JEREMIA 2:32 - BUKUIT NE TILIIL Sireet ne Dutero Kanon

³² Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

Bukuit Ne Tilil

³² Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

BUKUIT NE TILIL

³² Tos imuchi chepto koutie tugukyik che bo lelesta, anan koutie mureret ngoroikyik? Ago kigoutiena bikyuk eng’ betusiek che maiitoksei.

JEREMIA 2:32 ပူးပေါင်းရင်းမြစ်များ

TAUNET 24:22

Ak ye kingo kagoee peek tambeesik, konam chiichooto peteiyotap thahabu, ne nyigiisindanyi koyamei kebebertap shekel, ak kariik aeng' che po thahabu che po eunek che yamei shekelisyek taman,

TAUNET 24:30

Ye kingo keer peteiyot, ak kariik che mi eunegap chepkamet, ak ye kingo kas ng'aleegap Rebeka chepkamet, komwachin ng'aleek che kagamwachi chiichooto, kwo anyun ole mi chiichooto. Ak ogeero, kita kotononi chiichooto eng' ole neegitee tambeesik ye mi kondap peek.

TAUNET 24:53

Ki ip anyun otwogindet tuguuk che po fedha ak che po thahabu, ak ngoroik kogoochi Rebeka. Ki igoochi ng'eetap kamet ak kamet tuguuk che korooron.

2 SAMUEL 1:24

Okweek tiibiigap Israel, oriirye agobo Saulo, ineendet ne ki ilaakwok ngoroik che piriireen che po poiboiyet, ne ki inde lelestap thahabu ngoroikwok.

TIENWOGIKAL 106:21

Ki iutye Kamuktaindet, yetindennywa, ne kiga koyai tuguuk che eecheen eng' Misiri,

TIENWOGIKAL 9:17

Weechegei kiptengeginik kobendi ye mi meet, agot pororyosyek tugul che utye Kamuktaindet.

ISAIAH 17:10

Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

ISAIAH 57:11

Ak ki iywei ng'oo anyun ak itoptoben kot imwa lembech, ak ma ibwaata ama chut ng'olyoondoniito muguleldang'ung'? Ma asiis peetuusyek che chaang' ama iywea?

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

JEREMIA 13:10

Igeitu pirenoni ma kotilei kiy, pichu yaacheen, che eesyoi kogas ng'aleekyuk, che pendote uuindap mugulelwekwak, ak kosuboti kamuktaik che teer, si koot icheek ak kolas.

JEREMIA 13:25

Kebebertang'ung' niito, kebeberta ne punwa ne ki kigerun, mwaei Kamuktaindet ne Toroor; amu ki iutyeno ak imang'u lembechek.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 2:11

Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

JEREMIA 2:33

Ichoptoi ano oreng'ung' si icheeng' chamyet! Amu nee, si ko ki ineet, kwonyiik che yaacheen ortinweguk.

JEREMIA 23:27

che leen kogoochi piikyuk koutye kainennyu eng' karwotitaosyekwak che mwachin chii tugul chiitap kokwennyi, ko uu ye kiutye kwanisyekwak kainennyu amu Baal?

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

HOSEA 8:14

Amu kigoutye Israel Yaindennyi, ak koteech kooriigap laitorinik; ak ki kotes Judah nganasook che ng'ootaatiin: ago ayookyini maat nganasookyik, ak kobeel irimoikyik.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

NG'ANG'UTYET 21:2

Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.

KIRUOGIK 8:34

Ak ma ibwaat piigap Israel Kamuktaindet ne Toroor Kamuktaindennywa, ne ki sar icheek eng' eunegap puunikwak tugul che ki mi komosta age tugul.