ISAIAH 65:11 - BUKUIT NE TILIIL Sireet ne Dutero Kanon

¹¹ Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:

Bukuit Ne Tilil

¹¹ Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:

BUKUIT NE TILIL

¹¹ Ago okwek che ometoi Jehovah, che outie tulwennyu ne tilil, che ochobe meset agobo Kelunet, ak che onyiityini Kagesunet divaik che kigiburuch:

ISAIAH 65:11 ပူးပေါင်းရင်းမြစ်များ

2 LAITORINIK 21:3

Amu ki teech kogeny komoswek che torooreen che kiga kobut Hezekiah kwandanyi; kiteekyi Baal kapkorosusyek ak koyai Asera ko uu ye kiga yai Ahab laitoryatap Israel. Kigutung'ji ineendet tuguuk tugul che po kipsengwet ak koot.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 132:13

Amu ki kolewen Kamuktaindet ne Toroor Zion; kimakyigei koek ole tebee.

TIENWOGIKAL 137:5

Ngot autyenen, ee Jerusalem, ko ingoek eunnyu ne po tai ne meat!

ISAIAH 1:28

Ago tuun king'emei tuwai, pistoik ak kiptengeginik eng' peetuut agenge, ak tuun kigeesu che metoi Kamuktaindet ne Toroor.

ISAIAH 1:4

Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 2:2

Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 57:13

Ingosaruun ye iriire, icheek che ki iyum, ago ibei usoonet icheek, ibei kabuuset icheek tugul: ago namei emet kobunji, ineendet ne imang'wa, ak koek tulweennyu ne tiliil porotennyi.

ISAIAH 65:25

Ageti suiyot ak aarwetap keechiir, ak koam ng'etundo susweek ko uu teta: ak koek ng'ung'unyek amitwogigap ereneet. Ma itoi kiy chii anan kong'emis eng' tulweennyu tugul ne tiliil, mwaei Kamuktaindet ne Toroor.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 17:13

Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 2:28

Mi ano kanamonik, che ki iyachigei? Ingong'eetyo icheek, ngot komuuchi kosaruun eng' peetuusyegap nyalildang'ung'. Amu ko uu ole tee koitetap nganasoguk, ko uu nooto kanamoniguk, ee Judah.

JEREMIA 7:18

Iyumi lagok kweenik, ilali maat kwanisyek, kokwonykwonyi magatiinik kwonyiik, si kobeelji osotyotap laitoryat ne po kipsengwet ak koroong'ji kagoochinoik che kieei, kamuktaik, si kobiit kotacha anereech.

NG'ATUTIK 32:17

Ki eng'ji tiseiywek oik, che ma Kamuktaindet, kamuktaik che ki ma kongen, che ki piitu let, Che ki ma koywei kwanisyekwok.

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,