JEREMIA 32:17 - BUKUIT NE TILIIL Sireet ne Dutero Kanon

¹⁷ Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

Bukuit Ne Tilil

¹⁷ Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

BUKUIT NE TILIL

¹⁷ Ee Kiptaiyat Jehovah! Keero, kiiyai kipsengwet ak ng’ony eng’ kimnateng’ung’ ne o ak eng’ eung’ung’ ne chuulat; mami kiy age tugul ne temenen,

JEREMIA 32:17 ပူးပေါင်းရင်းမြစ်များ

TAUNET 18:14

Tos mi kiy age tugul ne temenee Kamuktaindet ne Toroor? Aweekyiningei peetuusyek che uu chu eng' kenyiit ne nyoonei, eng' peetuut ne kaachop, ak sichei `Sarah weeriit.”

2 LAITORINIK 19:15

Ak ki sa Hezekiah eng' taitap Kamuktaindet ne Toroor kole, “Ee Kamuktaindet ne Toroor, Kamuktaindetap Israel, ne tebee kerubisyek, ii Kamuktaindet ne Toroor inyee inyegei, ne po laitornatosyek tugul che po ng'wony. Ki iyai kipsengwet ak ng'wony.

2 LAITORINIK 3:18

Ago ni ko ki it ne ming'in eng' taitap Kamuktaindet ne Toroor, amu indoi kogeny Moabik eunekwok.

NEEMIA 9:6

Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

Kitabuutap JOB 42:2

“Angen ale imuuchi iyai tuguuk tugul. Ama kimuuchi kegirinda mageng'ung'.

TIENWOGIKAL 102:25

Ki iyai ole tonone ng'wony keny, ak poisyetap euneguk kipsengwet.

TIENWOGIKAL 136:12

eng' euut ne kiim ak eng' euut ne chuulaat, amu tebyei rireenennyi koigeny;

KOMONG'U 20:11

Amu ki yai Kamuktaindet ne Toroor kipsengwet ak ng'wony, nyanjet ak tuguuk tugul che mi oriitinnywa eng' peetuusyek lo ak komuuny eng' peetuutap tisap. Ki iberuur anyun Kamuktaindet ne Toroor peetuutap sabato amu nooto ak kotabaan.

ISAIAH 42:5

Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 45:12

Ki ayae ng'wony, ak ki atau ayai chiito kotebee olooto: anee, ee, eunekyuk, che kiito kipsengwet, ak ki ang'at lugosyekwak tugul.

ISAIAH 59:1

Ogeero, ma nwach eutap Kamuktaindet ne Toroor, kot koma imuuch kosar; ama nyigiis itinnyi, kot koma imuuch kogas:

JEREMIA 1:6

Ki amwa anyun ale, “Ee, Kiptaiyat Kamuktaindet ne Toroor! Keero, anee koma muuchi ang'alaal, amu aa lakwa.”

JEREMIA 14:13

Ago ki amwa anyun ale, ee, Kiptaiyat Kamuktaindet ne Toroor! Keero, mwachin maotik icheek, koleenji, “ ‘Maityinok rotwetap chok, amonyooru rubeet; ago agoonok kaalyeet ne po iman eng' olito.’ ”

JEREMIA 21:2

asoomin ale, teebwech eng' Kamuktaindet ne Toroor; amu ibookyinech Nebukadresar laitoryatap Babilon: tamangap koyaiywech Kamuktaindet ne Toroor ko uu poisyonikyik tugul che kikwong'ee, si kobiit kwo koistoeneigei.

JEREMIA 27:5

Ki ayai ng'wonyuni, chii ak tyony che miitei ng'wony, eng' kamuktaennyu ne oo ak eunnyu ne chuulaat; ak agoochi emoniito ineendet ne ageere ale nyolu agoochi.

JEREMIA 32:27

keero, aa Kamuktaindet ne Toroor, Kamuktaindetap piik tugul: tos mi kiy age tugul ne temena?

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

JEREMIA 4:10

Ki amwa anyun ale, ee Kiptaiyat Kamuktaindet ne Toroor! Iman ki iberber miising' pichu ak Jerusalem, ileenji, “Onyooru kaalyeet; ago ityin rotwetap chok saboondo.”

JEREMIA 51:15

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi:

JEREMIA 51:19

Ma uu chuuto kebebertap Jakobo; amu po tai ineendet eng' tuguuk tugul; ak Israel ko pororyetap porotennyi: kainennyi ko Kamuktaindet ne Toroor ne po lugoosyek.

EZEKIEL 11:13

Ak kime Pelatiah weeriitap Benaiah ye ki amaoteni, ki abut anyun kot kotiiny togeennyu ng'wony, ak ariir eng' kutit ne oo, ale, ee, Kiptaiyat Kamuktaindet ne Toroor! Tos igeesu che ki ng'et che po Israel?

EZEKIEL 9:8

Ak ye kita kobarisyoti, ak kigang'etu eng' yooto, abut kot kotiiny togeennyu ng'wony, ak ariir, ak amwa ale, ee, Kiptaiyat Kamuktaindet ne Toroor! Tos ibare piik tugul che ki ng'et che po Israel eng' nereegeguk che ng'woneen che roong'jingei Jerusalem?

SEKARIA 12:1

Nyigiisindap ng'olyootap Kamuktaindet ne Toroor agobo Israel.

SEKARIA 8:6

Mwaei Kamuktaindet ne Toroor ne po lugoosyek kole: Ngot ko po kwong'eet eng' konyegap piik che ng'etu eng' pichu eng' peetuusyechooto, ko tos ma po kwong'eet agine eng' konyekyuk? Mwaei Kamuktaindet ne Toroor ne po lugoosyek.

KAITOSYEK 11:23

Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

MATAYO 19:26

Ago ki keer Jeso icheek ak koleenji, “Ma imugaksei ni eng' piik, ago imugaksei tuguuk tugul eng' Kamuktaindet.”

MARIKO 10:27

Ak kingo keer `Jeso icheek, kole, “Ma imugaksei eng' piik, ago ma uu nooto eng' Kamuktaindet; amu imugaksei tuguuk tugul eng' Kamuktaindet.”

LUKA 1:37

Amu ma mi ng'olyoo ne punu Kamuktaindet ne ma kiim.”

LUKA 18:27

Ki le, “Tuguuk che ma imugaksei eng' piik komugaksei eng' Kamuktaindet.”

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’

POISYONIGAP CHE KIYOKTOI 17:24

Kamuktaindet ne ki yai ng'wony ak tuguuk tugul che miitei olooto, ineendet ko Kiptaiyatap kipsengwet ak ng'wony, koma menyei hekalusyek che ki kiyae eunek.

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”