ISAIAH 66:5 - BUKUIT NE TILIIL Sireet ne Dutero Kanon

⁵ Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

Bukuit Ne Tilil

⁵ Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

BUKUIT NE TILIL

⁵ Ogas ng’olyotab Jehovah, okwek che obotandosi amu ng’olyondennyi: Kigomwa che otupche icheget che wechok, che kitimdak agobo kainennyu, kole, Ingitoror Jehovah, si kobiit kegeer boiboiyeng’wong’; ago ililandos.

ISAIAH 66:5 ပူးပေါင်းရင်းမြစ်များ

1 LAITORINIK 21:29

“Igeere ole iming'indogei Ahab eng' tainnyu? Amu iming'inegei eng' tainnyu, koma ibu yaityet eng' peetuusyekyik; ago aipchini yaityet koonnyi eng' peetuusyegap weeriinnyi.”

2 LAITORINIK 22:10

Ki mwachi Sapan siriindet laitoryat, koleenji, “Kagoono Hilkiah tisiindet bukuit.” Ak kisooman Sapan eng' taitap laitoryat.

2 ATEPTAP PEETUUSYEK 34:27

amu kitangus muguleldang'ung', ak ki iming'ingei eng' taitap Kamuktaindet, ye kegas ng'aleekyik che nereekyin yuto, ak piik che menyei olito, ak iming'inigei eng' tainnyu, ak igereer ngoroiguk, ak iriir eng' tainnyu; ko kaagasun agane, mwaei Kamuktaindet ne Toroor.

EZRAH 9:4

Ki iyumjagei anyun chii age tugul ne kibotani agobo ng'aleegap Kamuktaindetap Israel, agobo pistoetap che kiga kiluul. Ki atebi ng'wony akwong' kot koit kagoitoetap kagoochinetap koskoleny.

TIENWOGIKAL 119:120

Potani poortanyu amu aiywein; ak aiywei kirwoogutiguk.

TIENWOGIKAL 38:20

Kaek puunikyuk che yaaktoi yaityet eng' ne myee, amu asubi kiit ne myee.

KALEWANAIK 13:13

Age tugul ne sasei ng'olyoot koipchingei ng'emisyet, ago kigoochin melekto chiito ne iywei kayomiset.

TYENDO NE SIIREI TUGUL 1:6

Ametang'ang'ja amu atuui, amu ki peela asiista. Ki nereekyo weeriigap kamennyu, ki indea aek riibindetap mbareenigap sabibuk. Ago ma ariip mbareennyu ne po sabibuk.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 5:19

che mwaei kole, “Ingochaakta ineendet, kochokyi poisyennyi, si kobiit kegeer. Ingorik konyo kirwoogetap Ineendet ne Tiliil ne po Israel, si kobiit kenai!”

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

ISAIAH 65:13

Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

JEREMIA 36:16

Kingo kagogas ng'aleechooto tugul anyun, kogeerotkei eng' kaiyweisyet, ak koleenji Baruk, Kimwachini iman laitoryat ng'aleechuuto tugul.

HOSEA 11:10

Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

MATAYO 10:22

Ak kowechok piik tugul agobo kainennyu. Ago ineendet ne muitoi agoi kagesunet kesaru.

LUKA 13:17

Ak ye kingo ta komwaei tuguuchu, kolilaanso puunikyik tugul: ago kiboiboitu tuiyet komugul agobo tuguuk che torooreen che ki yaei ineendet.

JOHANA 16:2

Oonok eng' sinagogisyek. Nyoonei sait, ne ibwaati chii tugul ne parok kole, ayachini Kamuktaindet poisyet.

JOHANA 9:34

Kowolji ineendet koleenji, “Ki kisikten iman tengekwogik, ak ineetech?” Ak ki toorta ineendet kwo saang'.

2 THESSALONIKEK 1:12

si kobiit kitoroor kainetap Kiptaiyandennyo Jeso eng' okweek, ak okweek eng' ineendet, ko uu myeeindap Kamuktaindet nenyo ak Kiptaiyat Jeso Kristo.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

1 JOHANA 3:13

Amokwong'ye che kitupche, ngot kowechok ng'wony.