ISAIAH 54:3 - BUKUIT NE TILIIL Sireet ne Dutero Kanon

³ Amu inaktoi komostap eutap tai ak ne po kaataam; ak konyaban iyoteng'ung' pororyosyek, ak kogoochi kemeny kogeny nganasook che kiga kelakta.

Bukuit Ne Tilil

³ Amu inaktoi komostap eutap tai ak ne po kaataam; ak konyaban iyoteng'ung' pororyosyek, ak kogoochi kemeny kogeny nganasook che kiga kelakta.

BUKUIT NE TILIL

³ Amu inaktoi komostab eutab tai ak ne bo katam; ak konyaban iyoteng’ung’ bororiosiek, ak kogochi kemeny kogeny nganasok che kiga kelakta.

ISAIAH 54:3 ပူးပေါင်းရင်းမြစ်များ

TAUNET 26:22

Ak kiu eng' olooto, yeityo kwo kobal keriinget age, ak ki ma tiyechi nooto. Ki kuure anyun nooto Rehoboth, ki le, “Kagobaroiywech Kamuktaindet ne Toroor emet nguno, si keichi emoniito.”

TAUNET 28:14

Tuun tenitu lagoguk temburyegap ng'wony, ak iyomu cherongo ak kong'asiis, murot kaataam ak murot tai. Kiberuuri ortinwek tugul che po ng'wony eng' inyee ak eng' lagoguk.

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 26:15

Ki ites pororyet, ee Kamuktaindet ne Toroor, ki ites pororyet kobarait; ii ne itoroorot; ki ites kobaraitu kiwotosyek tugul che po emet.

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 48:19

Kita tenitu ng'aniek iyoteng'ung', ak koigei lagoguk che kisiche, chaang'indap ng'aniek: ki ma kota ki istoi kainennyi anan keng'em eng' tainnyu.

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 53:10

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

ISAIAH 55:5

Keero, iguure pororyet ne mengen, ak kolabatyin pororyet ne ki ma kongenin, amu Kamuktaindet ne Toroor Kamuktaindeng'ung', ak amu Ineendet ne Tiliil ne po Israel; amu ki kotoroorin.

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

ROMANIK 11:12

Ngot koegu kabutennywa mogornatosyegap ng'wony, ak koek luseennywa mogornatosyegap Pororyosyek; kosiirei ne tya anyun nyiennywa?

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.