JOHANA 6:28 - BUKUIT NE TILIIL Sireet ne Dutero Kanon

²⁸ Ki leenji anyun icheek ineendet, “Ki yai nee, si kobiit keyai poisyonik che po Kamuktaindet?”

Bukuit Ne Tilil

²⁸ Ki leenji anyun icheek ineendet, “Ki yai nee, si kobiit keyai poisyonik che po Kamuktaindet?”

BUKUIT NE TILIL

²⁸ Kilenji anyun ichek inendet, Kiyai nee, si kobiit keyai boisionik che bo Jehovah?

JOHANA 6:28 ပူးပေါင်းရင်းမြစ်များ

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

MATAYO 19:16

Ki nyoonji chii ak kole, “Kaneetindoni, nee kiy ne myee ne kanyool ayai si anyoor saboondap koigeny?”

LUKA 10:25

Ogeero, ki tonon ng'amotyot age ne po ng'atuutik koyoom ineendet, kole, “Kaneetindoni, ayai nee si tuun anyooru saboondap koigeny?”

JOHANA 6:27

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

JOHANA 6:29

Kowolji Jeso koleenji, “Ni poisyetap Kamuktaindet, ale oyan ne ki iyoogu ineendet.”

POISYONIGAP CHE KIYOKTOI 16:30

Ak ki imut komong' saang' ak kole, “Kiptainichu, ayai nee si kesarwo?”

POISYONIGAP CHE KIYOKTOI 2:37

Kingo kas anyun niito, kotoor mugulelwekwak, ak koleenji `icheek Petero ak che kiyooktoi chuun alak, “Che kitupche, ki yai nee?”

POISYONIGAP CHE KIYOKTOI 9:6

Ago ng'eet, ui nganaseet, si kemwaun kiit ne kanyool iyai.”

NG'ATUTIK 5:27

Riikte inyee si igas tugul che mwaei `Kamuktaindet ne Toroor, Kamuktaindennyo. Yeityo inyoo imwaiwech tugul che mwaun Kamuktaindet ne Toroor, Kamuktaindennyo si kegas ak keyai.’ ”