JEREMIA 31:32 - BUKUIT NE TILIIL Sireet ne Dutero Kanon

³² ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

Bukuit Ne Tilil

³² ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

BUKUIT NE TILIL

³² ma ko u kayomiset ne kigiyomisge ak kwanisiekwak eng’ betut ne kianamanu ichek amutu komong’ eng’ emetab Misri; kayomisonotonyunet ne king’em ichek, nganda kia manong’otiot eng’ ichek, mwaei Jehovah.

JEREMIA 31:32 ပူးပေါင်းရင်းမြစ်များ

1 LAITORINIK 8:9

Ki ma komi kiy moingonooto oriit kobatee koik aeng' che lebeleen che ki indoi Musa eng' Horeb, ye kingo yai Kamuktaindet ne Toroor arorutyet ak piigap Israel, ye ki mong'u eng' emetap Misiri.

TIENWOGIKAL 73:23

Agot nga uu nooto ami kobooten kotugul: Ki inam eunnyu ne po tai.

TIENWOGIKAL 78:37

Amu ki ma ko lititen mugulelwekwak eng' ineendet, Ak ki ma ek che kiyani agobo kayomisennyi.

KOMONG'U 19:5

Eng' nooto anyun, ngot ogas iit kutinnyu iman ak oriip kayomisennyu, oegu anyun iman eng' anee chamanikyuk che itabaanatiin eng' piik tugul, amu nenyu ng'wony komugul.

KOMONG'U 32:8

Kagosip komasta kometo ooreet ne kiga ang'atyi. Kagoyachigei kanamwet ne po moita ne ki kitaany, ak kogutung'ji, ak kagoeng'ji tiseiywot, ak koleen, ‘Kanamoniguk chu, inyee Israel, che ki imutun imang'une emetap Misiri.’ ”

TYENDO NE SIIREI TUGUL 8:5

Ng'oo ni togosu eng' surkwen, ne tiegei chamanennyi? Ki ang'eetin eng' kelutap keetitap logoek. Ole ki ame moet kamenng'ung' komachei kosichin, kimi yooto koamei moet si kosichin.

ISAIAH 24:5

Ki kimurwon ng'wony amu piik che menyei; amu ki kobistoe ng'atuutik, ki kowal kirwoogutik, ki kobut kayomiset ne po koigeny.

ISAIAH 41:13

Amu aname eung'ung' ne po tai, anee Kamuktaindet ne Toroor Kamuktaindeng'ung', aleenjinin, Meiywei; atoretiin.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

JEREMIA 11:3

Mwachi icheek ileenji, mwaei Kamuktaindet ne Toroor, Kamuktaindetap Israel, kole, chuboot chiito ne ma kasei ng'aleegap kayomisoni,

JEREMIA 11:4

ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 22:9

Kowol anyun kole, amu kimeto kayomisetap Kamuktaindet ne Toroor Kamuktaindennywa, ak kolas kanamonik che teer, ak koot.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 31:1

Mwaei Kamuktaindet ne Toroor kole, aegu eng' peetuusyechooto Kiptaiyat Kamuktaindetap ortinwek tugul che po Israel, ak koek piikyuk.

JEREMIA 34:13

mwaei Kamuktaindet ne Toroor, Kamuktaindetap Israel, kole: ki kiyomiske ak kwanisyekwok eng' peetuut ne ki amutu icheek komong' eng' emetap Misiri, komong' eng' kootap otwoknateet aleenji,

JEREMIA 34:14

Ye ibata kenyiisyek tisabu, kotyach chii age tugul eng' okweek tupchennyi ne Yahudyot, ne kigeal, ago ki kootin eng' kenyiisyek lo, ityaachi ineendet kwo: ago ki ma kasa kwanisyekwok, anan koepcha iit.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

EZEKIEL 20:37

Ak amutak obun kurereetap kirokto, ak amutwak obwa ratuutyetap kayomisutyet.

EZEKIEL 23:4

Kainaikwak ko ki Oholah, ne oo, ak Oholibah, chepkamet: ak kibunjo, ak ki sich weeriik ak tiibiik. Ak ki uu ni kainaikwak, Samaria ko Oholah, ak Jerusalem ko Oholibah.

HOSEA 11:1

Ki achame Israel kota ko ming'in, ak ki aguur weeriinnyu komong' eng' Misiri.

HOSEA 2:2

Oteechi kamenng'ung', oteechi amu ineendet koma ko osotyonnyu, ama aa manong'otyonnyi. Ingometo kugoinatosyekyik che mi togeennyi, ak ingometo ibeetapkei nooto mi tegeennyi.

HOSEA 3:1

Ki leenjo Kamuktaindet ne Toroor, “Ui kogeny ak icham kwondo ne chamat eng' chorwennyi ak ko chepkugonio, ko uu ye chamei Kamuktaindet ne Toroor piigap Israel agot nganda weekyingei kamuktaik, ak kochamei magatinigap sabibuk che yamyotiin.”

ATEPTAP LAWIK 26:15

ak ngot oeesye kaneetisyosyekyuk, ak kowech saboonwekwok kirwoogutikyuk, kot ko moyai ng'atuutikyuk tugul, obut kayomisennyu,

MARIKO 8:23

Ki nam eutap kipkoratyandanooto ak komut komandae nganaseet; ak ye kingo kagong'utyi konyekyik ak kogonoor eunekyik ineendet, koteebe kole, “Igeere kiy?”

JOHANA 3:29

Sandet ineendet ne tinyei murereet: ago paibai miising' chorweetap sandet, ne tononi koepchin iit ineendet, amu kutitap sandet: isuldaat anyun poiboiyoninyu.

POISYONIGAP CHE KIYOKTOI 23:19

Konam anyun kiptaiyat ne oo eutap weerooto, ak komut taban, ak koteebe eng' ung'oot kole, “Nee nooto imache imwaiwo?”

2 KORINTOEK 11:2

Amu ama ng'etkong' agobo okweek, eng' ng'etkonda ne po Kamuktaindet: amu ki achamwok obunji manong'otyot agenge, si kobiit amutyok Kristo ko uu pergeiyat ne tiliil.

NG'ATUTIK 1:31

ak eng' surkwen ole ki igeer ile kigesenunenen Kamuktaindet ne Toroor Kamuktaindeng'wong', ko uu ye keseni chii weeriinnyi, eng' ortinwek tugul che ki obunu agoi oitu olito.

NG'ATUTIK 29:1

Chu ng'aleegap kayomiset ne ki ng'at `Kamuktaindet ne Toroor Musa koyai kobooto piigap Israel eng' emetap Moabik, kotese kayomiset ne ki iyomiskei ak icheek eng' Horeb.

NG'ATUTIK 29:21

Ibesye anyun `Kamuktaindet ne Toroor chiichooto ortinwek tugul che po Israel kobunji yaityet, ko uu chubisyosyek tugul che po kayomiset ne ki kisirchi bukuiniito po Ng'atuutik.

NG'ATUTIK 29:24

Teebegei anyun pororyosyek tugul koleen, ‘Amu nee si koyachi Kamuktaindet ne Toroor ko uu ni emoni? Ibooru nee mai po nereegechu ng'woneen?’

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

NG'ATUTIK 31:20

Amu ye kaamut koit emet ne ki ayosyechi kwanisyekwak, nooto nyiitaat cheego ak komi kumyat eng' chaang'indo ak ye kagoamis kobiyong'so ak koneryo, koweektagei anyun ole mi kanamonik koba koot, kosasa ak kobut kayomisennyu.

NG'ATUTIK 5:2

Ki yai `Kamuktaindet ne Toroor, Kamuktaindennyo kayomiset kobootech eng' Horeb.

NG'ATUTIK 5:3

Ki ma yai `Kamuktaindet ne Toroor kayomisoniito ak kwanisyekyok ago ki yai kobootech acheek tugul che ki mi kesaptosi rani.

HEBRANIK 8:9

Ma ko uu kayomiset ne ki kiyomiske ak kwanisyekwak eng' peetuut ne ki anam eunekwak si amut komong' eng' emetap Misiri; amu ki ma koteptoi kayomisennyu, ak ki ma amage kiy icheek, mwaei Kiptaiyat.