ISAIAH 60:19 - BUKUIT NE TILIIL Sireet ne Dutero Kanon

¹⁹ Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

Bukuit Ne Tilil

¹⁹ Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

BUKUIT NE TILIL

¹⁹ Ma koegu asista lapkeiyeng’ung’ bet: ama kogonin lapkeiyet kaluunetab arawet: ago egu Jehovah lapkeiyeng’ung’ ne bo koigeny; ak koek Kamuktaindeng’ung’ torornateng’ung’.

ISAIAH 60:19 ပူးပေါင်းရင်းမြစ်များ

TIENWOGIKAL 3:3

Ago inyee, ee Kamuktaindet ne Toroor, ko ii long'eet ne mi komoswek tugul eng' anee; ii teegistanyu ak ii tiindetap metinnyu.

TIENWOGIKAL 36:9

Amu mi oldang'ung' kondap peegap saboon; eng' lapkeiyeng'ung' kegeere lapkeiyet.

TIENWOGIKAL 4:2

Ee okweek, weeriigap piik, owale teegistanyu koek teweernateet kot kotyanit? Agoi au ochame ng'aleek che ma namegei ak kiy, ak ocheeng'e lembechek?

TIENWOGIKAL 62:7

Tinyei Kamuktaindet yetunennyu ak toroornatennyu; rwandetap kimnateennyu ak ole amwechini ko Kamuktaindet.

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

TIENWOGIKAL 84:12

Ee Kamuktaindet ne Toroor ne po lugoosyek, Paibai chii ne imang'un.

ISAIAH 2:5

Ee kootap Jakobo, obwa kebendatee lapkeiyetap Kamuktaindet ne Toroor.

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

ISAIAH 28:5

Egu Kamuktaindet ne Toroor ne po lugoosyek eng' peetuunooto naaryeet ne po toroornatet, ak kuutweetap telunateet, eng' piikyik che ng'etu;

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 60:1

Ng'eet, iluu; amu kagoit lapkeiyeng'ung', ak kagochorchin toroornatetap Kamuktaindet ne Toroor.

ISAIAH 9:2

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

SEKARIA 2:5

Amu mwaei Kamuktaindet ne Toroor kole, Aegu irimeet ne po maat eng' komoswek tugul, ak aegu toroornatet eng' kwenunnyi.”

SEKARIA 2:9

Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek.

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

NG'ATUTIK 10:21

Ineendet kalasuneng'ung' ak ko Kamuktaindeng'ung', ne kiyaun tuguuchu eecheen po kwong'eet che ki igeer eng' konyeguk.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.