JEREMIA 35:17 - BUKUIT NE TILIIL Sireet ne Dutero Kanon

¹⁷ mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Ogeero, aipchini Judah ak piik tugul che menyei Jerusalem, yaityet tugul ne ki amwa agobo icheek: amu ki ang'alaalji, ago ma kas; ago ki aguur icheek, ago ma wol.

Bukuit Ne Tilil

¹⁷ mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Ogeero, aipchini Judah ak piik tugul che menyei Jerusalem, yaityet tugul ne ki amwa agobo icheek: amu ki ang'alaalji, ago ma kas; ago ki aguur icheek, ago ma wol.

BUKUIT NE TILIL

¹⁷ mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

JEREMIA 35:17 ပူးပေါင်းရင်းမြစ်များ

TAUNET 6:17

Aipchini ng'wony maraneet ne oo si ang'eme tugul che saptos, age tugul ne tinyei kabuusetap saboondo eng' ng'wony. Asi kobek tugul che mi ng'wony.

KALEWANAIK 13:13

Age tugul ne sasei ng'olyoot koipchingei ng'emisyet, ago kigoochin melekto chiito ne iywei kayomiset.

KALEWANAIK 16:2

Tiliileen ortinwek tugul che po chii ye keerei, ago keerei `Kamuktaindet ne Toroor mugulelwek eng' karagendoet.

ISAIAH 50:2

Kilya si ma piit chii ye ki anyoone? Kinga kuurse koma piit chii ne wolu? Tos kigonwagit eunnyu kot koma imuuch kotyach? Anan ma tinyei kamuget ne asaruunee? Keero, ateenyi nyanjet eng' kergong'yennyu, ayae ainoosyek koek surkwen: poldos njireenikwak, ak kobek eng' melelda, amu ma mi peek.

ISAIAH 65:12

aityinok anyun rotwetap chok, ak ong'uruukyini tugul parisyet: amu kinga kuurse, koma kowolu; kinga ng'alaal, koma ogas; ago ki oyai yaityet eng' tainnyu, ak ki olewen ne ma paibaitune.

ISAIAH 66:4

alewenjini anyun kaberberisyosyekwak, ak aipchi icheek kaiyweisyosyekwak; amu kinga kuurse, koma wol chii; ye kinga ng'alaal, koma kas icheek: ago ki yai tuguuk che yaach eng' tainnyu, ak kolewen tuguuk che ma abaibaitune.

JEREMIA 11:11

Ara amwae anyun anee Kamuktaindet ne Toroor ale, ogeero, aipchini icheek yaityet, ne ma imuuchi kochililee. Ririirchino, ago ma kasyini icheek.

JEREMIA 11:8

Ago ma kas iit, ama ep iit, ago kiwendot age tugul eng' uuindap muguleldanyi ne ya. Aipchini anyun icheek ng'aleek tugul che po kayomisoni, ne ki kang'at icheek koyai, ago ma yai.

JEREMIA 19:15

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

JEREMIA 19:3

Mwaa ile: Ogas okweek ng'olyootap Kamuktaindet ne Toroor, ee laitorinigap Judah, ak piik che omenye Jerusalem; mwaei Kamuktaindet ne Toroor ne po lugoosyek, Kamuktaindetap Israel, kole, ogeero, aipchini yaityet olito, ne ngo kas chii age tugul, kotildilyo itiikyik.

JEREMIA 26:5

ogas ng'aleegap otwogikyuk maotik, che ayookwok, ang'eete karon miising' ak ayookwok, ago ki ma ogas;

JEREMIA 32:33

Ak ki kotuktocha patai, ama keera: ak nganda ki aneet icheek, ang'eete karon miising' ak aneeti, koma epchi iit si kotaach kaneetisyet.

JEREMIA 36:31

Ak abire ineendet ak iyotennyi, kobooto otwogikyik amu tengektonywa; ak aipchini icheek ak piik che menyei Jerusalem, kobooto piigap Judah, yaityet tugul ne ki amwa agobo icheek, ago ma kas.

JEREMIA 7:13

Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

ROMANIK 10:21

Ago mwaei agobo Israel kole, “Ki aitoochi eunekyuk eng' peetuut komugul piik che ma kase iit ak che ngelelik.”