JOEL 3:16 - BUKUIT NE TILIIL Sireet ne Dutero Kanon

¹⁶ ak pooriseni Kamuktaindet ne Toroor eng' Zion, ak kotwek eng' Jerusalem; ak potandos kipsengwet ak ng'wony: ago egu Kamuktaindet ne Toroor ole mwechin piikyik, ak koek irimeet eng' piigap Israel.

Bukuit Ne Tilil

¹⁶ ak pooriseni Kamuktaindet ne Toroor eng' Zion, ak kotwek eng' Jerusalem; ak potandos kipsengwet ak ng'wony: ago egu Kamuktaindet ne Toroor ole mwechin piikyik, ak koek irimeet eng' piigap Israel.

BUKUIT NE TILIL

¹⁶ ak boriseni Jehovah eng’ Sion, ak kotwek eng’ Jerusalem; ak botandos kipsengwetisiek ak ng’ony: ago egu Jehovah ole mwechin bikyik, ak koek irimet eng’ lagokab Israel.

JOEL 3:16 ပူးပေါင်းရင်းမြစ်များ

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 29:11

Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!

TIENWOGIKAL 61:3

amu inyee ko ii ole amwechini, ii koot ne kooi ne kiim ole aung'egei eng' puunik.

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

ISAIAH 33:16

menyei ineendet ole toroor; oldanyi ole teegu ko irimoigap rwandosyek; kigoochin amitwogikyik, ma rarchin peekyik.

ISAIAH 33:21

Ago tuun tebyei Kamuktaindet ne Toroor kobootech eng' olooto eng' etunatennyi, ye mi ainoosyek che paroen ak kereruusyek, ole ma punei moingetap peek ne kekwerye eng' mugangok che kiwase peek, ama punei yooto meeliit ne karaaran.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

ISAIAH 51:16

Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 17:17

Amat imua; ii ole amwechini eng' peetuutap yaityet.

EZEKIEL 38:19

Amu kaamwa eng' ng'etkondanyu ak eng' maatap nereegekyuk, ale, Piitu iman potanet ne oo eng' peetuunooto eng' emetap Israel;

HOSEA 11:10

Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

AMOS 1:2

Ki mwa kole, Pooriseni Kamuktaindet ne Toroor eng' Zion, ak kotwegu eng' Jerusalem; ak koriiryo ole iyagisye mestoweek, ak koyaam walitap Karmel.

AMOS 3:8

Kagoborisen ng'etundo, ng'oo ne ma iyweisyei? Kagong'alaal Kiptaiyat Kamuktaindet ne Toroor, ko ng'oo anyun ne ma maoteni?

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

HAGGAI 2:6

Mwaei Kamuktaindet ne Toroor ne po lugoosyek kole: ‘Eng' ne matya kota atumdumi kogeny konyil agenge kipsengwet ak ng'wony, nyanjet ak emet.

HAGGAI 2:7

Atumdumi pororyosyek tugul, ak kobwa tuguuk che chamei pororyosyek tugul, ak anyiit kooi toroornatet,’ mwaei Kamuktaindet ne Toroor ne po lugoosyek.

SEKARIA 10:12

Agimiiti icheek eng' Kamuktaindet ne Toroor; ak kobendatee kainennyi, mwaei Kamuktaindet ne Toroor.

SEKARIA 10:6

Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

SEKARIA 9:12

Oweekyigei irimeet, ee okweek kimonjororinik che otinye kamang'unet; agot rani amwae ale, ageerun konyil aeng'.

HEBRANIK 12:26

ne ki itumdum ng'wony kutinnyi peetuunooto: ago kagoaror anyun nguno, kole, “Ta atumdumi kogeny konyil agenge, ma ng'wony kityo, ago kipsengwet agine.”

NG'ANG'UTYET 11:13

Ak ki piit eng' sainooto potanet ne oo ne po emet, ak kiluul kebeberta agenge eng' taman ne po nganaseet; ak ki kibar eng' potanonooto piik eliphuusyek tisap; ak ki aragenso che kiga ng'et, ak ki igoochi toroornatet Kamuktaindet ne po kipsengwet.

NG'ANG'UTYET 11:19

Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 16:18

Ak ki piit ilotik, ak kutusweek, ak tuloosyek; ak ki piit potanet ne oo ne po ng'wony, ne ki tomo kobiitu kobooch ngo piit piik eng' ng'wony, potanet ne oo, ne kiim kot.

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”