ISAIAH 65:23 - BUKUIT NE TILIIL Sireet ne Dutero Kanon

²³ Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.

Bukuit Ne Tilil

²³ Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.

BUKUIT NE TILIL

²³ Maboisiei buch, ama ichin nyalil, amu icheget ko iyotetab che iberurotin che bo Jehovah, koboto lagokwak.

ISAIAH 65:23 ပူးပေါင်းရင်းမြစ်များ

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

Kitabuutap JOB 21:8

Kimegitu iyotennywa eng' tainnywa, ak kogimegitu lagokwak kogeerei.

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 49:4

Ago ki amwa ale, Ki abirtegei puch, ki aboisyee kimnateennyu puch, ak eng' tangoita; ago iman, mi kirwoogennyu eng' Kamuktaindet ne Toroor, ak mi yaaktaennyu eng' Kamuktaindennyu.

ISAIAH 55:2

Amu nee si oboisyee fedha eng' tuguuk che ma amitwogik? Ak poisyeng'wong' agobo tuguuk che mobiyonyi? Oepcha iit miising', si oam che myach, ak ingoboiboitu saboonwekwok eng' che akwaen.

ISAIAH 61:9

Ak konaak iyotennywa eng' pororyosyek, ak konaak lagokwak eng' piik: ak naei piik tugul icheek ye keer, kole, chu iyoteet ne ki koberuur Kamuktaindet ne Toroor.

ISAIAH 66:22

Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

EZEKIEL 36:29

Ak asarwok eng' simwekwok tugul: ak aguur peek si ates, ama agoonok rubeet kogeny.

ATEPTAP LAWIK 26:20

Oboisyee puch kimnateeng'wong', amu ma koonu emeng'wong' rurateet, ak ma iitos keetiigap emet logoekwak.

ATEPTAP LAWIK 26:22

Ayoogu tyong'ik che po timiin kobwa kwenung'wong', che pwoonei korebenok lagokwok ak kobar tuukwok; ak koyaak ong'ering'itu ak koek kipkuberet ortinwekwok.

ATEPTAP LAWIK 26:29

Ak oam panyeegap poorwegap weeriikwok ak che po tiibiikwok.

HAGGAI 1:6

Ki ogol che chaang', ago ogese che ng'ering'; oamisyei, ago mobiyong'dosi; oeeisei, ago manyiiok; olaachi ngoroik, ago ma mi ne lalang'; ak ineendet ne nyooru melekto kondai lolet ne undurot.”

HAGGAI 2:19

Tos ta komi peek choge? Ee, ma iiyo keetiigap sabibuk, anan mogoonik, anan keetiigap logoek alak, anan mseituni. Aberuurok anyun kobooch peetuuni.

MALAKI 3:10

Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

ROMANIK 4:16

Punu kayaneet amu niito, si kobiit koek ne po myeeindo; si ma walak arorutyet eng' iyoteet tugul; ma chooto po Ng'atuutyet kityo, ago chooto ak icheek che po kayaneetap Abraham, ne kwandanyo acheek tugul

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

GALATYEK 3:29

Ak ngot oo po Kristo, ko oo kesweegap Abraham anyun che namei tuguuk ko uu eng' arorutyet.