JOHANA 7:38 - BUKUIT NE TILIIL Sireet ne Dutero Kanon

³⁸ Ineendet ne iyana, ko uu ye ki komwa siruutyet, kole punu moennyi ainoosyegap peek che sabei.

Bukuit Ne Tilil

³⁸ Ineendet ne iyana, ko uu ye ki komwa siruutyet, kole punu moennyi ainoosyegap peek che sabei.

BUKUIT NE TILIL

³⁸ Inendet ne iyana, ko u ye kigomwa sirutiet, kole, bunu moennyi ainosiekab beek che sobei.

JOHANA 7:38 ပူးပေါင်းရင်းမြစ်များ

KALEWANAIK 10:11

Kondametutap saboon kutitap ne po iman, ago tuchei koroomnateet kutitap kiptengekyot.

KALEWANAIK 18:4

Uu peegap keriing' ne loo ng'aleegap chii, ibaibai ko uu peegap kereruut ne rootei utaatyet.

ISAIAH 12:3

Tuun orame anyun peek eng' poiboiyet, eng' keriingonik che po yetunet.

ISAIAH 35:6

Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 55:1

Ee chii age tugul ne amei melel, obwonjin peek, kobooto ineendet ne ma tinyei fedha; obwa anyun, oal ak oam; ee, obwa, oal divaik ak cheego ama eng' fedha anan eng' alyet.

ISAIAH 58:11

Ak kondoun Kamuktaindet ne Toroor kotugul, ak kogoochi saboondang'ung' kobiyo eng' komoswek che yamyotiin, ak kogimit koweguk; ak iige mbareet ne kibisi, ak iige kereruut ne ma teenyei.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

SEKARIA 14:8

Ak tuun mang'une peek che saptos Jerusalem eng' peetuunooto; pendi kebeberta age kotokyingei nyanjetap Mediterenian ne mi kong'asiis, kobendi kebeberta age kotokyingei nyanjet ne mi cherongo: pendi ko uu nooto eng' kemei ak iwot.

JOHANA 4:10

Kowolji Jeso koleenji, “Nda kengen konunetap Kamuktaindet, ak ineendet ne kalenjin, ‘Inaga peek aee,’ ta kaisoom ineendet, ak ta kagogoonin peegap saboon.”

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

EPESOEK 5:9

(amu logoiyatap lapkeiyet ko eng' myeeindo tugul ak imanda ak imanit),

NG'ATUTIK 18:15

“Tuun ing'eetun Kamuktaindet ne Toroor Kamuktaindeng'ung' maotyot eng' che otupche ak eng' kwenung'ung' ne uu anee.