ISAIAH 65:7 - BUKUIT NE TILIIL Sireet ne Dutero Kanon

⁷ tengekwogikwok, kobooto tengekwogigap kwanisyekwok, mwaei Kamuktaindet ne Toroor, che ki kobeel nyamdutik eng' tuloonook, ak kochuba eng' tuloonook che mengeechen: ageerchini anyun poisyonikwak che po tai, andochini tegetikwak.

Bukuit Ne Tilil

⁷ tengekwogikwok, kobooto tengekwogigap kwanisyekwok, mwaei Kamuktaindet ne Toroor, che ki kobeel nyamdutik eng' tuloonook, ak kochuba eng' tuloonook che mengeechen: ageerchini anyun poisyonikwak che po tai, andochini tegetikwak.

BUKUIT NE TILIL

⁷ tengekwogikwok, koboto tengekwogikab kwanisiekwok, mwaei Jehovah, che kigobeel nyamdutik eng’ tulonok, ak kochuba eng’ tulonok che mengechen: ageerjini anyun boisionikwak che bo tai, andochini tegetikwak.

ISAIAH 65:7 ပူးပေါင်းရင်းမြစ်များ

1 LAITORINIK 22:43

Kiwendote ortinwek tugul che po Asa kwandanyi; ma masta eng' ortinwechooto, ki yai ne myee eng' taitap Kamuktaindet ne Toroor. Nganda ki ma kiisto komoswek che torooreen, ak kita koenyei piik tiseiywek ak kobeelei nyamdutik eng' komoswechooto torooreen.

1 LAITORINIK 22:44

Ki yai kaalyeet Jehoshaphat ak laitoryatap Israel.

2 LAITORINIK 12:3

Ago ki ma kiisto komoswek che torooreen; kita koenyei piik tiseiywek ak kobeelei nyamdutik eng' komoswek che torooreen.

2 LAITORINIK 14:4

Ago ki ma kiisto komoswek che torooreen. Kita koenyei piik tiseiywek ak kobeelei nyamdutik eng' komoswek che torooreen.

2 LAITORINIK 15:35

Agos ma ki isto komoswek che torooreen; kita koenyei piik tiseiywek ak kobeelei nyamdutik eng' komoswek che torooreen. Ki teech ineendet ormariichetap meto ne po kootap Kamuktaindet ne Toroor.

2 LAITORINIK 16:4

Ki enyei ineendet tiseiywek ak kobeelei nyamdutik eng' komoswek che torooreen, eng' tuloonook ak eng' kelutap keetit age tugul ne tuon.

2 ATEPTAP PEETUUSYEK 21:11

Ma nooto kityo, ago ki teech kogeny komoswek che torooreen eng' tuloonoogap Judah, ak koyai che ki menyei Jerusalem koibotkei, ak kobeet Judah.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

ISAIAH 10:12

Nooto anyun ye tuun kagoyai Kiptaiyat poisyennyi komugul eng' tulweetap Zion ak eng' Jerusalem, abir anyun logoegap menoteetap muguleldo ne po laitoryatap Assyria, ak toroornatetap kachaunennyi pogei.

ISAIAH 13:11

Ak abir ng'wony amu yaityennyi, ak abir kiptengeginik amu tengektonywa; ak awong'u menoteetap che mendos, ak anyeroti menoteetap che imuisei.

ISAIAH 22:14

Ki ng'aang'jigei Kamuktaindet ne Toroor ne po lugoosyek itiikyuk koleen: “Ma kitiliilok iman eng' yaityoni kot obegu,” mwaei Kiptaiyat, Kamuktaindet ne po lugoosyek.

ISAIAH 26:21

Amu mong'u Kamuktaindet ne Toroor eng' oldanyi si kobiit kobir che menyei ng'wony amu yaityennywa. Ng'aanyei ng'wony kogeny korotiikyik, ama kotuchei piikyik che ki kibar.

ISAIAH 28:21

Amu ng'eetei Kamuktaindet ne Toroor ko uu eng' tulweetap Perasim, nereechi ko uu eng' atebweetap Gibeon; si kobiit koyai poisyennyi, poisyennyi ne teer, ak kogees poisyennyi, poisyennyi ne teer.

ISAIAH 29:14

Ara anyun, ayae poisyet ne kitang'aang'jin eng' kwenutap pichu, poisyet ne kitang'aang'jin ak kekwong'ee. Ak kobet utaatyetap piikwak che utaatiin, ak keuny kaguiyetap piikwak che ng'oomen.

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 30:13

ko uu nooto anyun kergeitu tengegito eng' okweek ak ole kigong'eer ole neegit kobutok, ne kogotoorgei eng' inaatut ne kooi, ne luulei kochokyin.

ISAIAH 30:14

Ak kotui ko uu ye kituei tereetap cheptereniot, ne tuatui koma riiree; kot koma kenyooru rokyet ne ki ibe maat eng' kapkoima, anan kerame peek eng' keriinget.

ISAIAH 57:12

Aboortoi imandang'ung'; ama kelun kiy eng' poisyoniguk.

ISAIAH 57:7

Kainde itogung'ung' tulweet ne ki wo parak ak ko kooi miising': ak ki iwe kogeny olooto igoite tiseiywek.

ISAIAH 59:18

Yaakyin icheek ko uu poisyonikwak, nereegek che ng'woneen eng' puunikyik, yaaktaet eng' puunikyik; yaakyin ngeguusyek ko uu ye nyoljin.

ISAIAH 65:6

Ogeero, siraat eng' tainnyu: masise, ago ayaaktoi, ee ayaakyini andochini tegetikwak,

ISAIAH 66:4

alewenjini anyun kaberberisyosyekwak, ak aipchi icheek kaiyweisyosyekwak; amu kinga kuurse, koma wol chii; ye kinga ng'alaal, koma kas icheek: ago ki yai tuguuk che yaach eng' tainnyu, ak kolewen tuguuk che ma abaibaitune.

JEREMIA 13:25

Kebebertang'ung' niito, kebeberta ne punwa ne ki kigerun, mwaei Kamuktaindet ne Toroor; amu ki iutyeno ak imang'u lembechek.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 16:18

Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

JEREMIA 5:29

Tos manyone abire icheeget agobo tuguuchuuto? Mwaei Kamuktaindet ne Toroor, tos mayaaktochinigei mugetuut eng' pororyet ne uu ni?

JEREMIA 5:9

Tos manyone abire agobo tuguuchuuto? Mwaei Kamuktaindet ne Toroor; ak tos mayaaktochinigei mugetuut eng' pororyet ne uu ni?

EZEKIEL 18:6

ak tomo koamisye tuloonook, ama tokyi kanamonik che po kootap Israel, ama ing'wanit osotyotap chiitap kokwennyi, ama riikyi kwony eng' peetuusyekyik che po arawet;

HOSEA 11:2

Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

HOSEA 2:13

Aipchini ineendet pireet agobo peetuusyegap Baalik, ye kibeelji `ineendet icheek nyamdutik, ak kolelesanjinegei munaokyik ak tuguukyik che po lelesta, ak kwo kosubot chamanikyik, ak koutyeno, mwaei Kamuktaindet ne Toroor.

ATEPTAP LAWIK 26:39

Ak ichuchui che ng'etu eng' okweek eng' tengekwogikwak eng' emotinwegap puunikwok; ak kogeny amu tengekwogigap kwanisyekwak kochuchui ko uu icheek.

KAITOSYEK 32:14

Ara oyaei nguno ko uu ye ki yai kwanisyekwok, oegu kiptengeginik che tesoksei, otes nereegek che koroomen che po Kamuktaindet ne Toroor eng' Israel.

LUKA 6:38

ogoite, si tuun kegoonok; kerutyet ne myee, ne ki kigony, ne ki kisaisach, kot korara, chooto che tuun indoi piik tegetikwok. Amu kerutyet ne ogere ko nooto ne tuun kigerunenok ak okweek.”

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.