ISAIAH 54:7 - BUKUIT NE TILIIL Sireet ne Dutero Kanon

⁷ Ki abagaakteen ne matya; ago ayumin eng' rireenet ne oo.

Bukuit Ne Tilil

⁷ Ki abagaakteen ne matya; ago ayumin eng' rireenet ne oo.

BUKUIT NE TILIL

⁷ Kiabagakten ne matia; ago ayumin eng’ rirenet ne o.

ISAIAH 54:7 ပူးပေါင်းရင်းမြစ်များ

TIENWOGIKAL 106:47

Sarwech, ee Kamuktaindet ne Toroor, Kamuktaindennyo, ak iyumech, kemang'une pororyosyek, si kobiit keeweekyi kongoi kaineng'ung' ne tiliil, ak kilasuge eng' kalasuneng'ung'.

TIENWOGIKAL 107:3

ak ki iyum komong' eng' emotinwek, kobun kong'asiis ak cherongo, murot ne po kaataam ak murot tai.

TIENWOGIKAL 30:5

Tebyei nereegekyik ne matya; ichuldos chametap Kamuktaindet ne Toroor eng' sabeetap chii. Mi riirek kemout, ago piitu poiboiyet karon.

TIENWOGIKAL 30:6

Ak ki ale eng' perurtanyu, “Ma kiistaa.”

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 26:20

Obwa, piikyuk, mong'ji kooriguk oriit, ak ogerchigei ko. Ounyge ne matya, agoi kosiirto nereegek.

ISAIAH 27:12

Tuun pirei Kamuktaindet ne Toroor eng' peetuunooto logoekyik korara, kobooch nyiietap Aineetap Yufrets agoi kererutap Misiri, ak kiyumak agenge agenge, ee okweek lagogap Israel.

ISAIAH 27:8

Ki oborye ak ineendet ne yamei, ye ki ioone; ki isto ineendet eng' usoonennyi ne ng'waan eng' peetuutap usoonetap kong'asiis.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

ISAIAH 49:13

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

ISAIAH 49:18

Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

ISAIAH 49:21

Yeityo imwa eng' muguleldang'ung' ileen, Kisikwa ng'oo chuuto, amu ki kobegunena lagokyuk, ak ami aneege, ak kigeluula, ak aombenoti? Ak ng'oo ne ki igu chuuto? Keero, ki kibagaakta aneege; kimi ano chuuto?

ISAIAH 50:1

Mwaei Kamuktaindet ne Toroor kole, mi ano parweetap pesyetap kamenng'ung', ne ki aoone ineendet? Anan ki aaldachok ng'oo ne yaacha? Ki kialdak amu yaitwogikwok, ak ki kioon kamenng'ung' amu pistaosyekwok.

ISAIAH 56:8

Mwaei Kiptaiyat Kamuktaindet ne Toroor ne iyumi che kigetimda che po Israel, kole, ta ayumjini alak ineendet, che siirei chechiik che ki kiyum.

ISAIAH 60:10

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

ISAIAH 60:4

Ing'eet met ak igeer komoswek tugul: iyumigei icheek tugul, ak kobwonjin: punu weeriiguk ole loo, ak keganabu tiibiiguk.

ISAIAH 62:4

Ma keguurenen kogeny Ne Ki kimeto; ama keguure emeng'ung' kogeny Karaita: ago kiguurenen Hepsi-ba, ak keguure emeng'ung' Beula: amu paibaitunenen Kamuktaindet ne Toroor, ak kitun emeng'ung'.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

ISAIAH 66:18

Amu angen poisyonikwak ak kabwaatutikwak: nyoonei peetuut, ye ayumi pororyosyek tugul ak kutusweek tugul; ak kobwa ak kogeer toroornatennyu.

JEREMIA 51:5

Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

RIREKAB JEREMIA 3:31

Amu ma timdoi Kiptaiyat agoi.

RIREKAB JEREMIA 3:32

Agot nga kon arageneet, kota koriiree ko uu chaang'indap rireenosyekyik.

EZEKIEL 36:24

Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.

MIKAH 4:6

Mwaei Kamuktaindet ne Toroor kole, ayumunoti eng' peetuunooto ineendet ne ing'wali kobooto ineendet ne kigeon, ak ineendet ne ki anyaliil;

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

EPESOEK 1:10

agoi tononjinet ne po riipseetap peetuusyek che yamegei, si koyum tuguuk tugul eng' Kristo, tuguuk che mi kipsengwet, ak tuguuk che mi ng'wony eng' ineendet,

NG'ATUTIK 30:3

kowal anyun Kamuktaindet ne Toroor Kamuktaindeng'ung' luuleet ne ki kiluulin ak korirenen ak koweek koyumin eng' pororyosyek tugul ole ki iyestoochin Kamuktaindet ne Toroor Kamuktaindeng'ung'.

JAKOBO 4:6

Ago koonu myeeindo ne tesat. Leen anyun, “Kirindoi Kamuktaindet che meniotin, ak kogoochin myeeindo che iming'inegei.”

2 PETERO 3:8

Ago amoutye ng'olyoondoni, chamanichu, ole peetuut agenge eng' Kiptaiyat ko kergei ak kenyiisyek eliphuut, ak ko kergei kenyiisyek eliphuut ak peetuut agenge.