ISAIAH 55:13 - BUKUIT NE TILIIL Sireet ne Dutero Kanon

¹³ Piitei piribiryet kogeeri katok che toorei piich, ak kobiit momonyet kogeer katook che rutei piich: ak kibwaate kainetap Kamuktaindet ne Toroor, koek kaboorunet ne po koigeny ne ma ki istoi.

Bukuit Ne Tilil

¹³ Piitei piribiryet kogeeri katok che toorei piich, ak kobiit momonyet kogeer katook che rutei piich: ak kibwaate kainetap Kamuktaindet ne Toroor, koek kaboorunet ne po koigeny ne ma ki istoi.

BUKUIT NE TILIL

¹³ Bitei biribiriet kogeeri katok, ak kobit myrtle kogeer katablelinik: ak kibwate kainetab Jehovah, koek kaborunet ne bo koigeny ne magiistoi.

ISAIAH 55:13 ပူးပေါင်းရင်းမြစ်များ

TIENWOGIKAL 96:12

Ingogaskei mbareenik, kobooto tugul che mi olooto; Si kotyenso anyun eng' poiboiyet keetiik tugul che mi timiin;

ISAIAH 19:20

Tuun egu nooto kaboorunet ak paornateet ne po Kamuktaindet ne Toroor ne po lugoosyek eng' emetap Misiri. Tuun riirchin Kamuktaindet ne Toroor amu usiikwak, ak koyookyi icheek yetindet, kotoret, ak kosar icheek.

ISAIAH 32:13

Piitos katook che toorei piich ak che rutei piich eng' emetap piikyuk; ee, eng' kooriik tugul che po poiboiyet eng' nganaseet ne paibai.

ISAIAH 35:1

Ingogaskei surkwen ak melewet, ak kobaibait emet ne ong'ateet, ak koiye ko uu taapteet.

ISAIAH 35:2

Yiei miising', ak kobaibait eng' poiboiyet ak eng' tyendo; kigoochin toroornatetap Lebanon, telunatetap Karmel ak Saron. Keerei icheek toroornatetap Kamuktaindet ne Toroor, telunatetap Kamuktaindennyo.

ISAIAH 41:19

Amiine eng' surkwen taragonik, keetiigap chebitoik, momonik, ak che po mwanik; ak ande surkwen piribirinik, taragonik che sabuleen, ak taragonik che teer kobiityo tugul.

ISAIAH 43:21

piik che ki ayachigei, si kobiit kobarta kalasunennyu.

ISAIAH 5:6

Ametoi keng'em, si ma kesabori ama kesemberi; ago piitos katook che rutei piich ak che toorei piich. Ang'ate kogeny poolik si mata korobonji.”

ISAIAH 54:10

Amu istogei tuloonook ak kiutoi tuloonook che mengeechen; ago ma istoenengei talasyennyu, ama ki istoi kayomisennyu ne po kaalyeet, mwaei Kamuktaindet ne Toroor ne rireenen.

ISAIAH 56:5

kole, agoochini icheek kabwaatet ak kainet eng' koonnyu ak eng' irimoikyuk, kosiir weeriik ak tiibiik; agoochini kainet ne po koigeny, ne ma ki istoi.

ISAIAH 60:13

Nyonjinin toroornatetap Lebanon, kobooto piribirinik, taragonik che sabuleen, ak taragonik che teer; si koyai konyool oldanyu ne tiliil, ak achop ole tebee keelyekyuk kogararanit.

ISAIAH 60:17

Aibu thahabu ageere sugunonik, ak aibu fedha ageere kariik, ak ageere sugunonik keetiik, ak ageere kariik koik: ak ayai kogeny kiptainiguk koek kaalyeet, ak ayai kayagiguk koek imanda.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ISAIAH 63:12

ne ki chuul eunnyi ne po toroornatet koba kobooto eutap tai ne po Musa, ne kipchei peek eng' tainnywa, si koyachigei kainet ne po koigeny,

ISAIAH 63:14

Ko uu ye choorchingei tuuga atebweet, kogoochi ko uu nooto `Kabuusetap Kamuktaindet ne Toroor icheek komuuny: ki indochi anyun piiguk, si kobiit iyachigei kainet ne toroor.

ISAIAH 7:11

“Soom Kamuktaindet ne Toroor Kamuktaindeng'wong' kaboorunet; soom agot ngo miitei rireet, anan ngot komi parak miising'.”

ISAIAH 7:19

Si kobwa, yeityo komuuny tugul eng' atebwosyek che ki koek surkwen, ak eng' ole ki kobetak eng' rwandosyek, ak eng' katok tugul, ak eng' ola tugul ole kiyagisye.

ISAIAH 7:24

Wendi chiito olooto kotinyei kipchabonik ak kwanget, amu egu emonooto tugul katook che rutei piich ak che toorei piich.

JEREMIA 13:11

Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

JEREMIA 50:5

Teeboti agobo ole teptoi Zion kotokyigei olooto, koleen, Obwa, ak onamge ak Kamuktaindet ne Toroor eng' kayomiset ne po koigeny ne ma kiutye.

EZEKIEL 28:24

Eng' kootap Israel koma kobiitu kogeny eng' komoswekwak tugul che sasei icheek ko uu kateet ne rutei ak kotoorei piich, anan kateet ne ng'waan. Ak konai icheek kole aa Kiptaiyat Kamuktaindet ne Toroor.

MIKAH 7:4

Ne myee eng' icheek ko uu kateet ne rutei piich: ne litit miising' eng' icheek ko ya kosiir ng'ootweetap katook: kagoit peetuutap riibiguk, peetuut ne kiityinin pireet; egu anyun kaiimennywa pogei.

SEKARIA 1:8

Ki anyooru keereet kemoi agobo chiito ne ki kweryei paraisiit ne piriir ak kotonone keetiigap momonik oriit; ak ki mi patennyi paraisisyek alage che piriireen, che puusyenen, ak che leelachen.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

JOHANA 15:8

Kigonyiti Abba eng' niito, ye oiyie logoek che chaang'; si oegu kasubikyuk.

ROMANIK 6:19

Ang'alaali ko uu piteetap piik amu nyalulet ne po poorwekwok: amu ko uu ye ki ogoite kebeberwegap poorwekwok koek otwogigap murwoonindo ak tengek agoi tengek, ko uu nooto anyun ogoite kebeberwegap poorwekwok koek otwogigap imanda agoi tiliilindo.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.