JOHANA 14:27 - BUKUIT NE TILIIL Sireet ne Dutero Kanon

²⁷ Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

Bukuit Ne Tilil

²⁷ Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

BUKUIT NE TILIL

²⁷ Abagakwok kalyet; agonok kalyennyu: magonok ko u ye konu ng’ony. Amongoiimgei mugulelwekwok, anan koiyweis.

JOHANA 14:27 ပူးပေါင်းရင်းမြစ်များ

2 ATEPTAP PEETUUSYEK 20:30

Ki imuuny anyun pounatetap Jehoshaphat, amu ki igoochi Kamuktaindennyi kamuung'et eng' tabanwek tugul.

Kitabuutap JOB 34:29

Ye kasiis ineendet, ko ng'oo anyun ne igikyin ineendet? Ak ye uny togeennyi, ko ng'oo ne imuuchi kogeer? Ngo yachi poror anan ko chii, ko kergei.

TIENWOGIKAL 11:1

Amang'u Kamuktaindet ne Toroor; teptoi ano si oleenji saboondanyu: “Tiriren ko uu toriityon agoi tuloonook,

TIENWOGIKAL 112:7

Ma iywei ineendet ng'aleek che yaacheen; igiilotkei muguleldanyi, komang'u Kamuktaindet ne Toroor.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 28:3

Amewiirta kobooto kiptengeginik, anan kobooto che yaei yaityo; che mwachingei kaalyeet ak piigap kokwet, ago tinyei suryet eng' mugulelwekwak.

TIENWOGIKAL 29:11

Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!

TIENWOGIKAL 56:11

Kamuktaindet ne amang'u, ma yweisyei. Tos imuuchi koita nee chii?

TIENWOGIKAL 56:3

Ee Kamuktaindet Ne Toroor Miising', ye aiyweisyei, amang'un.

TIENWOGIKAL 72:2

Irwookyin piiguk eng' imanda, Ak kobesyechi kibananoguk.

TIENWOGIKAL 72:7

Eng' peetuusyekyik konyooru ne po imanda perurto; Ak chaang'indap kaalyeet agoi koma komi arawet.

TIENWOGIKAL 85:10

Katuiyo rireenet ak imanda; Kang'ututkei imanda ak kaalyeet.

TIENWOGIKAL 91:5

Meiywei kamuisetap kemoi, Anan kipchabet ne kimwoktoi peet;

KALEWANAIK 3:25

Amearageni eng' ne cheein, anan eng' ng'emisyetap kiptengeginik ye kait.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

ISAIAH 55:12

Amu tuun omandoi eng' poiboiyet, ak kindoiywok eng' kaalyeet: tyendos eng' taing'wong' tuloonook ak tuloonook che mengeechen, ak koraprap eunekwak keetiik tugul che po timiin.

ISAIAH 57:19

Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 1:8

Meiywei icheek, amu ami kobooten ak asaruun, mwaei Kamuktaindet ne Toroor.

RIREKAB JEREMIA 3:17

Ki iste saboondanyu kolooit eng' kaalyeet; ki autye ale poiboiyo ko nee.

EZEKIEL 2:6

Meiywei icheek anyun inyee, weeriitap chii, anan iywei ng'aleekwak. Meiywei agot ngo yiemin katook che rutei piich ak che toorei piich ak imenye kwenutap tagolik. Meiywei ng'aleekwak anan itoptoben eng' togoochikwak, agot nganda koot ne ngelelyot.

SEKARIA 6:13

ee, ineendet ne teechei Hekaluutap Kamuktaindet ne Toroor; ak konam toroornatet, ak kotebee ng'echerennyi ne po laitornatet, ak kobounis; ak koek tisiindet eng' ng'echerennyi ne po laitornatet, ak kotebee kirwoogetap kaalyeet kwenunnywa icheek tuwai.

KAITOSYEK 6:26

Ingotokyin Kamuktaindet ne Toroor togeennyi ak kogoonin kaalyeet.’

MATAYO 10:26

“Moiywei anyun icheek; amu ma mi kiy ne tugoot ne ma tuun king'aanyei, ama mi kiy ne ung'aat ne ma tuun naoksei.

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

LUKA 10:5

Ak koot age tugul ne omong'jini, omwa ole, Ingotep kaalyeet eng' kooi.

LUKA 12:4

Ak amwaiwok choronokyuk ale, Amoiywei che parei poorto, yeityo ko mata komuuch koyai kiy age.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

JOHANA 14:1

Amogoochi mugulelwekwok koiimgei: oyani Kamuktaindet, oyana agane.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 20:19

Ak ki eng' koskoleng'utap peetuunooto po tai ne po wigiit, ye kiga keger kurgotik eng' ole kimi kasubik, amu ki iywei Yahudik, konyo Jeso kotonone kwenunnywa ak koleenji, “Ingotep kaalyeet eng' okweek.”

JOHANA 20:21

Koleenji Jeso anyun kogeny, “Ingotep kaalyeet eng' okweek: ko uu ye ki iyookwo Kwanda, ayooktook ak okweek ko uu nooto.”

JOHANA 20:26

Ak kingo pata peetuusyek sisiitu ko ki mi ko kasubikyik kogeny, ak kimi Thomas kobooto icheek. Ki nyo anyun Jeso, ko kerotin kurgotik, ak kotonon eng' kwenunnywa, ak komwa kole, “Ingotep kaalyeet eng' okweek.”

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

POISYONIGAP CHE KIYOKTOI 18:9

Ak kemout age ko ki leenji `Kiptaiyat Paulo eng' ng'ang'utyet, “Meiywei, ago ng'alaal inyee amat isiis;

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 8:6

Amu kererwegap met che po poorto ko meet; ago kererwegap met che po Kabuuset ne Tiliil ko saboondo ak kaalyeet:

1 KORINTOEK 1:3

Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

GALATYEK 1:3

Ingotep kobootok myeeindo ak kaalyeet ne punu Kamuktaindet Kwanda, ak Kiptaiyandennyo Jeso Kristo,

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

GALATYEK 6:16

Ak ingotebee kaalyeet icheek tugul che pendoti eng' ng'atuutyoni, ak rireenetapkei, ak eng' Israel ne po Kamuktaindet.

PILIPIK 4:7

Ak riibei kaalyeetap Kamuktaindet, ne siirei kaguiyet tugul, mugulelwekwok ak kabwaatutikwok eng' Kristo Jeso.

KOLOSAIK 1:2

kisirchini che tiliileen che kitupche che iyanotin eng' Kristo, che mi Kolosae: Ingotebi kobootok myeeindo ak kaalyeet che punu Kamuktaindet Kwandanyo.

KOLOSAIK 1:20

si kotuiyechigei tuguuk tugul ineendet, ye kingo kagoyai kaalyeet eng' korotiigap kimurtoiyondennyi; eng' ineendet, ngo tuguuk che mi ng'wony anan tuguuk che mi kipsengwet.

KOLOSAIK 3:15

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

2 THESSALONIKEK 1:2

Ingotep kobootok myeeindo ak kaalyeet che punu Kamuktaindet Kwanda ak Kiptaiyat Jeso Kristo.

2 THESSALONIKEK 3:16

Nguno anyun ingogoonok kaalyeet Kiptaiyat ineendet, ne Kiptaiyat ne po kaalyeet, kotugul eng' ui tugul. Ingotep Kiptaiyat kobootok okweek tugul.

2 TIMOTEO 1:7

Amu ki ma koonech Kamuktaindet muguleldap nyogoryet, ago ne po kamuget ak chamyet ak riibetapkei.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 7:2

ne kipchechi agine Abraham kebebertap taman ne po tugul ne ye kiweech, ko Laitoryatap imanda korook, ak yeityo kogeny ko Laitoryatap Salem, nooto ko Laitoryatap kaalyeet;

NG'ANG'UTYET 1:4

Sirchin Johana kanisosyek tisap che mi Asia: Ingotep myeeindo ak kaalyeet kobootok che punu ineendet ne mi, ne ki mi ak ne tuun nyoonei; ak che punu saboonwek tisap che mi taitap ng'echerennyi ne po laitornatet,

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”