ISAIAH 56:5 - BUKUIT NE TILIIL Sireet ne Dutero Kanon

⁵ kole, agoochini icheek kabwaatet ak kainet eng' koonnyu ak eng' irimoikyuk, kosiir weeriik ak tiibiik; agoochini kainet ne po koigeny, ne ma ki istoi.

Bukuit Ne Tilil

⁵ kole, agoochini icheek kabwaatet ak kainet eng' koonnyu ak eng' irimoikyuk, kosiir weeriik ak tiibiik; agoochini kainet ne po koigeny, ne ma ki istoi.

BUKUIT NE TILIL

⁵ kole, Agochini ichek kabwatet ak kainet eng’ gonnyu ak eng’ irimoikyuk, kosiir werik ak tibik; agochini kainet ne bo koigeny, ne magiistoi.

ISAIAH 56:5 ပူးပေါင်းရင်းမြစ်များ

ISAIAH 2:2

Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 48:19

Kita tenitu ng'aniek iyoteng'ung', ak koigei lagoguk che kisiche, chaang'indap ng'aniek: ki ma kota ki istoi kainennyi anan keng'em eng' tainnyu.

ISAIAH 55:13

Piitei piribiryet kogeeri katok che toorei piich, ak kobiit momonyet kogeer katook che rutei piich: ak kibwaate kainetap Kamuktaindet ne Toroor, koek kaboorunet ne po koigeny ne ma ki istoi.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 60:18

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

ISAIAH 62:2

Ak kogeer pororyosyek imandang'ung', ak kogeer laitorinik tugul toroornateng'ung': ak keguurenen kainet ne leel, ne tuun kuurenen Kamuktaindet ne Toroor.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

ISAIAH 66:22

Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.

MATAYO 16:18

Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek.

JOHANA 1:12

Ago tugul che kitaach ineendet, ko ki igoochi kamuget koek lagogap Kamuktaindet, icheek che iyani kainennyi,

EPESOEK 2:22

ki kiteechak ak okweek oegu agenge eng' ineendet, ole menyei Kamuktaindet eng' Kabuuset ne Tiliil.

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

1 JOHANA 3:1

Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.

NG'ANG'UTYET 3:12

“Ineendet ne iterteeri, ayae koek toloita eng' Hekaluut ne po Kamuktaindet nenyu, ama komandoi saang' kogeny. Asirchini ineendet kainetap Kamuktaindet nenyu, ak kainetap nganaseetap Kamuktaindet nenyu, nooto Jerusalem ne leel, ne choorugei eng' kipsengwet kobunu Kamuktaindet nenyu, ak kainennyu ne leel.

NG'ANG'UTYET 3:5

“Ineendet ne iterteeri kotun kilaakyin ko uu nooto ngoroik che leelach; ak ma koi abuch kainennyi eng' bukuitap saboondo, ago ang'aanye kainennyi eng' taitap Abba ak eng' taitap malaikaisyekyik.

1 SAMUEL 1:8

Ki leenji `Elkanah manong'otyondennyi, “Hannah, iriirchini nee? Amu nee si meamisyei? Amu nee si koarageni muguleldang'ung'? Tos ma aa kaigai eng' inyee kosiir weeriik taman?”