ISAIAH 58:1 - BUKUIT NE TILIIL Sireet ne Dutero Kanon

¹ Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

Bukuit Ne Tilil

¹ Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

BUKUIT NE TILIL

¹ Waach mising’, amesis, waach ko u iriaget, ak imwachi bikyuk bistoenywa, ak imwachi gotab Jakobo tengekwogikwak.

ISAIAH 58:1 ပူးပေါင်းရင်းမြစ်များ

ISAIAH 2:5

Ee kootap Jakobo, obwa kebendatee lapkeiyetap Kamuktaindet ne Toroor.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 40:6

Mwaei tuugeet kole, “Waach!” Ale, “Awaakyi nee?” Susweek poorwek tugul, ak uu taaptook che po keeweet karaaranindanywa tugul.

ISAIAH 43:27

Ki yai tengekto kwandang'ung' ne po tai, ak ki ingelelja ng'alaaliguk.

ISAIAH 50:1

Mwaei Kamuktaindet ne Toroor kole, mi ano parweetap pesyetap kamenng'ung', ne ki aoone ineendet? Anan ki aaldachok ng'oo ne yaacha? Ki kialdak amu yaitwogikwok, ak ki kioon kamenng'ung' amu pistaosyekwok.

ISAIAH 56:10

Koryotin riibiikyik, ma tinyei tugul naet; icheeget tugul ko sesenik che namotin kuut, ma imuuchi icheek kokwer; irotitoi, ruitos, chamei konuukso.

ISAIAH 57:12

Aboortoi imandang'ung'; ama kelun kiy eng' poisyoniguk.

ISAIAH 59:12

Amu ki kotesagis pistaosyekyok eng' taing'ung', ak paoryanjinech tengekwogikyok: amu mi kobootech pistaosyekyok, ak kingen tengekwogikyok:

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 36:9

Ak eng' kenyiit ne po muut ne po Jehoiakim weeriitap Josiah, laitoryatap Judah, eng' arawetap sogool, komwaita piik tugul eng' Jerusalem, kobooto piik tugul che ki punu nganasoogap Judah kobwanei Jerusalem, karugutetapkei eng' taitap Kamuktaindet ne Toroor.

JEREMIA 6:17

Ki ande riibiik koriibok ak ale, “Oepchi iit cheetap iryageet!” Ago ki le, “Ma kigase.”

RIREKAB JEREMIA 2:14

Ki kogeer maotiguk ng'ang'utik agobo inyee che po tangoita ak perberyo; ak tomo kong'aany kotook tengektong'ung', si koweechin kogeny eng' ole ki kiluuljin, ago ki kogeer agobo inyee lautik che po puch ak ng'aleek che po kamaaset.

EZEKIEL 11:4

Maoten anyun agobo icheek, maoten, ee weeriitap chii.

EZEKIEL 16:2

Ee weeriitap chii, iboorchi Jerusalem konai tuguukyik che kiwechei,

EZEKIEL 20:4

Tos irwookyini icheek, ee weeriitap chii, tos irwookyini icheek? Iboorchi icheek konai tuguuk che kiwechei che po kwanisyekwak;

EZEKIEL 22:2

Ee, inyee weeriitap chii, tos irwookyini, irwookyini nganaseet ne po korotiik? Iboorchi anyun konai tuguukyuk tugul che kiwechei.

EZEKIEL 23:36

Kimwaiwo anyun Kamuktaindet ne Toroor kogeny, koleenjo: Ee, weeriitap chii, tos irwookyini Oholah ak Oholibah? Iboorchi anyun icheek tuguukwak che kiwechei.

EZEKIEL 33:3

ak ngo keer ineendet rotwetap chok konyonjin emonooto, koguut iryageet ak koteechi piik;

HOSEA 8:1

Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

JONAH 1:2

“Ng'eet, ui Nineveh, nganasanooto oo, ak ititenji; amu kagotogos yaityennywa tainnyu.”

TITO 2:15

Mwaa tuguuchuuto ak iteechi ak iger kong' kobooto pounateet tugul. Amat kosasin chii age tugul.

NG'ANG'UTYET 1:10

Ki ami eng' Kabuuset ne Tiliil eng' peetuutap Kiptaiyat, ak ki agas kutit ne oo eng' patennyu ko uu ne po iryageet

NG'ANG'UTYET 4:1

Kingo pata tuguuchu, ageer, ak ki yaatak kurgeet eng' kipsengwet. Ak kutit ne po tai ne ki agas ko ki uu ne po iryageet, ne ki ng'alaalwo kole, “Togosu oli, si aboorun tuguuk che tuun piitu eng' let matiny.”