JOHANA 18:37 - BUKUIT NE TILIIL Sireet ne Dutero Kanon

³⁷ Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”

Bukuit Ne Tilil

³⁷ Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”

BUKUIT NE TILIL

³⁷ Kolenji anyun Pilato inendet, Ara, i laitoriat so? Kowol Jesu kole, Imwae ile a laitoriat. Kigisicha amu nito, ak kianyo ng’ony amu nito, si kobiit abaorianji imanit. Kasei kutinnyu chi age tugul ne bo imanit.

JOHANA 18:37 ပူးပေါင်းရင်းမြစ်များ

ISAIAH 55:4

Ogeero, ki agoite ineendet koek paoryat eng' pororyosyek, koek kandoindet, ak ko ng'atindet ne po pororyosyek.

MATAYO 26:64

Koleenji Jeso, “Kaimwa. Ago amwaiwok ale, Kobooch nguno kotun ogeere Weeriitap chii kotebyei eng' eutap tai ne po kamuktaet, ak konyonei eng' pooligap kipsengwet.”

MATAYO 27:11

Ki tonon Jeso anyun eng' taitap pounindet ak kiteebe pounindet koleenji, “Ii Laitoryatap Yahudik?” Koleenji Jeso, “Kaimwa.”

MARIKO 14:62

Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.”

MARIKO 15:2

Ak kiteebe Pilato kole, “Tos ii Laitoryatap Yahudik?” Ak ki wolji koleenji, “Kaimwa.”

LUKA 22:70

Ak ki le icheek tugul, Tos ii Weeriitap Kamuktaindet anyun? Koleenji icheek, Omwae ole aa ineendet.

LUKA 23:3

Ak kiteebe ineendet Pilato, kole, “Ii laitoryatap Yahudik?” Ak ki wolji kole, “Kaimwa.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 3:32

Paoryanjin ineendet kiit ne ki kogeer ak ne ki kogas; ama mi chii ne taachei paornatennyi.

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

JOHANA 8:14

Kowolji Jeso koleenji, “Agot ngabaoryanjinigei, ko po iman paornatennyu; amu angen ole abunu, ak ole awendi; ago mongen ole abunu, anan ole awendi.

JOHANA 8:45

Ago moyana amu amwae imanit.

JOHANA 8:46

Ng'oo eng' okweek ne igiikyino kole atinye tengek? Ngot amwae imanit, ko amu nee anyun si moyana?

JOHANA 8:47

Ineendet ne po Kamuktaindet kogasei ng'aleegap Kamuktaindet: nooto anyun mogase okweek, amu mo po Kamuktaindet.”

1 TIMOTEO 6:13

Kang'atiin anyun eng' taitap Kamuktaindet, ne riibei tuguuk tugul kosapcho, ak eng' taitap Kristo Jeso, ne kibaoryan ng'ang'et ne myee eng' taitap Pontio Pilato;

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 JOHANA 2:21

Ma asirwak amu mongen imanit, kasirwak amu ongen, amu ma mi lembeita ne mang'unee imanit.

1 JOHANA 3:14

Kingen keele kigemang'une meet kemong'ji saboondo, amu ki chame che kitupche. Ineendet ne ma chamei komenyei meet.

1 JOHANA 3:19

Kinae eng' niito keele ki po imanit, ak kigoigoi mugulelwekyok eng' tainnyi,

1 JOHANA 4:6

Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

NG'ANG'UTYET 1:4

Sirchin Johana kanisosyek tisap che mi Asia: Ingotep myeeindo ak kaalyeet kobootok che punu ineendet ne mi, ne ki mi ak ne tuun nyoonei; ak che punu saboonwek tisap che mi taitap ng'echerennyi ne po laitornatet,

NG'ANG'UTYET 3:14

“Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet: