ISAIAH 54:13 - BUKUIT NE TILIIL Sireet ne Dutero Kanon

¹³ Ak ineeti Kamuktaindet ne Toroor lagoguk tugul; ak koeet kaalyeetap lagoguk.

Bukuit Ne Tilil

¹³ Ak ineeti Kamuktaindet ne Toroor lagoguk tugul; ak koeet kaalyeetap lagoguk.

BUKUIT NE TILIL

¹³ Ak ineti Jehovah lagoguk tugul; ak koeet kalyetab lagoguk.

ISAIAH 54:13 ပူးပေါင်းရင်းမြစ်များ

TIENWOGIKAL 119:165

Tinyei kaalyeet ne oo che chamei ng'atuutyeng'ung'; ama mi kiy ne inachi icheek.

TIENWOGIKAL 119:33

Ineeta, ee Kamuktaindet ne Toroor, ooreetap ng'atuutiguk; ak asup agoi kagesunet.

TIENWOGIKAL 147:14

Yaei kaalyeet eng' kiwotosyeguk; inyiitin nganuuk che neryootiin kosiir.

TIENWOGIKAL 71:17

Ee Kamuktaindet, ki ineeta kobooch ko aa ming'in; ak ki amwaite agoi nguno poisyoniguk che po kwong'eet.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 26:3

Iriibe ineendet kotebee kaalyeet ne ititaat, ineendet ne tienengei kabwautuikyik, amu imang'un.

ISAIAH 28:9

“Ineeti ng'oo ineendet naet? Ak ng'oo ne igoochin koguiyo ng'aleek? Icheek che kigeluge, che kigeete kochuchun?

ISAIAH 29:24

Nyooru kaguiyet ak icheek icheeget che ichiliili eng' mugulel, ak koneetkei kaneetisyet icheek che ing'unyng'ung'dos.

ISAIAH 48:18

Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

ISAIAH 50:4

Ki koono Kiptaiyat Kamuktaindet ne Toroor ng'elyepta ne po icheeget che ki kineet, si kobiit anai ole agimiititoi eng' ng'aleek ineendet ne ng'etat: ing'eetisyei karonet age tugul, ing'eeta si kobiit agas ko uu che ki kineet.

ISAIAH 54:12

Ak ateege irimoiguk koik che piriireen, ak ayae ormariichoguk koik che kiguure bareqet, ak ayae tabanweguk tugul koik che korooron.

ISAIAH 55:12

Amu tuun omandoi eng' poiboiyet, ak kindoiywok eng' kaalyeet: tyendos eng' taing'wong' tuloonook ak tuloonook che mengeechen, ak koraprap eunekwak keetiik tugul che po timiin.

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

EZEKIEL 34:25

Ak kiyomiskei ak icheek eng' kayomiset ne po kaalyeet, ak ageesu tyong'ik che yaach eng' emet: ak komeny surkwen eng' chametapkei, ak koruiyo osnosyek.

EZEKIEL 34:28

Ama koegu kogeny che luulei pororyosyek, ama koamei tyony ne po ng'wony icheek; ago meng'iisyei eng' chametapkei, ama kobiitu chii ne imui.

EZEKIEL 37:26

Ak kiyomiske ak icheek kogeny eng' kayomiset ne po kaalyeet: egu eng' icheek kayomiset ne wendi agoi koigeny: ak alumde icheek, ak ates, ande oldanyu ne tiliil kwenunnywa agoi koigeny.

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

MIKAH 4:2

Ak pendi pororyosyek che chaang' ak komwa kole: “Obwa, ketogoste tulweetap Kamuktaindet ne Toroor, ak keebe kootap Kiptaiyat Kamuktaindetap Jakobo; si koneetech ortinwekyik, ak kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

SEKARIA 10:7

Ak koigei icheek che po Ephraim chiito ne nyigan, ak koboiboitu mugulelwekwak ko uu che kaei divaik: ee, keerei lagokwok nooto, ak koboiboitu; igasegei mugulelwekwak eng' Kamuktaindet ne Toroor.

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

LUKA 24:45

Koyaat anyun ng'omnootosyekwak, si kobiit konai siruutik;

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

1 KORINTOEK 2:10

Ago king'ang'wech Kamuktaindet eng' Kabuuset ne Tiliil: amu isyachi Kabuuset ne Tiliil tuguuk tugul, agot tuguuk che po oriit che po Kamuktaindet.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

EPESOEK 4:21

ngo ki ogas ineendet, ak ki kinetak eng' ineendet, ko uu ye mi imanit eng' Jeso:

PILIPIK 4:7

Ak riibei kaalyeetap Kamuktaindet, ne siirei kaguiyet tugul, mugulelwekwok ak kabwaatutikwok eng' Kristo Jeso.

1 THESSALONIKEK 4:9

Ago ma nyolu kesirwak agobo chamyetap tupchosyek; amu oneetotin okweeget eng' Kamuktaindet si ochamye;

HEBRANIK 8:10

Amu ni kayomiset ne tuun kiyomisyinige ak kootap Israel. Ye ibata peetuusyechooto, mwaei Kiptaiyat: Andoi ng'atuutikyuk kabwaatutikwak, ak asirchi kogeny mugulelwekwak, ak aegu Kamuktaindet eng' icheek, ak koek piikyuk.

HEBRANIK 8:11

Amu koneeti chii tugul chiitap kokwennyi, anan koneet chii age tugul ne tupcho, koleenji, ‘Ni Kiptaiyat,’ amu tuun naa tugul kobooch ne ming'in eng' icheek kot koit ne oo.

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.