ISAIAH 65:18 - BUKUIT NE TILIIL Sireet ne Dutero Kanon

¹⁸ Ago ogaaskei ak oboiboitu agoi agobo kiit ne atau ayae: amu atau ayae Jerusalem koek ne kiboiboitune, ak koek piikyik poiboiyet.

Bukuit Ne Tilil

¹⁸ Ago ogaaskei ak oboiboitu agoi agobo kiit ne atau ayae: amu atau ayae Jerusalem koek ne kiboiboitune, ak koek piikyik poiboiyet.

BUKUIT NE TILIL

¹⁸ Ago ogasge ak oboiboitu agoi agobo kit ne atau ayae: amu atau ayae Jerusalem koek ne kiboiboitune, ak koek bikyik boiboiyet.

ISAIAH 65:18 ပူးပေါင်းရင်းမြစ်များ

2 ATEPTAP PEETUUSYEK 6:41

“Ara anyun, ng'eet, ee Kamuktaindet ne po Toroornatet, nyoo oli imuung'ee, inyee ak moingetap kimnateng'ung'. Ingolaach tisiiguk yetunet, ee Kamuktaindet ne po Toroornatet, ak ingoboiboitu piiguk che tiliileen eng' myeeindo.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 49:13

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 9:3

Ki ites pororyet, ki ites poiboiyennywa; poiboitu icheek eng' taing'ung' ko uu poiboiyet ne po kesisyet, ko uu piik che poiboitu ye pchei parunenik.

SEPANIA 3:14

Tyen, ee cheptap Zion; waach, ee Israel! Igaskei ak ibaibaitu eng' muguleldang'ung' tugul, ee cheptap Jerusalem!

SEKARIA 2:10

Mwaei Kamuktaindet ne Toroor kole “Tyen ak ibaibaitu, ee cheptap Zion; amu, keero, anyoone amenye kwenung'ung'.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

1 THESSALONIKEK 5:16

Oboiboitu peetuusyek tugul;