JOHANA 8:58 - BUKUIT NE TILIIL Sireet ne Dutero Kanon

⁵⁸ Koleenji Jeso, “Amwaiwok, iman, iman, ale, Kingo tomo kobiit Abraham, ami.”

Bukuit Ne Tilil

⁵⁸ Koleenji Jeso, “Amwaiwok, iman, iman, ale, Kingo tomo kobiit Abraham, ami.”

BUKUIT NE TILIL

⁵⁸ Kolenji Jesu, Amwawok, iman, iman, ale, Kingotom kobiit Abraham, ami.

JOHANA 8:58 ပူးပေါင်းရင်းမြစ်များ

KOMONG'U 3:14

Koleenji `Kamuktaindet Musa; “ ‘Aa ne Aa,’ Mwachi piigap Israel ng'olyoondoni, leenji, Kagoyokwo anyoonjok.”

ISAIAH 43:13

Ee, aa ineendet kobooch agoi, ama mi age ne imuuchi korep eng' eunnyu: aboisyei, ak ng'oo ne imuuchi koger?

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 46:9

Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge;

ISAIAH 48:12

Oepcha iit, ee Jakobo, ak Israel nenyu, ne ki aguur: aa ineendet; aa ne po tai, ak ko aa ne po let kogeny.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

JOHANA 10:25

Kowolji Jeso koleenji, “Ki amwaiwok, amoyani, poisyosyek che ayae eng' kainetap Abba ko chooto che paoryanjino.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

JOHANA 17:5

Ak nguno, ee Abba, itoroora eng' inyeendet inyegei eng' toroornatet ne ki atinye kemi tuwai kotom kobiit ng'wony.

JOHANA 8:24

Nooto kaamwaiwok, ale, obegu eng' tengekwogikwok: amu ngo moyuani ole aa ineendet, obegu eng' tengekwogikwok.”

JOHANA 8:28

Ki leenji Jeso anyun, Ye kaouite Weeriitap chii, onai anyun eng' peetuunooto ole aa ineendet, amayae kiy aneege, ago amwae tuguuchu ko uu ye ki ineeta Kwanda.

JOHANA 8:34

Kowolji Jeso koleenji, “Amwaiwok, iman, iman, ale, age tugul ne yaei tengek ko otwogindetap tengek.

JOHANA 8:51

Amwaiwok, iman, iman, ale, ngo riip chii ng'olyoondennyu koma keerei meet agoi.”

KOLOSAIK 1:17

ak po tai ineendet eng' tuguuk tugul, ak namegei tuguuk tugul eng' ineendet.

HEBRANIK 13:8

Kergei Jeso Kristo eng' amut ak ra, ak agoi koigeny.

NG'ANG'UTYET 1:11

koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 2:8

“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny: