ISAIAH 65:13 - BUKUIT NE TILIIL Sireet ne Dutero Kanon

¹³ Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

Bukuit Ne Tilil

¹³ Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

BUKUIT NE TILIL

¹³ Mwaei anyun Kiptaiyat Jehovah ko u ni kole, Ogeero, tun amisiei otwogikyuk, ago amok rubet: ogeero, tun eeisei otwogikyuk, ago amok melel: ogeero, tun baibaitu otwogikyuk, ago olilandosi:

ISAIAH 65:13 ပူးပေါင်းရင်းမြစ်များ

TIENWOGIKAL 34:10

Rarchin kirugigap ng'etuunyik ak koamei rubeet; ago ma rarchin kiy age tugul ne myee icheeget che cheeng'ei Kamuktaindet ne Toroor.

KALEWANAIK 13:25

Amei ne po iman kot kobiyo saboondanyi; ago ma nyooru kiptengeginik che yamei.

ISAIAH 1:19

Ngot ochame ak ogase iit, oame anyun akwaindap emet.

ISAIAH 41:17

Cheeng'ei peek piik che ponoon ak che ma tinyei kiy, ago ma mi, ak koyaamei ng'elyepta amu melelda; awoljini, anee Kamuktaindet ne Toroor, ma metoi anee Kamuktaindetap Israel.

ISAIAH 41:18

Ayaate ainoosyek eng' komoswek che torooreen ole churat, ak ayaat kondametusyegap peek eng' kwenutap atebwosyek: ayae surkwen koek tamboiyot, ak emet ne yaamaat kobiitune kong'igap peek.

ISAIAH 42:17

Kiweektoi icheek koba let, ak kolilaanso miising', che imang'u kanamonik che ki kiwai, che leenjin kanamonik che ki kitany, Oo kamuktaikyok.

ISAIAH 44:11

Ogeero, ililandos choronokyik tugul; ak po piik musogik: ingoyumgei tugul, ingotononso; iyweisyei, ililandos tugul.

ISAIAH 44:9

Puch icheeget tugul che yaei kanamonik che kiwaei; ak ma tinyei keljinet tuguukwak che iboiboegei: ak ma keertoi paorinikwak, ama naei; si kolilaanso.

ISAIAH 49:10

Ma kasei rubeet anan koam melelda; ama kobeelei icheek maat, anan kobir asiista: amu indochin icheek ineendet ne riiree, imuti kobun kong'igap peek.

ISAIAH 5:13

Kigeluul anyun piikyuk, amu kibetyi naet. Piikwak che konyitotiin ko parei rubeet, ak tuiyennywa ko parei melelda.

ISAIAH 50:11

Ogeero, okweek tugul che olaali maat, che ogermenegei kegenganik: obunote liplibenetap mang'wong', ak eng' kwenutap kegenganik che kaolaal. Onyooru niito kobunu eunnyu; oruitosi eng' arageneet.

ISAIAH 61:7

Onyooru konyil aeng' agobo kalilaneng'wong'; ak koboiboitu eng' kebebertanywa kogeere toiyet: nyabani anyun icheek konyil aeng' eng' emennywa: punjin icheek poiboiyet ne po koigeny.

ISAIAH 62:9

ago amei icheek che ki konori, ak kolas Kamuktaindet ne Toroor; ak koee icheek che kiyumi, eng' seremusyegap oldanyu ne tiliil.

ISAIAH 66:14

Ak ogeero, ak koboiboitu mugulelwekwok, ak kong'atyo kawekwok ko uu susweek che ng'orng'or: ak konaak eutap Kamuktaindet ne Toroor eng' otwogikyik, ak konereekyi puunikyik.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

ISAIAH 8:21

Tuun siirtoe yooto, konyalildos ak koamei rubeet, ak ye tuun kaam rubeet, konereekso ak kosas laitoryannywa ak Kamuktaindennywa, ak konyal parak;

JEREMIA 22:22

Paei usoonet mestoweguk tugul, ak keluul chamaniguk: ililan iman anyun ak itoptoben agobo yaityeng'ung' tugul.

HOSEA 4:10

Amisyei, ama piyang'dos; yaei kugoinatet ama tesoksei; amu ki kometa anee Kamuktaindet ne Toroor ak kobegechi

MALAKI 3:18

Yeityo oweege ak obesye chiito ne po iman ak kiptengekyot, obesye ineendet ne otei Kamuktaindet ak ne maotei.”