JEREMIA 16:12 - BUKUIT NE TILIIL Sireet ne Dutero Kanon

¹² ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

Bukuit Ne Tilil

¹² ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

BUKUIT NE TILIL

¹² ak kioyai yaitiet kosiir kwanisiekwok; amu, ogeero, wendoti age tugul eng’ okwek kosubi uuindab muguleldanyi ne ya, kot ko ma oepcha it:

JEREMIA 16:12 ပူးပေါင်းရင်းမြစ်များ

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

AMDOINDET 8:12

Agot ngo yai kiptengekyot yaityet konyil pogol, ak kotesak peetuusyekyik, angen ui tugul ale, myeeitu eng' icheek che iywei Kamuktaindet, che iyweisyei ineendet eng' tainnyi.

AMDOINDET 9:3

Niito ko yaityet eng' tugul che kiyaei eng' kurereetap asiista, mi kiit agenge ne ityin tugul: ee, nyiitaat mugulelwegap weeriigap piik, yaitwogik, ak mi iywek mugulelwekwak kotee kosaptos, ye ibata, koba ole mi che ki kobek.

JEREMIA 13:10

Igeitu pirenoni ma kotilei kiy, pichu yaacheen, che eesyoi kogas ng'aleekyuk, che pendote uuindap mugulelwekwak, ak kosuboti kamuktaik che teer, si koot icheek ak kolas.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 18:12

Ago mwaei kole, ma tilei kiy kamang'unet: amu kibendote maguutikyok, ak koyai chii tugul eng' acheek ko uu uuindap muguleldanyi ne ya.

JEREMIA 22:28

Tos chiichito Konia ne tereet ne kisasei ne ki koyie? Tos ineendet ko tereet ne ma kiboiboitune? Amu nee anyun si ketimda icheeget, ineendet ak iyotennyi, ak king'eetoochi emet ne ma ingen?

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

JEREMIA 9:14

Ago kibendatee uuindap mugulelwekwak ak koosup Baalik, che ki ineeti kwanisyekwak.

RIREKAB JEREMIA 5:7

Ki yai tengek kwanisyekyok ak ma komi; ang'ni anyun kigegesen tengekwogikwak.

EZEKIEL 20:30

Mwachi anyun kootap Israel ileenji, mwaei Kiptaiyat Kamuktaindet ne Toroor kole: Tos omurwonige ko uu piteetap kwanisyekwok? Ak oyae kugoinatet osubi tuguukwak che kiwechei?

AMOS 2:4

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Judah amu kogoesyo ng'atuutigap Kamuktaindet ne Toroor, ama riip kayomisutikyik. Kigogoochi icheek lembechek che ki isubi kong'etee kwanisyekwak komaasta.

MALAKI 3:7

Ki omaste kobooch peetuusyegap kwanisyekwok, omete kayomisutikyuk ama oriip. Oweekyage anyun, si aweekyogei, mwaei Kamuktaindet ne Toroor ne po lugoosyek. Ago oteebe ole, “Kiweegundoige ano?”

MARIKO 7:21

Amu mang'une oriit, eng' muguleldap chii, kabwaatutik che yaach: sokseet, choorsosyek, rumisyosyek, ibeetapkei,

NG'ATUTIK 29:19

Ye kas ng'aleegap chubisyoni, koberuurgei eng' muguleldanyi kole, atebye eng' kaalyeet agot ngawendoti eng' ngelelnatetap muguleldanyu; tesei melelda pogitet.

NG'ATUTIK 9:27

Amat igeer uuindap met ne po pichu anan yaityennywa, anan tengektonywa. Ago ibwaat kiboitiniguk Abraham, Isak ak Jakobo.

2 TIMOTEO 3:13

Ago tesoksei kiptengeginik ak keniik eng' yaityet, koberberisyei ak kiberberi.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

KIRUOGIK 2:19

Ago kingo me kirwoogindet, koweigei let ak koyai tuguuk che yaach kosiir kwanisyekwak, kosubi kamuktaik alak, kootei ak kong'uruukyin. Ma siisyo eng' poisyonikwak anan eng' ooreetap ngelelnatennywa.

1 SAMUEL 15:23

Amu kergei ngelelnateet ak tengektap ponisyet ak kergei uuindap met ak chalwokto ak saaetap kanamonik. Amu koieesye ng'olyootap Kamuktaindet ne Toroor, ko kagoeesyen aginye si mata iegu laitoryat.”