ISAIAH 58:5 - BUKUIT NE TILIIL Sireet ne Dutero Kanon

⁵ Tos nooto karugutetapkei ne ki alewen? Peetuut ne inyalili chii saboondanyi? Koabuch chii metinnyi ko uu mutwot, ak kosyep kuniok ak oreek? Tos oguure niito karugutetapkei, peetuut ne taachaksei eng' Kamuktaindet ne Toroor?

Bukuit Ne Tilil

⁵ Tos nooto karugutetapkei ne ki alewen? Peetuut ne inyalili chii saboondanyi? Koabuch chii metinnyi ko uu mutwot, ak kosyep kuniok ak oreek? Tos oguure niito karugutetapkei, peetuut ne taachaksei eng' Kamuktaindet ne Toroor?

BUKUIT NE TILIL

⁵ Tos noto karugutetab ge ne kialewen? Betut ne inyalili chi sobondanyi? Koabuch chi metinnyi ko u cherungut, ak kosieb kuniok ak orek? Tos oguure nito karugutetab ge, betut ne taachaksei eng’ Jehovah?

ISAIAH 58:5 ပူးပေါင်းရင်းမြစ်များ

2 LAITORINIK 6:30

Ak kingo kas laitoryat ng'aleegap kwonyooto, kogereer ngoroikyik. Ye kiwendote irimeet parak, kogigeer piik, ak ki ilaagoti kuniok.

2 ATEPTAP PEETUUSYEK 20:3

Ki iyweis anyun Jehoshaphat, ak ko ki ilgei kocheeng' Kamuktaindet ne Toroor, ak komwaita karugutetapkei eng' Judah tugul.

EZRAH 10:6

Kong'eet anyun Ezrah eng' taitap kootap Kamuktaindet ak kwo koot ne po oriit ne po Jeohanan weeriitap Eliasib. Kingo it yooto, koma koamis anan koe peek, amu kirirei agobo kachililutyetap icheek che kiga kiluul.

EZRAH 8:21

Yeityo ang'at anyun karugutetapkei, eng' aineetap Ahaba, si kobiit kiming'inge eng' taitap Kamuktaindennyo, kecheeng' eng' ineendet ooreet ne litit, eng' acheek ak lagokyok ak ne po tuguukyok tugul.

Kitabuutap JOB 2:8

Ki inem anyun Job rokyet ak kong'irireegei kotebee oreek.

TIENWOGIKAL 69:13

Ago anee, asaain, ee Kamuktaindet ne Toroor, eng' peetuut ne chamaksei: Ee Kamuktaindet, eng' chaang'indap rireeneng'ung', Wolwo eng' imandap yetuneng'ung'.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 58:3

Mwaei icheek kole, amu nee si kirugutige, amegeere? Amu nee si kinyalil acheek saboonwekyok, amemage kiy? Ogeero, onyooru poiboiyeng'wong' eng' peetuutap karuguteng'wong' pogei, ak omage piik tugul che poisyewok tuguuk che siirtoot.

ISAIAH 61:2

Si kobiit aamda kenyiit ne chamat eng' Kamuktaindet ne Toroor, ak peetuutap yaaktaetap mugetuut ne po Kamuktaindennyo; ak agaigai tugul che riirtos;

ATEPTAP LAWIK 16:29

“Ak punjin koigeny kaneetisyoni eng' okweek: oming'inge eng' arawetap tisap, eng' peetuutap taman ne po arawanooto, amat oyai poisyet age tugul, ineendet ne ki sikyin kaa, anan punootyot ne mi kobootok.

ATEPTAP LAWIK 16:31

Peetuunooto ko sabato ne po kamuung'et eng' okweek, ak oming'inigei. Niito ng'atuutyet ne po koigeny.

SEKARIA 7:5

ng'alaalji piik tugul che po emet ak tisiik, ileenji ye kingo rugutkei ak oriirye eng' arawetap muut ak ne po tisap, eng' kenyisyechooto tamanwogik tisap, ko tos ki orugutkei agobo anee, aneendet?

MATAYO 6:16

Kogeny ye orugutkei, ko moigei chombilik, eng' togoochik che po arageneet; amu walei togoochikwak, si kogeer piik kole, koirugutkei. Amwaiwok iman ale, kagonyoor icheek melektanywa.

LUKA 4:19

Si kobiit aamda kenyiit ne chamat eng' Kiptaiyat.

ROMANIK 12:2

Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.