tiibiik, ak koamis ak koeeiso, ak kobogit;

LUKA 16:19

Ak ki mi chii anum ne ki mogoryo ne ki ilaachi ngoroik che arusen ne piriir, ak che po katanit ne karaaran, ak kibaibai peetuut age tugul, ak kotalbisi:

LUKA 21:34

“Ago oriipkei anyun okweek, si ma nyi mugulelwekwok keiyandit, ak pogitet, ak kaimutigap sabeetap peetuusyechu, ak konyonjok peetuunooto kocheak ko uu mesteet:

LUKA 8:6

Ak ki ibutyi alak rwandet; ak ye kingo piityo, koyaamyo, amu ma nyoor peek.

EPESOEK 4:14

si mata keegu lagok, che kitoortai koba komosi ak komosi ak keibooti eng' usoonet age tugul ne po kaneetisyet, eng' ng'aalsetap piik, ak eng' kaberberisyosyegap kiplembechoonik;

PILIPIK 3:19

ne kagesunennywa ko luseet, ne kamuktaindennywa ko moet, ne kalasunennywa ko teweernatennywa, che ibwaati tuguugap ng'wony.

1 TIMOTEO 5:6

Ago ineendet ne suegei ko kagome agot ngo sabei.

HEBRANIK 13:9

Amatata ongobeetook kaneetisyosyek che pesyotin che teer: amu myee kolumdaak muguleldo eng' myeeindo; ma eng' amitwogik, che ki ma keljine kiy icheek che kiga pendate chooto.

JAKOBO 5:5

Ki omeng'iisye eng' ng'wony eng' kabaibaetapkei, ne ki obaibaegei maguutikwok; ki obai mugulelwekwok eng' peetuutap eng'seet.