JOHANA 15:11 - BUKUIT NE TILIIL Sireet ne Dutero Kanon

¹¹ Kaamwaiwok tuguuchu, si kotebi eng' okweek poiboiyennyu, si kobiit kosulda poiboiyeng'wong'.

Bukuit Ne Tilil

¹¹ Kaamwaiwok tuguuchu, si kotebi eng' okweek poiboiyennyu, si kobiit kosulda poiboiyeng'wong'.

BUKUIT NE TILIL

¹¹ Kaamwawok tuguchu, si kotebi eng’ okwek boiboiyennyu, si kobiit kosulda boiboiyeng’wong’.

JOHANA 15:11 ပူးပေါင်းရင်းမြစ်များ

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 62:4

Ma keguurenen kogeny Ne Ki kimeto; ama keguure emeng'ung' kogeny Karaita: ago kiguurenen Hepsi-ba, ak keguure emeng'ung' Beula: amu paibaitunenen Kamuktaindet ne Toroor, ak kitun emeng'ung'.

JEREMIA 32:41

Ee, aboiboitune icheek ayachi ne myee, ak amin icheek eng' emoni iman eng' muguleldanyu komugul ak eng' saboondanyu komugul.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

SEPANIA 3:17

Mi kwenung'ung' Kamuktaindet ne Toroor Kamuktaindeng'ung', ineendet Kiplugotyot ne koonu katerteerisyet. Poiboitunenen eng' poiboiyet, siisei eng' chamyennyi. Poiboitunenen eng' tyendo,

LUKA 15:23

ak ogetu moita ne neraat, ak oeny, si keam, ak keboiboitu:

LUKA 15:32

Ago kanyoolu keboiboitu ak kigaske: amu kiga kome weeri otupche, ago kagosap kogeny; kiga kobet, ago kagobiit.’ ”

LUKA 15:5

Ak ye kigonyoor, konde tigikyennyi, ak kobaibait.

LUKA 15:9

Ak ye kagonyoor, koguur anyun choronokyik kobooto piigap kokwennyi koyumgei ak kole, “Ongeboiboitu tugul, amu kaanyooru fedhaiyandennyu ne koga kobet.”

JOHANA 16:24

Tom osoom kiy eng' kainennyu: osoom, si onyooru, si kobiit kosulda poiboiyeng'wong'.”

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 17:13

Ak kanyonjin nguno; ak amwae tuguuchu eng' ng'wony, si kobiit kosulda poiboiyennyu eng' icheek.

JOHANA 3:29

Sandet ineendet ne tinyei murereet: ago paibai miising' chorweetap sandet, ne tononi koepchin iit ineendet, amu kutitap sandet: isuldaat anyun poiboiyoninyu.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

2 KORINTOEK 1:24

Ma keele ki tinyei pounateet eng' kayaneng'wong', ago kitoretik che po poiboiyeng'wong': amu otonondosi eng' kayaneng'wong'.

EPESOEK 5:18

Amat obogitye eng' maiyek, che ibu mageet ne ya, ago ingonyiiak Kabuuset ne Tiliil;

PILIPIK 1:25

Ak atinye kamang'unoni, ak angen ale atebye, ee, ak ta atebye kobootok okweek tugul, agobo teseng'wong' po tai ak poiboiyet eng' kayaneet;

1 THESSALONIKEK 5:16

Oboiboitu peetuusyek tugul;

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet:

1 JOHANA 1:4

Kagi sirwok anyun tuguuchuuto si kobiit kosulda poiboiyennyo.

2 JOHANA 1:12

Atinye tuguuk che chaang' che katasirwok, ago ma mache asir eng' kartasit ak wino; amang'u Anyoonjok ak keng'alaal togoch eng' togoch, si kobiit kosulda poiboiyennyo.