JOHANA 14:17 - BUKUIT NE TILIIL Sireet ne Dutero Kanon

¹⁷ nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

Bukuit Ne Tilil

¹⁷ nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

BUKUIT NE TILIL

¹⁷ noto Tamirmiriet ne bo imanit: ne maimuchi ng’ony kotaach; amu mageerei inendet, ama naei inendet: ago ongen inendet: amu tebyei kobotok, ak tun tebyei eng’ oring’wong’.

JOHANA 14:17 ပူးပေါင်းရင်းမြစ်များ

KALEWANAIK 14:10

Ingen muguleldo ng'wanindanyi, ak ma tinyei toondet yamdao ak poiboiyennyi.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

MATAYO 10:20

Amu ma okweek che ong'alaali, ago Kabuusetap Kwandang'wong' ne ng'alaali eng' okweek.

JOHANA 14:16

Ak asoom Kwanda, ak kogoonok kagaigaindet age, si kotebi kobootok koigeny,

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

JOHANA 15:26

Ago ye kagoit Kagaigaindet, ne tuun ayookwok kobunu Kwanda, Kabuuset ne Tiliil ne po imanit, ne punu Kwanda, konyo kobaoryanjo:

JOHANA 16:13

Ago ye tuun kagonyo ineendet, Kabuuset ne Tiliil ne po imanit, kondoiywok agoi oit imanda tugul: amu ma mwaei ineegei; ago mwaei tuguuk tugul che kasei: ak kong'ang'wok tuguuk che pwoonei.

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

1 KORINTOEK 14:15

Nee anyun? Asaae eng' Kabuuset ne Tiliil, ak asaae eng' ng'omnateet agine; atyeni eng' Kabuuset ne Tiliil, ak atyeni eng' ng'omnateet agine.

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

1 KORINTOEK 6:19

Anan, tos mongen ole poorwekwok ko Hekaluut ne po Kabuuset ne Tiliil ne miitei eng' okweek, ne otinye eng' Kamuktaindet? Ama oo pogei okweegei;

2 KORINTOEK 13:5

Osiaige okweegei, ngo mi eng' kayaneet; otyemge okweegei. Anan mongen okweegei ole miitei Jeso Kristo eng' okweek? Iyois ko oo eesyootin iman.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

GALATYEK 4:6

Ak amu oo weeriik, ko ki iyookyi Kamuktaindet Kabuusetap weeriinnyi mugulelwekyok, ne riirei, kole, “Abba, Kwanda!”

EPESOEK 2:22

ki kiteechak ak okweek oegu agenge eng' ineendet, ole menyei Kamuktaindet eng' Kabuuset ne Tiliil.

EPESOEK 3:17

si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet,

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

2 TIMOTEO 1:14

Riip eng' Kabuuset ne Tiliil ne menyei eng' acheek, nooto myee ne ki kigoonin.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

1 JOHANA 3:24

Ak ineendet ne riibei ng'atuutikyik komenyei eng' ineendet ak ineendet eng' inee. Ak kingen eng' niito keele menyech ineendet, eng' Kabuuset ne Tiliil ne ki kogoonech.

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.

1 JOHANA 4:6

Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

1 JOHANA 5:7

Amu mi somogu che paoryani:

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.