ISAIAH 54:17 - BUKUIT NE TILIIL Sireet ne Dutero Kanon

¹⁷ Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

Bukuit Ne Tilil

¹⁷ Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

BUKUIT NE TILIL

¹⁷ Magiberuri karnet age tugul ne kiyaei si kogirinden; ak igikyini ng’elyepta age tugul ne kirindoin eng’ kiruoget. Nito borotetab otwogikab Jehovah, ak imandanywa ne bunwa, mwaei Jehovah.

ISAIAH 54:17 ပူးပေါင်းရင်းမြစ်များ

Kitabuutap JOB 1:11

Chuul ibak eung'ung' ak itwa tuguuk tugul che tinyei si iroo ngo ma eesyeen eng' taing'ung'.”

Kitabuutap JOB 2:5

Chuul ibak eung'ung' nguno ak itwaa kawekyik ak panyeekyik, si iroo ngo ma eesyen ineendet.”

Kitabuutap JOB 42:7

Ak kingo kagomwachi `Kamuktaindet ne Toroor Job ng'aleechuuto, koleenji `Kamuktaindet ne Toroor Eliphas Temanindet, “Kaanereekyin inyee ak choronoguk tuwai; amu ma omwa kiit ne po iman agobo anee, ko uu ye kamwa otwogindennyu Job.

TIENWOGIKAL 32:6

Ara anyun, ingosain chii age tugul ne tiliil ye ta komuuchi konyoorun. Iman ye kagong'irtagei peek che po kirwooget, koma itei ole mi ineendet.

TIENWOGIKAL 61:5

Amu inyee, ee Kamuktaindet ne ki igas kaarortaosyekyuk, ki igoono poroteetap icheeget che konyiti kaineng'ung'.

TIENWOGIKAL 71:16

Anyoone kobooto poisyonik che kiimeen che po Kiptaiyat Kamuktaindet ne Toroor: Amwae imandang'ung', ne neng'ung' inyegei.

TIENWOGIKAL 71:19

Toroor agine imandang'ung' miising', ee Kamuktaindet; Inyee ne ki iyai tuguuk che eecheen, Ee Kamuktaindet, ng'oo ne ogerge?

ISAIAH 17:12

Pwo! Polatetap piik che chaang', che morortos ko uu nyanjosyek! Pwo! Pororyosyek che rwaei ko uu rwaetap peek che kiimeen!

ISAIAH 26:2

Oyat ormariichok, si kobiit kobun kwo oriit pororyet ne po iman, ne riibei imanit.

ISAIAH 29:8

Kergergeitu ak ye irwotitoi chiito ne amei rubeet, koleen amisyei; ago ye kosu, komi puch saboondanyi, anan korgergeit ak ye irwotitoi chiito ne amei melel, koleen eeisei; ago ye kosu, ko tanui, ak machei saboondanyi koee, uu nooto anyun chaang'indap pororyosyek tugul che paregei ak tulweetap Zion.

ISAIAH 3:10

Omwachi ne po iman oleenji, myeeitu eng' ineendet, amu amei icheek logoegap poisyonikwak.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 41:11

Keero, ililandos tugul che nereekyinin ak kotoptobenso: egu puch ak kobetyo.

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 50:8

Neegit ineendet ne iityina imanda; kibortosi ak ng'oo? Ngetononse tuwai: ng'oo punyondennyu? Ingonyo koriikyo.

ISAIAH 50:9

Ogeero, toreto Kiptaiyat Kamuktaindet ne Toroor; ng'oo ne igiikyino? Ogeero, osegitu icheek tugul ko uu ngoryeet; amei kiptorotyot.

ISAIAH 51:5

Neegit imandanyu, kamong' yetunennyu, ak korwookyi piik eunekyuk; igeno ngeguusyek, ak komang'u eunnyu.

ISAIAH 54:15

Keero, ngot kong'eet chii pooryeet, koma punwa: ibuti age tugul ne ing'eetyinin pooryeet.

ISAIAH 54:16

Keero, ki ayai kitang'indet ne kuutei maatap nesek, si kobiit karnet ne po poisyennyi, ak ki ayai ng'emindet si kong'emis.

ISAIAH 58:14

ibaibaegei anyun Kamuktaindet ne Toroor; ak agoonin ilaany komoswek che torooreen che po ng'wony; ak abaenen poroteetap Jakobo kwandang'ung': amu kagomwa niito kutitap Kamuktaindet ne Toroor.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

MATAYO 16:18

Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek.

ROMANIK 10:4

Amu Kristo kagesunetap Ng'atuutyet agoi imanda eng' age tugul ne iyani.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

ROMANIK 8:1

Nooto anyun ma komi kirwooget eng' icheek che miitei eng' Kristo Jeso.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

JOSHUA 24:10

Ago ma acham agas ng'aleegap Balaam. Eng' nooto anyun, nganda ki uu nooto, ko ki iberuurok, ak ki asarwok anyun eng' eunnyi.

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

NG'ANG'UTYET 12:10

Ak ki agas kutit ne oo eng' kipsengwet, kole, “Kagonyo nguno yetunet, ak kamuktaet, ak laitornatetap Kamuktaindet nenyo, ak kimnateetap Kristo nenyi; amu kagetururto kataamindetap che kitupche kwo ng'wony, ne itaami icheek eng' taitap Kamuktaindet nenyo peet ak kemoi.

1 SAMUEL 23:17

Ki leenji ineendet, “Meiywei, amu ma nyoorun eutap kwandanyu Saulo, ak iegu laitoryat eng' Israel, ak aegu ne rubin. Agot Saulo kwandanyu kongen nooto agine.”