JEREMIA 15:15 - BUKUIT NE TILIIL Sireet ne Dutero Kanon

¹⁵ Ak ki amwa ale, Ee Kamuktaindet ne Toroor, ingen inyee: “Ibwaata, ak irutocha. Iyooktoiwo mugetuut eng' usiikyuk, ameistoena muitaeng'ung'. Nai ile ki anyooru chotisyet amu inyee.

Bukuit Ne Tilil

¹⁵ Ak ki amwa ale, Ee Kamuktaindet ne Toroor, ingen inyee: “Ibwaata, ak irutocha. Iyooktoiwo mugetuut eng' usiikyuk, ameistoena muitaeng'ung'. Nai ile ki anyooru chotisyet amu inyee.

BUKUIT NE TILIL

¹⁵ Ee Jehovah, ingen inye: ibwata, ak irutocha, ak iyaaktawa mugetut eng’ usikyuk; ameistoena muitaeng’ung’: nai ile kianyoru chotisiet amu inye.

JEREMIA 15:15 ပူးပေါင်းရင်းမြစ်များ

NEEMIA 13:22

Ki ang'at Lawiik koanyinygei ak kobwa koriip ormariichok, kotabaan peetuutap sabato. “Ibwaata, ee Kamuktaindennyu, agobo ng'olyoondoniito agine, ak iriirena ko uu ooindap rireeneng'ung'.”

NEEMIA 13:31

Ki ang'at tuguuk che po kagoochinetap kweenik ak che po tongoanik keip eng' peetuusyek che ki king'at. Ibwaata, ee Kamuktaindennyu eng' tuguuk che myach.

NEEMIA 5:19

Ibwaata, ee Kamuktaindennyu, eng' tuguuk che myach, amu tugul che ki ayachi pichu.

NEEMIA 6:14

“Ibwaat, ee Kamuktaindennyu, Tobia ak Sanbalat ko uu poisyonichuchwak ak ibwaat kogeny Noahdia chebyoset ne ki maotyot ak maotik tugul chooto che kityemei komua.”

Kitabuutap JOB 10:7

agot ngingen ile ma aa chii ne ya, ama mi ne imuuchi kosar eng' eung'ung'?

TIENWOGIKAL 102:24

Ki ale, “Ee Kamuktaindennyu, amemuta eng' kwenutap peetuusyekyuk. Tebyei kenyisyeguk agoi ibinwek tugul.”

TIENWOGIKAL 106:4

Ibwaata, ee Kamuktaindet ne Toroor, eng' chameet ne ichame piiguk; ee, rutocha eng' yetuneng'ung';

TIENWOGIKAL 119:84

Egu ata peetuusyegap kiboityondeng'ung'? Irwookyini au che onota?

TIENWOGIKAL 17:3

Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

TIENWOGIKAL 39:13

Undaa, si anyoor kimnateet kogeny, kotom asiirte eng' yu, ama ami kogeny.

TIENWOGIKAL 44:22

Kibarech peetuut komugul agobo inyee; ak ki iitech ko uu keechiirek che po eng'seet.

ISAIAH 38:3

kole, ee Kamuktaindet ne Toroor, asaain ale, ibwaat ole ki atepte eng' imanda eng' taing'ung' ak eng' muguleldo ne ititaat, ak ki ayai ne myee eng' taing'ung'. Ak ki riir Hezekiah eng' ng'wanindo.

JEREMIA 12:3

Ago ingeno, ee Kamuktaindet ne Toroor, Igeera ak ityeme muguleldanyu kotokyingei. Ichuutu kobwa ko uu keechiirek che kienyei, ye ibata itabaanji icheek peetuutap eng'seet.

JEREMIA 15:10

Pwo eng' anee, ee kamennyu, amu kisicha aek chii ne po pooryeet, ne ibeligei ak ng'wony komugul! Tom abesende si anyoor keljinet ne siirei, ak kotomo kobesendaiwo piik, si konyoor keljinet ne siirei; ago chubo age tugul eng' icheek.

JEREMIA 15:20

Ayain eng' pichu iegu irimeet ne ng'ootaat ne po sugunwet; obargei ak icheek ago ma iterteerin, amu ami kobooten si asaruun ak atyachin, mwaei Kamuktaindet ne Toroor.

JEREMIA 17:16

Ma achakte anee kot abagaakte asubin aek mestowot; ama amach peetuutap riirek. Ingen inyee kiit ne ki mang'une kutinnyu; kimi taing'ung'.

JEREMIA 18:23

Ago, ingen inyee Kamuktaindet ne Toroor, kirwoogennywa ne irwoochi kole kobara; menyochi kaat tengektonywa, amebukte chalwoktanywa eng' taing'ung': ago ingeriich eng' taing'ung'; yachi ko uu nooto eng' peetuutap nereegeguk.

JEREMIA 20:11

Ago mi Kamuktaindet ne Toroor kobooto ko uu ineendet ne kiim ak komuisei: kinachi anyun usiikyuk, ama iterteerisyei: ililandos kot, amu ma yai eng' ng'omnateet, ak ma koi kiutye teweernatennywa ne po koigeny.

JEREMIA 20:12

Ago, ee Kamuktaindet ne Toroor ne po lugoosyek, ne ityeme chii ne po iman, ne igeere kabwaatutik ak muguleldo, koono ageer ye iyaakyini mugetuut icheek; amu ki ang'ang'un ng'olyoondennyu.

JEREMIA 20:8

Amu kotugul ye ang'alaali, awaache; awaache ale, Koroomnateet ak luuleet: amu kagiyai ng'olyootap Kamuktaindet ne Toroor koek chotisyet eng' anee, ak aegu ne kirorechin eng' peetuut komugul.

RIREKAB JEREMIA 3:64

Iyaaktochini ng'wony icheek, ee Kamuktaindet ne Toroor, ko uu poisyonigap eunekwak.

RIREKAB JEREMIA 3:66

Ioonati icheek eng' nereegek, ak ing'em icheek koistoegei kurereetap kipsengwet ne po Kamuktaindet ne Toroor.

MATAYO 10:22

Ak kowechok piik tugul agobo kainennyu. Ago ineendet ne muitoi agoi kagesunet kesaru.

MATAYO 19:29

Ak age tugul ne ki kobagakta kooriik, anan ng'eetap kametwagik, anan chepkametwagik, anan kwanda, anan kamet, anan lagok, anan mbareenik, agobo kainennyu, kotaachei konyil pogol, ak koboor eng' saboondap koigeny.

LUKA 21:17

Ak kowechok piik tugul agobo kainennyu.

ROMANIK 12:19

Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.”

ROMANIK 8:35

Ibestoseech ng'oo eng' chamyetap Kristo? Nyalilda, anan pichiindo, anan usiisyet anan rubeet anan aach ngor, anan ng'oiyondit, anan rotwetap chok?

2 KORINTOEK 5:11

Amu kingen anyun kayweetap Kiptaiyat, kichuutu piik, ago kibortaech eng' taitap Kamuktaindet; ak amang'u ale kibortoech eng' taitap kabwaateng'wong'.

2 TIMOTEO 4:14

Ki yaiywo ne ya miising' Aleksanda, kitong'oindet ne po sugunoik: tuun yaakyin Kiptaiyat ko uu poisyonikyik:

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”

NG'ANG'UTYET 6:10

Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”

KIRUOGIK 16:28

Ki kuur `Samson Kamuktaindet ne Toroor koleenji, “Ee Kiptaiyat Kamuktaindet ne Toroor, asaain ale ibwaata ak igimita ra kityo, ee Kamuktaindet, si ayaaktochigei mugetuut eng' Philistiik agobo konyekyuk tuwai.”