JEREMIA 31:22 - BUKUIT NE TILIIL Sireet ne Dutero Kanon

²² Iombenoti kot kotyanit, ee inyee chepto ne iweechigei let? Amu ki kotoi Kamuktaindet ne Toroor koyai kiit ne leel eng' ng'wony; yiemei kwondo muren.

Bukuit Ne Tilil

²² Iombenoti kot kotyanit, ee inyee chepto ne iweechigei let? Amu ki kotoi Kamuktaindet ne Toroor koyai kiit ne leel eng' ng'wony; yiemei kwondo muren.

BUKUIT NE TILIL

²² Iombenoti kot kotianit, ee inye chepto ne iweechige let? Amu kigotoi Jehovah koyai kit ne leel eng’ ng’ony: Yiemei kwondo muren.

JEREMIA 31:22 ပူးပေါင်းရင်းမြစ်များ

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 2:18

Tos nee anyun ne inyooru ye wendi Misiri, iee peegap Nail? Anan nee ne inyooru ye wendi Assyria, iee peegap Euprates?

JEREMIA 2:23

Imuktoi ano anyun ile, “Ma aa murwoon, ma asup Baalik”? Keer oreng'ung' eng' atebweet, nai kiit ne kaiyai. Ii moitap tambeesyet ne chepchep ne isubi ortinwekyik,

JEREMIA 2:36

Amu nee si iombenote, iwalawali pandang'ung'? Kigoonin ililan agobo Misiri, ko uu ye ki kigoonin ililan agobo Assyria.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 3:4

Tos mechame iriircho kobooch nguno, ile, “Abba, ii kandoindetap ming'inatennyu?”

JEREMIA 3:6

Kimwaiwo anyun Kamuktaindet ne Toroor eng' peetuusyegap Josiah laitoryat koleenjo: “Tos ki igeer nooto ki yai Israel, ole kigogetyigei let, ole kitogosta tulweet age tugul ne kooi ak kwo kelutap keetit age tugul ne tuon, ak koyai kugoinatet eng' olooto?”

JEREMIA 3:8

Ki aroo agobo ng'olyoondoniito, ye kingo kagoyai Israel ibeetapkei, kogiaoon ineendet ak agoochi parweetap peesyet, ago ma iyweis Judah chepkamennyi kaberberindet. Ago ki wo agine koyai kugoinatet.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

JEREMIA 49:4

Amu nee anyun si itoroorge eng' atebwosyek, atebweng'ung' ne rootei, ee chepto ne ichuchuchegei let? Ne ki imang'u konoraikyik, ileen, Nyonjino ng'oo?

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

HOSEA 11:7

Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

HOSEA 14:4

Asoobi kachuchugeng'wong' pogei, achame icheek miising': amu kogoistoegei ineendet nereegekyuk.

HOSEA 4:16

Ko uu rooryat ne uui met, ko ki kongelel Israel; paei Kamuktaindet ne Toroor anyun icheek ko uu aarwetap keechiir eng' ole paraa.

HOSEA 8:5

Ki kometo moitang'ung', ee Samaria, kagolaany parak nereegekyuk agobo icheek: tyanitu si koek piik che ma tinyei tengek?

SEKARIA 7:11

Ago ki eesyo kogas iit, ak kililich tigigoikwak, ak kotiim itiikwak si ma kas.

KAITOSYEK 16:30

Ago ngot koyai Kamuktaindet ne Toroor kiy ne taunen, ak koyaat ng'wony kutinnyi, ak kolugui icheek kobooto tuguukwak tugul ak kochoortagei keriinget kosaptos, onai anyun ole ki sas `pichu Kamuktaindet ne Toroor.”

MATAYO 1:21

Tuun sichei ineendet weeriit ak iguure kainennyi Jeso, amu ineendet ne tuun saru piikyik eng' tengekwogikwak.”

GALATYEK 4:4

ago ye kingo it peetuut ne kiyamgei, koyook Kamuktaindet Weeriinnyi, ne ki sich kobogoryot, kosich eng' Ng'atuutyet,