ISAIAH 63:15 - BUKUIT NE TILIIL Sireet ne Dutero Kanon

¹⁵ Keer anyun ng'wony eng' kipsengwet, ak igeer eng' meng'ootetap tiliilindang'ung' ak ko po toroornateng'ung'. Mi ano kagiileng'ung' pogei ak poisyoniguk che po kamuktaet? Kaietena rireenetap muguleldang'ung' ak rireenosyeguk.

Bukuit Ne Tilil

¹⁵ Keer anyun ng'wony eng' kipsengwet, ak igeer eng' meng'ootetap tiliilindang'ung' ak ko po toroornateng'ung'. Mi ano kagiileng'ung' pogei ak poisyoniguk che po kamuktaet? Kaietena rireenetap muguleldang'ung' ak rireenosyeguk.

BUKUIT NE TILIL

¹⁵ Keer anyun ng’ony eng’ kipsengwet, ak igeer eng’ meng’otetab tililindang’ung’ ak ko bo torornateng’ung’. Mi ano kagiileng’ung’ bo ge ak boisioniguk che bo kamuktaet? Kaietena rirenetab muguleldang’ung’ ak rirenosieguk.

ISAIAH 63:15 ပူးပေါင်းရင်းမြစ်များ

1 LAITORINIK 8:27

“Ago tos meny Kamuktaindet ng'wony iman? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

2 ATEPTAP PEETUUSYEK 30:27

Ki ng'eetyo anyun Tisiik ak Lawiik ak koberuur piik; ak ki kigas kutinnywa, ak kitogosta saaennywa kwo oldanyi ne tiliil eng' kipsengwet.

TIENWOGIKAL 123:1

Anyalin, ee inyee ne tebee kipsengwet.

TIENWOGIKAL 25:6

Ee Kamuktaindet ne Toroor, ibwaat rireenosyeguk ak chamyeng'ung' ne tala; amu ki mi kobooch keny.

TIENWOGIKAL 33:14

Keeroti eng' ole menyei piik tugul che mi ng'wony.

TIENWOGIKAL 68:5

Kwandap che ma tinyei sigiik, ak ne tononjin mosoogik, Ko Kamuktaindet eng' koonnyi ne tiliil.

TIENWOGIKAL 77:10

Ak ki ale, kaimennyu niito; abwaati ale ki kowalak euut ne po tai ne po Ineendet Ne Toroor Miising'.

TIENWOGIKAL 80:14

Kisaain, acheek ee Kamuktaindet ne po lugoosyek, keele, iweege: Keer oli eng' kipsengwet, ak igeer, ak irutoochi sabibuniito,

TIENWOGIKAL 80:15

Ak keetit ne ki imiine eung'ung' ne po tai, Ak temeet ne ki igimityige.

TIENWOGIKAL 89:49

Ee, Kiptaiyat, mi ano rireenosyeguk che po keny, Che ki iyasyechi Daudi eng' imandang'ung'?

ISAIAH 16:11

Morori anyun moennyu ko uu ketubetap Moab, ak morortos agutanikyuk ak icheek amu Kir-heres.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 37:32

Amu mandoi eng' Jerusalem che kang'et, ak chilildos eng' tulweetap Zion: yaei niito kagiiletapkei ne po Kamuktaindet ne Toroor ne po lugoosyek.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

ISAIAH 49:15

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 59:17

Ak ki ilaach imanda ko uu karnetap tegeet, ak chepkulet ne po yetunet eng' metinnyi; ak ki ilaach ngoroigap yaaktaetap mugetuut, ak ki ilaach kagiiletapkei ko uu sambut.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

ISAIAH 64:12

Ee Kamuktaindet ne Toroor, tos ta iranyegei eng' tuguuchooto? Tos isise, ak inyalilech miising'?

ISAIAH 66:1

Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

RIREKAB JEREMIA 3:50

agoi kogeer Kamuktaindet ne Toroor, kogeer eng' kipsengwet.

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

JOEL 2:18

Ki am ng'etkong' anyun Kamuktaindet ne Toroor amu emennyi, ak ki riiree piikyik.

LUKA 1:78

amu muguleldo ne rireegei ne po Kamuktaindet nenyo, si kochorchech lapkeiyet ne punu parak,

NG'ATUTIK 26:15

Keer anyun ng'wony eng' meng'ooteng'ung' ne tiliil, eng' kipsengwet ak iberuur piiguk Israel ak emet ne nyiitaat cheego ak komi kumyat eng' chaang'indo ne ki igoonech ko uu ye ki iyasyechi kwanisyekyok.’

PILIPIK 2:1

Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

1 JOHANA 3:17

Ago chiito ne tinyei tuguugap ng'wonyuni, ak kogeerei ne tupcho kobanani, ak koger muguleldanyi, ama riiree ineendet, komeng'doi ano chamyetap Kamuktaindet ineendet?