ISAIAH 66:23 - BUKUIT NE TILIIL Sireet ne Dutero Kanon

²³ Ak tuun pwoonei piik tugul koloswa eng' tainnyu kobooch ye kaleel arawet agoi koleel age, ak kobooch sabato age agoi sabato age, mwaei Kamuktaindet ne Toroor.

Bukuit Ne Tilil

²³ Ak tuun pwoonei piik tugul koloswa eng' tainnyu kobooch ye kaleel arawet agoi koleel age, ak kobooch sabato age agoi sabato age, mwaei Kamuktaindet ne Toroor.

BUKUIT NE TILIL

²³ Ak tun bwanei bik tugul koloswa eng’ tainnyu koboch ye kaleel arawet agoi koleel age, ak koboch sabato age agoi sabato age, mwaei Jehovah.

ISAIAH 66:23 ပူးပေါင်းရင်းမြစ်များ

2 LAITORINIK 4:23

Ki le manong'otyondennyi, “Amu nee si iwe ole mi ineendet ra? Ama peetuut ne kaleel arawet anan ko sabato.” Ak ki le, “Ma ya.”

TIENWOGIKAL 22:28

Amu po Kamuktaindet ne Toroor laitornatet; ak pou ineendet pororyosyek.

TIENWOGIKAL 65:2

Ee inyee ne kasei saaet, pwonjinin piik tugul.

TIENWOGIKAL 65:3

Katemena tengekwogik, inyee ne iundoi pistaosyekyok.

TIENWOGIKAL 86:9

Tuun pwoonei pororyosyek tugul che ki iyae Ak kogutung'so eng' taing'ung', ee Kiptaiyat; Ak kotoroor icheek kaineng'ung'.

ISAIAH 19:21

Ak konaak Kamuktaindet ne Toroor eng' Misiri, ak konai `Misiriik Kamuktaindet ne Toroor eng' peetuunooto. Ilasune icheek koroseek ak kagoochinoik, ak koarorchi Kamuktaindet ne Toroor kaarorunet, ak koyai kosulda.

ISAIAH 19:23

Tuun piitu ooreet ne oo eng' peetuunooto ne ng'eetee Misiri agoi Assyria. Tuun pwoonei `piigap Assyria Misiri ak koba `Misiriik Assyria; ak kosa Misiriik kobooto piigap Assyria.

ISAIAH 2:2

Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

EZEKIEL 20:40

Amu tuun ota koot komugul ne po Israel eng' tulweennyu ne tiliil, eng' tulweet ne kooi ne po Israel, ota icheek tugul eng' emet, mwaei Kiptaiyat Kamuktaindet ne Toroor: ataache icheek eng' olooto, ak amagenak eng' olooto kagoochinoikwok, ak tongoanigap kagoochinoikwok, kobooto tuguukwok tugul che tiliileen.

EZEKIEL 45:17

Ak koek poisyetap pounindet kagoochinoik che kibeelei, ak kagoochinoik che po peek che ng'ootiin, ak kagoochinoik che kieei eng' igoorwek, ak eng' ye kaleel arawet, ak eng' sabatoisyek, eng' igoorwek tugul che ki king'at che po kootap Israel: chobei ineendet kagoochinetap tengekto, ak kagoochinetap peek che ng'ootiin, ak kagoochinet ne kibeelei, ak kagoochinoik che po kaalyeet, si koyai kagaigaet agobo kootap Israel.

EZEKIEL 46:1

Mwaei Kiptaiyat Kamuktaindet ne Toroor kole: Kigerei eng' peetuusyek lo che po poisyet ormariichet ne po seremut ne po oriit, ne tokyingei kong'asiis; ak kiyatei eng' peetuutap sabato, ak kiyatei eng' peetuut ne kaleel arawet.

EZEKIEL 46:6

Ak eng' peetuut ne kaleel arawet kigoito kirgit ne libwoop ne parnotyot; ak aarek lo che po keechiir, ak mengit; libwoben tugul:

SEKARIA 14:14

Ak kobargei Judah agine ak Jerusalem; ak kiyomo mogornatosyek che po pororyosyek tugul, che mi komoswek tugul, thahabu, fedha, ak ngoroik, eng' chaang'indo ne oo.

SEKARIA 14:16

Ak age tugul ne ng'etu eng' pororyosyek tugul che ki ibookyin Jerusalem, kotogostoi olooto eng' kenyiit age tugul, kolasu Laitoryat, Kamuktaindet ne Toroor ne po lugoosyek, ak koyai igoorto ne po keryosyek.

SEKARIA 14:18

Ak ngot koma togosta ooreetap kootap Misiri, amabwa, ko marobonjin ak icheek; piitu koroito ne pire Kamuktaindet ne Toroor pororyosyek che ma togosta koba koyai igoorto ne po keryosyek.

SEKARIA 14:19

Egu niito piretap Misiri, ak piretap pororyosyek tugul che ma togosta koba igoorto ne po keryosyek.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

JOHANA 4:23

Ago nyoonei sait, ak kagoit nguno, ye saaei Kwanda saaik che po iman eng' Kabuuset ne Tiliil ak imanit: amu cheeng'oti Kwanda che uu chooto koek che saaei ineendet.

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”