JEREMIA 5:23 - BUKUIT NE TILIIL Sireet ne Dutero Kanon

²³ Ago tinyei pichu muguleldo ne po pistoet ak ngelelnateet, ki kobistoe ak koba.

Bukuit Ne Tilil

²³ Ago tinyei pichu muguleldo ne po pistoet ak ngelelnateet, ki kobistoe ak koba.

BUKUIT NE TILIL

²³ Ago tinyei bichu muguleldo ne bo bistoet ak ngelelnatet; kigobistoe ak koba.

JEREMIA 5:23 ပူးပေါင်းရင်းမြစ်များ

TIENWOGIKAL 78:8

Ak si ma tuun igei kwanisyekwak, Ibinda ne uui met ak ko ngelelyo; Ibinda ne ki ma chop mugulelwekwak, Ak che ki ma litititu saboonwekwak eng' Kamuktaindet.

TIENWOGIKAL 95:10

Ki aaragen kenyiisyek artam eng' ibinooto, Ak ki ale, Icheeget ko piik che mastoi eng' mugulelwekwak, Ak tomo konai ortinwekyuk:

ISAIAH 1:5

Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

ISAIAH 31:6

Oweekyigei ineendet ne ki ongelelji miising', ee lagogap Israel.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 4:17

Ki koyiem icheek ko uu riibiik che riibei mbareet, amu ki kongelelja mwaei Kamuktaindet ne Toroor.

JEREMIA 5:5

Awendi ye mi piik che eecheen, ak ang'alaalji icheek, amu ingen icheeget ooreetap Kamuktaindet ne Toroor, ak kirwoogetap Kamuktaindennywa. Ago kigoiri chu kabo tai chogit kibagenge ak kong'eti ratuutik.

JEREMIA 6:28

Ngelelik icheek tugul che yaacheen, che pendi komosi ak komosi kochaamsoti, uueen icheeget ko uu sugunwet ak karnet, yaei tugul ng'emisyet.

HOSEA 11:7

Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

HOSEA 4:8

Paegei icheek tengektap piikyuk, ak koboiboitune yaityennywa.

SEPANIA 3:1

Pwo! Ineendet ne ngelelyot ne ki kong'wanit, nganaseet ne usiisyei!

NG'ATUTIK 21:18

“Ngo tinyei chii weeriit ne uui met ak ko ngelelyo ne ma kase iit kutitap kwan anan kamet, agot ngo tigoon koma kase iit;

NG'ATUTIK 31:27

Amu angen ngelelnateng'ung' ak uuindap kaating'ung'. Ogeero, kongelelji Kamuktaindet ne Toroor kota asabe ami kobootok peetuuni. Oyae anyun ne tya ye kaamei?

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei: