ISAIAH 66:22 - BUKUIT NE TILIIL Sireet ne Dutero Kanon

²² Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

Bukuit Ne Tilil

²² Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

BUKUIT NE TILIL

²² Amu ko u ye tebe tainnyu kipsengwetisiek che leelach ak ng’onyut ne leel, che ta ayae, ko u noto tebyei iyoteng’wong’ ak kaineng’wong’ eng’ tainnyu, mwaei Jehovah.

ISAIAH 66:22 ပူးပေါင်းရင်းမြစ်များ

ISAIAH 48:19

Kita tenitu ng'aniek iyoteng'ung', ak koigei lagoguk che kisiche, chaang'indap ng'aniek: ki ma kota ki istoi kainennyi anan keng'em eng' tainnyu.

ISAIAH 51:16

Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.

ISAIAH 53:10

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

ISAIAH 56:5

kole, agoochini icheek kabwaatet ak kainet eng' koonnyu ak eng' irimoikyuk, kosiir weeriik ak tiibiik; agoochini kainet ne po koigeny, ne ma ki istoi.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

ISAIAH 61:8

Amu achame anee Kamuktaindet ne Toroor kirwooget, aweche rebisyet kobooto tengekto; ak ayaakyini icheek eng' imanit, ak kiyomisyige ak icheek kayomiset ne po koigeny.

ISAIAH 61:9

Ak konaak iyotennywa eng' pororyosyek, ak konaak lagokwak eng' piik: ak naei piik tugul icheek ye keer, kole, chu iyoteet ne ki koberuur Kamuktaindet ne Toroor.

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

ISAIAH 65:22

Ma teeksei icheek, si konyo komeny age; ama minsei icheek, si konyo koam age: amu igeitu peetuusyegap keetit peetuusyegap piikyuk, ak koboiboitune chechuuk che ki alewen, poisyonigap eunekwak.

ISAIAH 65:23

Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.

JEREMIA 33:20

mwaei Kamuktaindet ne Toroor kole: Ndaomuuchi obut arorutyennyu ne po peet, ak arorutyennyu ne po kemoi, kot koma komi peetuut ak kemout eng' saisyekwak;

JEREMIA 33:21

ta kimuuchi kebut agine kayomisennyu ne ki kiyomiske ak Daudi otwogindennyu, kot kobetyi weeriit ne laitorani eng' ng'echerennyi ne po laitornatet; ak kayomisennyu ne ki ayai kobooto Lawiik tisiik, kiboitiinikyuk.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

2 PETERO 3:13

Ago, kigeni kipsengwet ne leel ak ng'wonyut ne leel ko uu arorutyennyi, ole menyei imanda.

NG'ANG'UTYET 21:1

Ak ki ageer kipsengwet ne leel ak ng'wony ne leel; amu ki kosiirto kipsengwet ne po tai ak ng'wonyut ne po tai; ama komi nyanjet kogeny.