ISAIAH 52:8 - BUKUIT NE TILIIL Sireet ne Dutero Kanon

⁸ Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

Bukuit Ne Tilil

⁸ Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

BUKUIT NE TILIL

⁸ Kutitab ribiguk! Waachei ichek, tiendos kibagenge; amu tun keerei ichek togoch eng’ togoch, ye weeksei Jehovah konyonei Sion.

ISAIAH 52:8 ပူးပေါင်းရင်းမြစ်များ

TIENWOGIKAL 102:22

Ye kagoyumgei piik, ak laitornatosyek, si koboisyechi Kamuktaindet ne Toroor.

TYENDO NE SIIREI TUGUL 3:3

Ki nyoorwo riibiik che pendoti eng' nganaseet, Ki ateebee aleenji, “Tos ki ogeer ineendet ne chamei saboondanyu?”

TYENDO NE SIIREI TUGUL 5:7

Kinyoorwo riibiik che pendoti eng' nganaseet, kibira, ki iguotena, ki ibeno riibiigap irimoik ngoryennyu ne po parak.

ISAIAH 24:14

Waaktos chuuto, tyendos miising' eng' poiboiyet; tyendos amu etunatetap Kamuktaindet ne Toroor kobooch cherongo.

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 27:2

Eng' peetuunooto, “Otyenji anyun mbareetap sabibuk ne po divaik.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 56:10

Koryotin riibiikyik, ma tinyei tugul naet; icheeget tugul ko sesenik che namotin kuut, ma imuuchi icheek kokwer; irotitoi, ruitos, chamei konuukso.

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

ISAIAH 62:6

Kande riibiik irimoiguk, ee Jerusalem; ma koi siisyo peet anan kemoi; amomuunyi okweek piik che obwaatyini Kamuktaindet ne Toroor,

JEREMIA 31:12

Ak kobwa kotyen eng' ole toroor eng' Zion, ak koroot koba tugul ole mi myeeindap Kamuktaindet ne Toroor, ole mi peek, divaik, ak mwanik, ak ole mi aaregap keechiir ak moek, ak koigei saboonwekwak mbareet ne kibisi; ama koaragendos kogeny agot kitigin.

JEREMIA 32:39

ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JEREMIA 33:7

Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

JEREMIA 6:17

Ki ande riibiik koriibok ak ale, “Oepchi iit cheetap iryageet!” Ago ki le, “Ma kigase.”

EZEKIEL 3:17

Ee weeriitap chii, kandein iegu riibindet eng' kootap Israel: kas anyun ng'olyoot ne amwae, ak iteechi icheek eng' ng'olyoondennyu.

EZEKIEL 33:7

Ee anyun, inyee, weeriitap chii, kaandein iegu riibindet eng' kootap Israel; kas anyun ng'olyoot ne amwae, ak iipchi icheek kateunennyu.

SEPANIA 3:9

Amu tuun aweekyini anyun piik eng' peetuunooto kutit ne myee, si koguur tugul kainetap Kamuktaindet ne Toroor, ak koboisyechi eng' mageet agenge.

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

POISYONIGAP CHE KIYOKTOI 2:1

Kingo it peetuutap Pentekoste, ko ki mi tugul komosta agenge.

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

1 KORINTOEK 1:10

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

1 KORINTOEK 13:12

Amu nguno kegeere eng' kioit, eng' tamirmiron; ago tuun ko togoch eng' togoch: nguno angen eng' kebeberta; ago tuun anae ko uu ye kigenaa.

HEBRANIK 13:17

Ogas iit che indoiywok, ak oming'inityige icheek: amu riipsei agobo saboonwekwok, ko uu che tuun tetu agobo poisyennywa; si kobiit koyai poisyoniito eng' poiboiyet, ama eng' arageneet: amu magelwok kiy eng' nooto.

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”

NG'ANG'UTYET 19:4

Ak ki ibutyi ng'wony poisyek tiptemu ak ang'wan che saptos ak kolas Kamuktaindet ne tebee ng'echereetap laitornatet, komwaei koleen, “Amen! Haleluya!”