JOHANA 14:6 - BUKUIT NE TILIIL Sireet ne Dutero Kanon

⁶ Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

Bukuit Ne Tilil

⁶ Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

BUKUIT NE TILIL

⁶ Kolenji Jesu, A oret, ak iman, ak sobondo: manyonjin chi Kwanda, ama eng’ ane.

JOHANA 14:6 ပူးပေါင်းရင်းမြစ်များ

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 1:4

eng' ineendet ko ki saboondo, ak saboonooto ko ki lapkeiyetap piik,

JOHANA 10:28

Agoochini icheek saboondap koigeny; ak ma koi lusyo, ama rebena chii icheek eng' eunnyu.

JOHANA 10:7

Koleenji anyun Jeso icheek kogeny, Amwaiwok, iman, iman, ale, Aa kurgeetap keechiirek.

JOHANA 10:9

Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage.

JOHANA 14:19

Ta komi kitigin, si ma kogeero ng'wony; ago ogeera: amu asabe, osaptosi ak okweek.

JOHANA 15:1

Aa keetit ne po iman ne po sabibuk, ak semberindet Abba.

JOHANA 18:37

Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

JOHANA 6:33

Amu magatyat ne po Kamuktaindet ko nooto choorugei eng' kipsengwet, ak kogoochi ng'wony saboondo.”

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

JOHANA 6:57

Ko uu ye ki iyookwo Kwanda ne sabei, ak asabe amu Kwanda; uu nooto ineendet ne ama, sabei agine amu anee.

JOHANA 6:68

Kowolji anyun Simion Petero, koleenji, “Kiptaiyat, kibendi ole mi ng'oo? Itinye ng'aleek che po saboondap koigeny.

JOHANA 8:32

ak onai imanda, ak kotyachak imanda.

JOHANA 8:51

Amwaiwok, iman, iman, ale, ngo riip chii ng'olyoondennyu koma keerei meet agoi.”

POISYONIGAP CHE KIYOKTOI 3:15

ak ki obar Ne Oo ne po saboondo; ne ki ing'eet Kamuktaindet eng' che ki pek; kibaorinigap nooto acheek.

POISYONIGAP CHE KIYOKTOI 4:12

Ama mi yetunet eng' chiito age, amu ma mi kainet age eng' kurereetap kipsengwet, ne ki kigoochi piik, ne kanyool kesaruunenech.”

POISYONIGAP CHE KIYOKTOI 9:2

ak kosoom ineendet paronok che ibei koba Damasko agobo sinagogisyek, kole ngo nyoor alak tugul che po Oranooto, ngo murenik anan kobogorisyek, komuuchi komut kobwa Jerusalem ko ratotiin.

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 5:2

ak ki kenyooru eng' ineendet agine kemong'ji eng' kayaneet myeinooto kitonone; ak ongeboiboitu eng' kamang'unetap toroornatetap Kamuktaindet.

ROMANIK 5:21

si, ko uu ye kiboi tengekto eng' meet, ko uu nooto pou myeeindo eng' imanda agoi saboondap koigeny eng' Jeso Kristo Kiptaiyandennyo.

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

EPESOEK 2:18

amu kinyooru acheek tuwai eng' ineendet ooreennyo eng' Kabuuset ne Tiliil agenge, ne ki itee ole mi Kwanda.

KOLOSAIK 2:17

che urwetap tuguuk che pwoonei; ago poorto ko po Kristo.

KOLOSAIK 2:9

amu menyei eng' ineendet eng' poorto nyiyet tugul ne po Kamuktaindet,

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

HEBRANIK 9:8

Ibooru Kabuuset ne Tiliil eng' ng'olyoondoni kole, ki tom keng'aany ooreet ne mong'jin ole-tiliil, ye kita ko tononot emait ne po tai;

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 2:4

obwanjini ineendet koita ne sabei, ne ki eesyo piik iman, ago lewenot eng' Kamuktaindet, ne chamat miising',

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 1:8

Ngot kemwa keele ma ki tinyei tengek, kegenegei, ama mi imanit eng' acheek.

1 JOHANA 2:23

Age tugul ne eesyoi Weeriit, koma tinyei nooto Kwanda: ineendet ne ng'aanyei Weeriit kotinyei Kwanda agine.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

1 JOHANA 5:6

Ni ko ineendet ne ki nyo eng' peek ak korotiik, ineendet ko Jeso Kristo; ma nyo eng' peek icheegei, ki nyo eng' peek ak korotiik.

2 JOHANA 1:9

Chii age tugul ne indoi ama tebyei eng' kaneetisyetap Kristo koma tinyei Kamuktaindet; ago ineendet ne tebyei eng' kaneetisyet kotinyei tuwai, Kwanda ak Weeriit.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 22:1

Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.

NG'ANG'UTYET 3:14

“Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet:

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.