ISAIAH 62:12 - BUKUIT NE TILIIL Sireet ne Dutero Kanon

¹² Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

Bukuit Ne Tilil

¹² Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

BUKUIT NE TILIL

¹² Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

ISAIAH 62:12 ပူးပေါင်းရင်းမြစ်များ

TIENWOGIKAL 107:2

Ingomwa ko uu nooto che ki kotyach Kamuktaindet ne Toroor, che ki kotyach eng' eutap puunyoot,

KOMONG'U 19:6

Oegu eng' anee laitornatetap tisiik ak pororyet ne itabaanat. Chuuto ng'aleek che iwendi imwachini piigap Israel.’ ”

ISAIAH 1:27

Tuun kityaachi Zion eng' kirwooget, ak kityaache eng' imanda piikyik che sigu.

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 35:9

Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

ISAIAH 4:3

Ak tuun kiguure ne itabaanat ineendet ne ki ng'et eng' Zion, ak Jerusalem, chiito age tugul ne ki kisir eng' che saptos eng' Jerusalem.

ISAIAH 41:17

Cheeng'ei peek piik che ponoon ak che ma tinyei kiy, ago ma mi, ak koyaamei ng'elyepta amu melelda; awoljini, anee Kamuktaindet ne Toroor, ma metoi anee Kamuktaindetap Israel.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

ISAIAH 51:10

Tos ma inyee ne ki iteeny nyanjet, peegap rireet ne oo; ne ki iyai rireetap nyanjet koek ooreet ne landoe icheek che ki kityaach?

ISAIAH 52:3

Amu mwaei Kamuktaindet ne Toroor kole, ki kialdak puch; ak kityaachok ama eng' fedha.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 62:2

Ak kogeer pororyosyek imandang'ung', ak kogeer laitorinik tugul toroornateng'ung': ak keguurenen kainet ne leel, ne tuun kuurenen Kamuktaindet ne Toroor.

ISAIAH 62:4

Ma keguurenen kogeny Ne Ki kimeto; ama keguure emeng'ung' kogeny Karaita: ago kiguurenen Hepsi-ba, ak keguure emeng'ung' Beula: amu paibaitunenen Kamuktaindet ne Toroor, ak kitun emeng'ung'.

ISAIAH 63:18

Ki nyaban piiguk che tiliileen; ago ne matya kotyech puunikyok oldang'ung' ne tiliil.

ISAIAH 65:1

Teeba piik che ki ma koteeba; kigonyoorwo icheek che ki ma cheeng'a: ki aleenji pororyet ne ki ma kemwaitae kainennyu, Ogeera, ogeera.

MATAYO 16:18

Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

LUKA 19:10

Amu ki nyo Weeriitap chii kocheeng' ak kosar ne kiga kobet.”

JOHANA 10:16

Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.

JOHANA 4:23

Ago nyoonei sait, ak kagoit nguno, ye saaei Kwanda saaik che po iman eng' Kabuuset ne Tiliil ak imanit: amu cheeng'oti Kwanda che uu chooto koek che saaei ineendet.

NG'ATUTIK 26:19

ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 28:9

“Ngiriip ng'atuutigap Kamuktaindet ne Toroor Kamuktaindeng'ung', iwendote ortinwekyik, kogimitin Kamuktaindet ne Toroor iegu pororyennyi ne tiliil ko uu ye ki iyasyeun.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.