ISAIAH 62:10 - BUKUIT NE TILIIL Sireet ne Dutero Kanon

¹⁰ Omande, omandae ormariichok; ochop ooreetap piik; ochop, ochop ooreet ne oo; oiste koik; onamji parak songolyet agobo piik.

Bukuit Ne Tilil

¹⁰ Omande, omandae ormariichok; ochop ooreetap piik; ochop, ochop ooreet ne oo; oiste koik; onamji parak songolyet agobo piik.

BUKUIT NE TILIL

¹⁰ Omande, omandae ormarichok; ochob oretab bik; ochob, ochob oret ne o; oiste koik; onamji barak songoliet agobo bik.

ISAIAH 62:10 ပူးပေါင်းရင်းမြစ်များ

TIENWOGIKAL 24:7

Ong'eet met, okweek kurgotik; ong'eet met, okweek kurgotik che po koigeny, si konyo oriit Laitoryatap teegisto.

TIENWOGIKAL 68:4

Otyenji Kamuktaindet, olasu kainennyi; ochopchi ooreet ne oo ineendet ne punei ong'atosyek, ko uu ne laanyei paraisiit. Kainennyi ko Kamuktaindet ne Toroor; ak ogaaskei eng' tainnyi.

KOMONG'U 17:15

Ki teech Musa kaptisisyet, ak koguure yooto Kamuktaindet ne Toroor ne iterteerwa.”

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 11:16

Ak kobiit ooreet ne oo ne po piikyik che tuun ng'etu eng' Assyria, ko uu ye kimi agobo Israel eng' peetuut ne kitogosu komang'une emetap Misiri.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 19:23

Tuun piitu ooreet ne oo eng' peetuunooto ne ng'eetee Misiri agoi Assyria. Tuun pwoonei `piigap Assyria Misiri ak koba `Misiriik Assyria; ak kosa Misiriik kobooto piigap Assyria.

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 26:2

Oyat ormariichok, si kobiit kobun kwo oriit pororyet ne po iman, ne riibei imanit.

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 35:9

Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

ISAIAH 40:3

Tuugeet ne kuursei koleen: “Ochopchi ooreetap Kamuktaindet ne Toroor eng' surkwen, olitiityi ooreet ne oo Kamuktaindennyo eng' ong'ateet.

ISAIAH 40:4

Tuun kiloong'u atebweet age tugul, ak tuun kiripribi tulweet age tugul ne oo ak ne ming'in. Tuun kilititi che kunuuren, ak kichabai komoswek che sing'ortot.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 49:11

Ak ayae tuloonookyuk tugul koek ooreet, ak kotororitu ortinwekyuk che eecheen.

ISAIAH 49:22

Mwaei Kiptaiyat Kamuktaindet ne Toroor kole, ogeero, atokyini eunnyu pororyosyek, ak aboorchi piik songolyennyu: si koganap weeriiguk, ak kimut tiibiiguk eng' tigigoikwak.

ISAIAH 52:11

Oba, oba, omande eng' olooto, amat otwaa kiy ne ma tiliil; omande eng' kwenunnyi; otiliiliitu, okweek che oibe tuguugap Kamuktaindet ne Toroor.

ISAIAH 57:14

Ak mwaei ineendet kole, oyai, oyai, ochop ooreet, oiste kanagutyet eng' ooreetap piikyuk.

ISAIAH 60:11

Kiyatei kogeny ormariichoguk kotugul; ma kigerei peet anan kemoi; si koibun piik mogornatosyegap pororyosyek, kobooto laitorinikwak che kimutu.

ISAIAH 60:18

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 4:6

Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.

EZEKIEL 26:2

Ee, weeriitap chii, amu ki komwa Tyro agobo Jerusalem kole, haa, kogobutok ineendet ne ki kurgeetap pororyosyek; kagoweekyagei: kitesa anyun achang'ait, amu kagong'emak ineendet;

MATAYO 22:9

Oba anyun ole pesyechin ortinwek, ak oguurchi igoorto tugul che konyooru.

HEBRANIK 12:13

ak oyachi keelyekwok ortinwek che lititen, si ma kimaas che king'waldos, ago si kisoop.