ISAIAH 63:9 - BUKUIT NE TILIIL Sireet ne Dutero Kanon

⁹ Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

Bukuit Ne Tilil

⁹ Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

BUKUIT NE TILIL

⁹ Kiginyalil inendet eng’ nyalilwogikwak tugul, ak kisor ichek malaikaiyandennyi ne kimi tainnyi: kiitiach eng’ chamnyennyi ak rirenennyi; ak kigesen ak koganab betusiek tugul che bo keny.

ISAIAH 63:9 ပူးပေါင်းရင်းမြစ်များ

TAUNET 48:16

malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

Kitabuutap JOB 37:23

Ma kimuuchi kegeer Ineendet Ne po Kamuktaet; tinyei telunateet eng' kamuktaet: Ma inyalilisyei eng' kirwooget ak eng' imanda ne oo.

TIENWOGIKAL 25:22

Ee Kamuktaindet, ityaach Israel, eng' nyalilwogikyik tugul.

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

KOMONG'U 14:19

Ki wo anyun let malaikaiyatap Kamuktaindet ne ki indoe piigap Israel ak ki wo kora toloitap pooldet ne ki mi tainnywa ak kotonone let.

KOMONG'U 15:13

Ki indochi inyee eng' rireeneng'ung' piik che ki ityaach komanda; ki indochi icheek eng' kimnateng'ung' koba oldang'ung' ne tiliil.

KOMONG'U 19:4

‘Ki ogeer kiit ne ki ayachi Misiriik ak ko uu ye ki agesenenak kebebaigap kipsichinik amutwak obwanjo.

KOMONG'U 33:14

Ak ki le Kamuktaindet, “Kibendi tuwai ak agoonin kamuung'et.”

KOMONG'U 33:15

Ki leenji Musa, “Ngo ma kibendi tuwai, ko memutech keebe eng' oli.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 43:4

Amu koiegu eng' anee ne achame miising', ak ne kigonyiti, ak ki achamin; agoitoi anyun piik agobo inyee, ak agoite piik agobo sabeeng'ung'.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 51:10

Tos ma inyee ne ki iteeny nyanjet, peegap rireet ne oo; ne ki iyai rireetap nyanjet koek ooreet ne landoe icheek che ki kityaach?

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

JOEL 2:18

Ki am ng'etkong' anyun Kamuktaindet ne Toroor amu emennyi, ak ki riiree piikyik.

SEKARIA 2:8

Mwaei Kamuktaindet ne Toroor ne po lugoosyek ne kagoyookta ineendet agobo toroornatennyi, awo ye mi pororyosyek che kiluulok, kole “Ee iman, ineendet ne twook, ko katwa laptetap kondanyi.

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

MATAYO 25:45

Kowolji anyun kole, ‘Amwaiwok iman ale, ko uu ye ma oyachi agenge eng' chu mengech eng' tugul, koma oyaiywo.’

LUKA 15:5

Ak ye kigonyoor, konde tigikyennyi, ak kobaibait.

POISYONIGAP CHE KIYOKTOI 12:11

Ye kingo pwaat Petero, komwa kole, “Kaanai nguno iman, ale, kagoyok `Kiptaiyat malaikaiyandennyi ak kasarwo eng' eutap Herod, ak eng' kagenisyet tugul ne po piigap Yahudik.”

POISYONIGAP CHE KIYOKTOI 7:38

Ye kimi tuiyet eng' surkwen, ko Musa niito ne ki ng'alaalji `malaikaiyat eng' tulweet ne po Sinai ak kobooto kwanisyekyok. Ineendet ne ki taach ng'aleek che saptos si kogoonech.

POISYONIGAP CHE KIYOKTOI 9:4

Ki ibutyi, ak kogas kutit koleenji ineendet, “Saulo, Saulo, amu nee si iusa?”

1 KORINTOEK 10:9

Anan ketyem Kiptaiyat, ko uu ye kityem alak eng' icheek, ak ki par erenook.

NG'ATUTIK 1:31

ak eng' surkwen ole ki igeer ile kigesenunenen Kamuktaindet ne Toroor Kamuktaindeng'wong', ko uu ye keseni chii weeriinnyi, eng' ortinwek tugul che ki obunu agoi oitu olito.

NG'ATUTIK 4:37

Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 2:18

Amu ko uu ye kinyalil ineendet ye ki kiyomei, komuuchi ineendet kotoret icheek che kiyomei.

HEBRANIK 4:15

Amu ma ki tinyei tisiindet ne oo ne ma imuuchi kogaswech nyalulnatosyekyok; ago ne ki kiyoom ko uu acheek eng' tuguuk tugul, ama yai tengek.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.

KIRUOGIK 10:16

Ki isto anyun kanamonik che too eng' kwenunnywa ak koot Kamuktaindet ne Toroor. Ak ki iimak saboondanyi amu nyalildap Israel.