JOHANA 3:29 - BUKUIT NE TILIIL Sireet ne Dutero Kanon

²⁹ Sandet ineendet ne tinyei murereet: ago paibai miising' chorweetap sandet, ne tononi koepchin iit ineendet, amu kutitap sandet: isuldaat anyun poiboiyoninyu.

Bukuit Ne Tilil

²⁹ Sandet ineendet ne tinyei murereet: ago paibai miising' chorweetap sandet, ne tononi koepchin iit ineendet, amu kutitap sandet: isuldaat anyun poiboiyoninyu.

BUKUIT NE TILIL

²⁹ Sandet inendet ne tinyei mureret: ago baibai mising’ choruetab sandet, ne tononi koepchin it inendet, amu kutitab sandet: isuldaat anyun boiboiyoninyu.

JOHANA 3:29 ပူးပေါင်းရင်းမြစ်များ

TYENDO NE SIIREI TUGUL 3:11

Omong'u, ee tiibiigap Zion, ak ogeer Laitoryat Solomon, kolaachi naaryeetap laitornatet ne ki ilaakyin kamennyi eng' peetuut ne ki itunisye, ee, eng' peetuutap poiboiyetap muguleldanyi.

TYENDO NE SIIREI TUGUL 5:1

Kaanyo mbareennyu, chepkamennyu, murerennyu. Kaayum tuguukyuk che uu igomoik ak tuguuk che ng'uu ne anyiny. Kaamde masamekyuk kumyanyun, kaaee divaikyuk ak alu chekyuk. Oamisye, ee choronok, oeeise, ee oeeise miising' ee chamanikyuk.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

ISAIAH 66:11

si kobiit ochuchun obiyong'se eng' kainaigap kagaigaosyekyik; si kobiit ochuchun tugul, ak oboiboitune chaang'indap toroornatennyi.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

HOSEA 2:19

Ak atunin koigeny; ee, achobe atunin eng' imanda ak eng' kirwooget, ak eng' chamyet ne tala ak eng' rirenosyek.

MATAYO 22:2

“Kiyanie pounatetap kipsengwet laitoryat anum ne ki yachi weeriinnyi igoortap katunisyet.

MATAYO 25:1

“Ki yanie anyun pounatetap kipsengwet pergeinik taman che ki ip taisyekwak ak koba kotorookta sandetap katunisyet.

MATAYO 9:15

Ak ki leenji Jeso, Imuuchi icheek che kogiguurchi katunisyet koaragenso, kota komi ak sandet? Ago pwoonei peetuusyek, che tuun ki istoe sandet icheek, ak korugutkei anyun.

LUKA 15:6

Ak ye kagoit kaa, koguur choronokyik kobooto piigap kokwennyi koyumgei, ak koleenji, “Ongeboiboitu tugul, amu kaanyooru keechiiryennyu ne koga pet.”

JOHANA 15:11

Kaamwaiwok tuguuchu, si kotebi eng' okweek poiboiyennyu, si kobiit kosulda poiboiyeng'wong'.

JOHANA 16:24

Tom osoom kiy eng' kainennyu: osoom, si onyooru, si kobiit kosulda poiboiyeng'wong'.”

JOHANA 17:13

Ak kanyonjin nguno; ak amwae tuguuchu eng' ng'wony, si kobiit kosulda poiboiyennyu eng' icheek.

JOHANA 3:30

Nyoljin ineendet koeet ne matiny, ago aming'initu.”

2 KORINTOEK 11:2

Amu ama ng'etkong' agobo okweek, eng' ng'etkonda ne po Kamuktaindet: amu ki achamwok obunji manong'otyot agenge, si kobiit amutyok Kristo ko uu pergeiyat ne tiliil.

PILIPIK 2:2

osulde anyun poiboiyennyu, si oegu che po kabwaatet agenge, otinye chamyet agenge, oo po yamdaet agenge, ak che po mageet agenge.

1 JOHANA 1:4

Kagi sirwok anyun tuguuchuuto si kobiit kosulda poiboiyennyo.

2 JOHANA 1:12

Atinye tuguuk che chaang' che katasirwok, ago ma mache asir eng' kartasit ak wino; amang'u Anyoonjok ak keng'alaal togoch eng' togoch, si kobiit kosulda poiboiyennyo.

NG'ANG'UTYET 21:9

Ak ki nyo age eng' malaikaisyechooto tisap che ki tinyei taabook tisap, che kinyiitotin korotwek tisabu che po let; ak kong'alaalwo kole, “Nyoo yu, si aboorun murereet, osotyotap Aarwet.”