ISAIAH 60:5 - BUKUIT NE TILIIL Sireet ne Dutero Kanon

⁵ Igeer anyun ak kikwenyin, ak kobotan muguleldang'ung' ak ki paraa; amu pwonjinin chaang'indap nyanjosyek, pwonjinin mogornatosyegap pororyosyek.

Bukuit Ne Tilil

⁵ Igeer anyun ak kikwenyin, ak kobotan muguleldang'ung' ak ki paraa; amu pwonjinin chaang'indap nyanjosyek, pwonjinin mogornatosyegap pororyosyek.

BUKUIT NE TILIL

⁵ Igeer anyun ak kikwenyin, ak kobotan muguleldang’ung’ ak kibaraa; amu bwanjinin chang’indab nyanjosiek, bwanjinin magornatosiekab bororiosiek.

ISAIAH 60:5 ပူးပေါင်းရင်းမြစ်များ

TIENWOGIKAL 119:32

Alabati eng' ooreetap ng'atuutiguk, ye ibaroi muguleldanyu.

TIENWOGIKAL 34:5

Inyal ineendet si inyooru kakweng'et; si ma nyoor kalilanet togoochikwak agoi.

ISAIAH 23:18

Ak koek mung'arennyi ak melektanyi tiliilindo eng' taitap Kamuktaindet ne Toroor: ma kigonori ama kibasei, amu punjin mung'arennyi icheek che menyei taitap Kamuktaindet ne Toroor, si koam kobiyong'so, ak kolaach ngoroik che po telunateet.

ISAIAH 54:2

Ibaraa ye mi emaing'ung', ak ingoiito icheek angoogap meng'otosyeguk; ameetee; igoit porooniguk, ak igimit tigongeniguk.

ISAIAH 60:11

Kiyatei kogeny ormariichoguk kotugul; ma kigerei peet anan kemoi; si koibun piik mogornatosyegap pororyosyek, kobooto laitorinikwak che kimutu.

ISAIAH 61:6

Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

MATAYO 25:16

Ki wo anyun ineendet ne kitaach talendaisyek muut ak kwo koboisyee, ak kinyoor talendaisyek alak muut.

POISYONIGAP CHE KIYOKTOI 10:45

Icheek che po kamuratanet che ki iyani che kibwanei kobooto Petero ko ki kwong'yo amu kageroong'ji Pororyosyek ak icheek konunetap Kabuuset ne Tiliil;

POISYONIGAP CHE KIYOKTOI 11:17

Ngo ki igoochi anyun Kamuktaindet icheek konunet ne kergei ak ne ki koonech ye kingi yan Kiptaiyat Jeso Kristo, ko tos ki aa ng'oo anyun kot amuuch agirinda Kamuktaindet?”

POISYONIGAP CHE KIYOKTOI 24:17

“Ak kingo pata kenyiisyek che chaang' anyoo aipchi piigap pororyennyu kagoochinoik ak tuguuk che kigoitoi.

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

ROMANIK 15:26

Amu ki cham miising' Makedonia ak Akaia kobasyi tugun piik che ponondos eng' kwenutap che tiliileen che mi Jerusalem.

2 KORINTOEK 10:15

ama kilasuge kosiir ne tee ne yamei, eng' poisyonigap piik alak; ago kimang'u keele, ko uu ye tesoksei kayaneng'wong', kitoroorech eng' okweek ko uu ole tee kakwaennyo, kot kosiir,

NG'ATUTIK 33:19

Kuurei icheek pororyosyek kobwa tulweet, si kogoito eng' olooto tiseiywek che po imanda. Amu chuchuni icheek chaang'indap nyanjosyek, ak konoraik che ung'ootiin che po ng'aniek.”

NG'ANG'UTYET 21:24

Ak kobendoti pororyosyek eng' lapkeiyennyi, ak koibu laitorinigap ng'wony toroornatennywa konyo oriit.

NG'ANG'UTYET 21:26

Ak ibu icheek toroornatet ak teegistap pororyosyek kobwa oriit.

1 SAMUEL 2:1

Ak ki sa Hannah kole: “Igasegei muguleldanyu eng' Kamuktaindet ne Toroor, kagotesak kimnateennyu eng' Kamuktaindet ne Toroor. Arorechini puunikyuk, amu abaibai eng' yetuneng'ung'.