JEREMIA 10:25 - BUKUIT NE TILIIL Sireet ne Dutero Kanon

²⁵ Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

Bukuit Ne Tilil

²⁵ Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

BUKUIT NE TILIL

²⁵ Rong’ji neregeguk che ng’wonen bororiosiek che maingenin, ak ortinwek che maguurei kaineng’ung’; amu kigoam Jakobo, ee, kigoam inendet ak koges, ak kigong’em meng’otenywa.

JEREMIA 10:25 ပူးပေါင်းရင်းမြစ်များ

Kitabuutap JOB 18:21

Uu nooto iman meng'otosyegap che ma po iman, ak niito ko komostap ineendet ne ma ingen Kamuktaindet.”

TIENWOGIKAL 14:4

Ma tinyei kaguiyet yaigap tengekto? Amei piikyuk ko uu ye amei amitwogik, ama kuurei Kamuktaindet ne Toroor.

TIENWOGIKAL 147:20

Ma yachin pororyet age tugul ko uu nooto; ama nai icheek kirwoogutikyik. Olasu Kamuktaindet ne Toroor!

TIENWOGIKAL 27:2

Ye ki chea che yaei yaityo, kole koam poortanyu, puunikyuk ak usiikyuk, ko ki kinach icheek ak ki ibutyo.

TIENWOGIKAL 69:24

Rong'ji icheek nyitateng'ung', Ak ingonam icheek koroomindap nereegeguk,

ISAIAH 43:22

Ago ma iguura, ee Jakobo; ago ki ing'eet agobo anee, ee Israel.

ISAIAH 64:7

Ama mi ne kuurei kaineng'ung', ne igiilegei si kobiit konamin: amu ki iung'enech togeng'ung', ak ki igeswech amu tengekwogikyok.

ISAIAH 9:12

Ing'eeti piigap Syria eng' tai, ak Philistiik eng' let; ak koam Israel eng' kutit ne iseng'eng'at. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 11:1

Ki nyoonji `ng'olyootap Kamuktaindet ne Toroor Jeremiah koleenji,

JEREMIA 30:16

Ki amei anyun icheek tugul che amin; kiluulei puuniguk tugul, wendi age tugul luuleet; ak kiluulei icheek tugul che luulin, ak agoitoi kebar icheek che cheeng'ei kobarin.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

JEREMIA 50:7

Ki koam icheek piik tugul che kinyoor icheek: ak ki mwa puunikwak kole, ma kilel, amu ki koyachi icheek tengekto Kamuktaindet ne Toroor, meng'ootetap imanda, Kamuktaindet ne Toroor ne kamang'unetap kwanisyekwak.

JEREMIA 8:16

Kigasei eng' Dan waagaatap seruunegap paraisisyekyik. Potani emet komugul amu cheetap kateetap chechiik che kiimeen, amu kagobwa ak kagoam emet kobooto tuguuk tugul che kami, nganaseet kobooto che menyei oriit.

RIREKAB JEREMIA 2:22

Ki iguur puunikyuk eng' komosta age tugul, ko uu eng' peetuutap tuiyet ne ki king'at. Eng' peetuutap nereegegap Kamuktaindet ne Toroor koma piit chii ne ki chilil anan ne ki ng'et. Icheeget che ki aname ak ariibe kobooch ko mengech ko ki koges punyondennyu.

SEPANIA 1:6

ak icheek che ki week kometo Kamuktaindet ne Toroor; kobooto icheek che ma cheeng' Kamuktaindet ne Toroor, anan koteepse ineendet.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

SEKARIA 1:15

Ak anereechi miising' agobo pororyosyek che kalyandos; amu ye kita anereechi kitigin, kotes icheeget yaityet.

JOHANA 17:25

“Ee Abba ne po imanda, ki ma kongenin ng'wony, ago ki angenin; ak ki konai chu kole, ki iyookwo.

POISYONIGAP CHE KIYOKTOI 17:23

Amu ye ki asiirtoi ak ageer tuguuk che osaae, anyooru agine kapkorosuut ne tinyei siruutichu, ‘Po kamuktain ne ma naei chii.’ Nooto anyun ne osaae amongen, aboorwok anyun niito.

1 KORINTOEK 15:34

Ogosu eng' imanda, amat oyai tengek; amu ma ingen alak Kamuktaindet: amwae ni si agoonok olilan.

1 THESSALONIKEK 4:5

ma eng' mageet ne po kasetap myat, agot ko uu Pororyosyek che ma ingen Kamuktaindet;

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

NG'ANG'UTYET 16:1

Ki agas kutit ne oo kobunu Hekaluut, koleenjin malaikaisyechooto tisap, “Oba, oroong'ji emet taabook tisap che po nereegegap Kamuktaindet.”