ISAIAH 60:4 - BUKUIT NE TILIIL Sireet ne Dutero Kanon

⁴ Ing'eet met ak igeer komoswek tugul: iyumigei icheek tugul, ak kobwonjin: punu weeriiguk ole loo, ak keganabu tiibiiguk.

Bukuit Ne Tilil

⁴ Ing'eet met ak igeer komoswek tugul: iyumigei icheek tugul, ak kobwonjin: punu weeriiguk ole loo, ak keganabu tiibiiguk.

BUKUIT NE TILIL

⁴ Yot met ak igeer komoswek tugul: iyumigei ichek tugul, ak kobwanjin: bunu weriguk ole loo, ak keganabu tibiguk.

ISAIAH 60:4 ပူးပေါင်းရင်းမြစ်များ

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 42:6

Ki aguurin, anee Kamuktaindet ne Toroor eng' imanda, ak anam eung'ung' ak ariibin, ak agoonin iegu arorutyetap piik, iegu lapkeiyetap Pororyosyek;

ISAIAH 43:6

Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 49:17

Igirgiri lagoguk; mandaenen ng'emiguk, che yain iguber.

ISAIAH 49:18

Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

AMOS 9:14

Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

MIKAH 7:12

Pwonjinin icheek eng' peetuunooto, kobunu Assyria ak nganasoogap Misiri, ak kobooch Misiri agoi aineet, ak kobooch nyanjet agoi nyanjet, ak kobooch tulweet agoi tulweet.

HAGGAI 2:7

Atumdumi pororyosyek tugul, ak kobwa tuguuk che chamei pororyosyek tugul, ak anyiit kooi toroornatet,’ mwaei Kamuktaindet ne Toroor ne po lugoosyek.

MATAYO 8:11

Amwaiwok ale tuun pwoonei che chaang' kobun kong'asiis ak cherongo, kobwa kotebi ak Abraham ak Isak ak Jakobo eng' pounatetap kipsengwet,

JOHANA 4:35

Momwae okweek ole, ‘Ta komi arawek ang'wanu, si koit kesisyet?’ Ogeero, amwaiwok ale, ‘Ong'eet met, ak ogeer mbareenik ole kagoleelagitu, kagoyam keges.

POISYONIGAP CHE KIYOKTOI 13:44

Ak eng' sabato ne isubi nooto, koyumgei nganaseet che neegit tugul kole kogas ng'olyootap Kamuktaindet.