JOHANA 6:27 - BUKUIT NE TILIIL Sireet ne Dutero Kanon

²⁷ Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

Bukuit Ne Tilil

²⁷ Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

BUKUIT NE TILIL

²⁷ Amoboisie agobo amitwogik che begu, ago oboisie agobo amitwogik che tebyei agoi sobondab koigeny, che konok Weritab chi: amu kigong’och inendet Kwanda, ne inendet ko Jehovah.

JOHANA 6:27 ပူးပေါင်းရင်းမြစ်များ

TIENWOGIKAL 2:7

Abartoi ng'atuutyetap Kamuktaindet. Ki leenjo Kamuktaindet ne Toroor, “Ii weeriinnyu; kaasichin rani.

TIENWOGIKAL 40:7

Amwa anyun ale, “Keero, kaanyo; ki kisir agobo anee eng' bukuit ne ki kimaman.

KALEWANAIK 9:5

“Nyoo, am amitwogikyuk, ak iee divaik che kaaburuch.

AMDOINDET 6:7

Po poisyet tugul ne po chiito kutinnyi, ago ma piyonyi.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 55:2

Amu nee si oboisyee fedha eng' tuguuk che ma amitwogik? Ak poisyeng'wong' agobo tuguuk che mobiyonyi? Oepcha iit miising', si oam che myach, ak ingoboiboitu saboonwekwok eng' che akwaen.

JEREMIA 15:16

Kingo piit ng'aleeguk, aam, ak ki ek ng'aleeguk eng' anee poiboiyet ak kagasetapkei ne po muguleldanyu. Amu kimwaitoena kaineng'ung', ee Kamuktaindet ne po Toroornatet ne po lugoosyek.

HABAKUK 2:13

Ogeero, tos ma punu Kamuktaindet ne Toroor ne po lugoosyek kole poisyechi piik maat ak koiimgei pororyosyek puch?

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

MATAYO 25:46

Ak pendi chu ole mi nyalilda ne po koigeny; ago pendi che po imanda ole mi saboondap koigeny.”

MATAYO 3:17

Ak ki mang'une tuugeet kipsengwet, kole, “Ni ko Weeriinnyu, chamanennyu, agasegei ineendet.”

MATAYO 6:19

Amogonorchigei konoraik eng' ng'wony, ole amei kuutik anan kong'em kutuuk, ak ole putei chooriik ak kochoor;

MATAYO 8:20

Ak ki leenji Jeso, Tinyei lelwek keriingonik, ak tinyei toriitik che po parak kesonok; ago ma tinyei Weeriitap chii ole indoi metinnyi.

MARIKO 1:11

Ak ki mong' tuugeet eng' kipsengwet kole, “Ii Weeriinnyu chamanennyu, agasenengei.”

MARIKO 9:7

Ki nyo pooldet kotuch icheek ak komang'une pooldanooto tuugeet koleen, “Ni ko Weeriinnyu, chamanennyu; ogas iit ineendet!”

LUKA 3:22

ak kochoorchigei ineendet Kabuuset ne Tiliil, eng' kergeindap cheptuget, ak komang'une kutit kipsengwet kole, “Inyeendet ko ii Weeriinnyu chamanennyu; agasenengei.”

LUKA 9:35

Ak ki mong' kutit eng' pooldet, ak kole, “Ni Weeriinnyu, ne ki alewen; ogas ineendet.”

JOHANA 10:28

Agoochini icheek saboondap koigeny; ak ma koi lusyo, ama rebena chii icheek eng' eunnyu.

JOHANA 11:42

Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.”

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 15:24

Nda ki ma ayai eng' kwenunnywa poisyonik che ki ma yai chiito age, ta ki ma kotinyei tengek: ago nguno ko kagogeerech ak kagowechech anee ak Abba.

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

JOHANA 3:15

si konyoor saboondap koigeny eng' ineendet age tugul ne iyani.

JOHANA 3:33

Ineendet ne kagotaach paornatennyi ko kagonde ng'ooksennyi, kole po iman Kamuktaindet.

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

JOHANA 6:47

Amwaiwok, iman, iman, ale, Ineendet ne iyani, kotinyei saboondap koigeny.

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

JOHANA 6:53

Koleenji Jeso anyun icheek, “Amwaiwok, iman, iman, ale, ngot ko moam poortap Weeriitap chii ak oee korotiikyik, ko mosiche saboondo eng' oriiting'wong'.

JOHANA 6:54

Ineendet ne amei poortanyu ak koeei korotiikyuk kotinyei saboondap koigeny; ak ang'eeti ineendet eng' peetuutap let.

JOHANA 6:58

Ni magatyandanooto ne ki choorgei eng' kipsengwet: ma ko uu ye ki am kwanisyek ak kobek: ineendet ne amei magatyandani kosabei koigeny.”

JOHANA 6:62

Teptoi ano anyun ngot ko tuun ogeer Weeriitap chii kotogostoi ole ki mi atkinye?

JOHANA 6:68

Kowolji anyun Simion Petero, koleenji, “Kiptaiyat, kibendi ole mi ng'oo? Itinye ng'aleek che po saboondap koigeny.

JOHANA 8:18

Aa ineendet ne abaoryanjinigei, ak paoryanjino Kwanda ne ki iyookwo.”

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 2:22

“Okweek piigap Israel, ogas ng'aleechu: Jeso ne po Nazareth, chiito ne ki ibarta Kamuktaindet eng' okweek eng' poisyonigap kimnateet ak kwang'utik ak kaboorunoik, che ki yai Kamuktaindet eng' ineendet eng' kwenung'wong', ko uu ye ongen okweek.

ROMANIK 4:11

kitaach kaboorunetap kamuratanet, ng'ookset ne po imandap kayaneet ne ki tinyei ye kitom kimuratan: si kobiit koek kwandap icheek tugul che kiyani, agot ye kitom kimuratan, si kobiit kiityi icheek imanda;

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

1 KORINTOEK 6:13

Po amitwogik moet, ak po moet amitwogik; ago tuun yaei Kamuktaindet tuwai koek puch, moet ak amitwogik. Ago poorto, koma po sokseet, ago po Kiptaiyat; ak Kiptaiyat, ko po poorto;

1 KORINTOEK 9:2

Ak ngot koma aa kayooktoindet eng' alak, ko aa kayooktoindet eng' okweek: amu ng'ooksetap kayooktoinatennyu ko okweek eng' Kiptaiyat.

2 KORINTOEK 4:18

ye ma kigeere tuguuk che taagu, ago tuguuk che ma taagu, amu tuguuk che taagu kosiirtoi; ago tuguuk che ma taagu ko po koigeny.

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

NG'ATUTIK 30:13

Ama mi nyanjet pitoniin ne tos imwa ile, ‘Ng'oo ne landoi eng' nyanjet si koibwech ak kogoonech kegas si kobiit keyai?’

PILIPIK 2:13

amu Kamuktaindet ne poisyei eng' okweek si omach, ak oboisyee agine, agobo magennyi ne myee.

KOLOSAIK 1:29

abirtochinigei agine nooto, agiiligei ko uu poisyennyi, ne poisyei eng' anee eng' kamuktaet.

KOLOSAIK 2:22

(petos tuguuchuuto tugul ye kiboisye), ko uu ng'atuutik ak kaneetisyosyegap piik?

KOLOSAIK 3:2

Obwaat tuguuk che mi parak, ma tuguuk che miitei ng'wony.

1 THESSALONIKEK 1:3

kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

HEBRANIK 12:16

si ma piit ne soksei, anan chiito ne ma iywei Kamuktaindet, ko uu Esau, ne ki alda etunatennyi ne po sigeet agobo amdit agenge.

HEBRANIK 4:11

Ongigiilgei anyun si keit kamuung'onooto, si ma ibut chii age tugul eng' kergeinooto po ngelelnateet.

JAKOBO 1:11

Amu charu asiista kobooto usoonet ne peelei tuguuk, ak kobeel susweek koresyo; ak kobutyo taaptokwak, ak kobet karaaranindap itoondanywa. Petei ko uu nooto agine mogoryot eng' ortinwekyik.

1 PETERO 1:24

Amu, Uu susweek poorwek tugul, ak uu taaptogap susweek toroornatennywa tugul. Restos susweek, ak kobutyo taaptook:

2 PETERO 1:17

amu kitaach teegisto ak toroornatet eng' Kamuktaindet Kwanda, ye ki nyoonji ineendet kutit ne ki punu liilindo ne po etunateet kole, Ni ko Weeriinnyu chamanennyu, ineendet ne agasegei miising':