JOHANA 6:63 - BUKUIT NE TILIIL Sireet ne Dutero Kanon

⁶³ Kabuuset ne igoitoi saboondo; ma tilei kiy poorto: ng'aleek che kaamwawok ko kabuuset ak saboondo.

Bukuit Ne Tilil

⁶³ Kabuuset ne igoitoi saboondo; ma tilei kiy poorto: ng'aleek che kaamwawok ko kabuuset ak saboondo.

BUKUIT NE TILIL

⁶³ Tamirmiriet ne igoitoi sobondo; matilei kiy borto: tamirmiriet ak sobondo ng’alek che kaamwawok.

JOHANA 6:63 ပူးပေါင်းရင်းမြစ်များ

TAUNET 2:7

Ak ki yai Kamuktaindet ne po Toroornatet chiito eng' ng'ung'unyek, ak kobusyi seruunekyik kabuuset ne po saboondo. Ki ek anyun chiichooto chiito ne sabei.

TIENWOGIKAL 119:130

Igoitoi lapkeiyet ng'ang'utyetap ng'aleeguk; igoochi kaguiyet che matinyei kiy.

TIENWOGIKAL 119:50

Niito ko kagaigaennyu eng' nyalildanyu, amu kigosooba ng'olyoondeng'ung'.

TIENWOGIKAL 119:93

Ma koi autye kaneetisyosyeguk; amu ki isooba inyee eng' chooto.

KALEWANAIK 4:13

Nam miising' kaneetisyet; matichamji kwo; riip, amu ineendet ko saboondang'ung'.

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

JOHANA 6:68

Kowolji anyun Simion Petero, koleenji, “Kiptaiyat, kibendi ole mi ng'oo? Itinye ng'aleek che po saboondap koigeny.

POISYONIGAP CHE KIYOKTOI 5:20

“Oba, ak otonon eng' Hekaluut ak omwachi piik ng'aleek tugul che po Sabooni.”

ROMANIK 10:17

Nyoonei anyun kayaneet eng' kaseet, ak nyoonei kaseet eng' ng'olyootap Kristo.

ROMANIK 2:25

Amu toreti iman kamuratanet, ngo ii yaindetap Ng'atuutyet: ago ngot ko ii putindetap Ng'atuutyet, ko kagoek kamurataneng'ung' ne ma kamuratano.

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

GALATYEK 5:25

Ngot kesaptosi eng' Kabuuset ne Tiliil, ko ongebendoti anyun eng' Kabuuset ne Tiliil.

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

GALATYEK 6:15

Amu ma kiy kamuratanet, anan ngo ma kimuratan, ago yautyet ne leel.

NG'ATUTIK 32:47

Amu ma tangoi eng' okweek ni ak ko saboondang'wong'. Otese peetuusyekwok eng' emet ole obendi olandoe Jordan oname kobunjook amu niito.”

1 THESSALONIKEK 2:13

Kimwachini anyun Kamuktaindet kongoi, amu ng'olyoondoniito, ama kisistosi keele, ye kingo taach ng'olyoot ne ki ogasenech, nooto ng'olyootap Kamuktaindet, ki otaach, ma ko uu ng'olyootap piik, ago ko uu ye mi eng' imanit, ng'olyootap Kamuktaindet, nooto agine ne poisyei eng' okweek che oyani.

1 TIMOTEO 4:8

amu porot ne matya kagiiletapkei ne po poorto; ago poroteet eng' tuguuk tugul kayweet ne kiywei Kamuktaindet, amu tinyei arorutyet ne po saboondo ne mi nguno, ak ne nyoonei.

HEBRANIK 13:9

Amatata ongobeetook kaneetisyosyek che pesyotin che teer: amu myee kolumdaak muguleldo eng' myeeindo; ma eng' amitwogik, che ki ma keljine kiy icheek che kiga pendate chooto.

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;