ISAIAH 62:1 - BUKUIT NE TILIIL Sireet ne Dutero Kanon

¹ Masise agobo Zion, amamuunyi agobo Jerusalem, agoi komanda imandanyi ko uu kaluunet, ak komanda yetunennyi ko uu tait ne lalei.

Bukuit Ne Tilil

¹ Masise agobo Zion, amamuunyi agobo Jerusalem, agoi komanda imandanyi ko uu kaluunet, ak komanda yetunennyi ko uu tait ne lalei.

BUKUIT NE TILIL

¹ Masise agobo Sion, amamuunyi agobo Jerusalem, agoi komanda imandanyi ko u kaluunet, ak komanda yetunennyi ko u tait ne lalei.

ISAIAH 62:1 ပူးပေါင်းရင်းမြစ်များ

TIENWOGIKAL 137:6

Ingonamgei ng'elyeptanyu ak kutit, ngot koma abwaatin, ngo ma achame Jerusalem kosiir poiboiyennyu ne siirtoot.

TIENWOGIKAL 51:18

Yachi ne myee Zion ko uu ye ichame; teech kogeny irimoigap Jerusalem.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

ISAIAH 26:2

Oyat ormariichok, si kobiit kobun kwo oriit pororyet ne po iman, ne riibei imanit.

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 48:18

Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

ISAIAH 52:10

Amu ki kobarta Kamuktaindet ne Toroor eunnyi ne tiliil eng' taitap pororyosyek tugul; ak keerei tabanwek tugul che po ng'wony yetunetap Kamuktaindennyo.

ISAIAH 54:14

Ki kimiitin eng' imanda; ilooitu eng' nyalilda, amu meiyweisyei; ilooitu eng' kamuiset, amu mariikyinin.

ISAIAH 58:8

Koluu anyun lapkeiyeng'ung' ko uu karonet, ak kobiit kasoobeng'ung' kochook: ak kondoenen imandang'ung' ak koletun toroornatetap Kamuktaindet ne Toroor.

ISAIAH 60:1

Ng'eet, iluu; amu kagoit lapkeiyeng'ung', ak kagochorchin toroornatetap Kamuktaindet ne Toroor.

ISAIAH 60:2

Amu, keero, tuchei mesundeito ng'wony, ak kotuch mesundeito ne oo pororyosyek: ago chorchinin Kamuktaindet ne Toroor, ak kotook toroornatennyi eng' inyee.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

MIKAH 4:2

Ak pendi pororyosyek che chaang' ak komwa kole: “Obwa, ketogoste tulweetap Kamuktaindet ne Toroor, ak keebe kootap Kiptaiyat Kamuktaindetap Jakobo; si koneetech ortinwekyik, ak kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

SEKARIA 2:12

Ak konam Kamuktaindet ne Toroor Judah koek kebebertanyi eng' emet ne tiliil, ak kolewen kogeny Jerusalem.

MATAYO 5:16

Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

LUKA 10:2

Ago ki leenji icheek, Oo kesisyet ago ng'ering' kesik: nooto anyun osoom Kiptaiyat ne po kesisyet, si kobiit koyookyi kesik kesisyennyi.

2 THESSALONIKEK 3:1

Ne po let anyun, che kitupche, osaiywech si kobiit kochaakta ng'olyootap Kiptaiyat ak kitoroor, ko uu ole teptoi eng' okweek;

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.