ISAIAH 52:12 - BUKUIT NE TILIIL Sireet ne Dutero Kanon

¹² Amu momandoi eng' kagirgiret, anan omwei: amu indoenok Kamuktaindet ne Toroor; ak letwok Kamuktaindetap Israel.

Bukuit Ne Tilil

¹² Amu momandoi eng' kagirgiret, anan omwei: amu indoenok Kamuktaindet ne Toroor; ak letwok Kamuktaindetap Israel.

BUKUIT NE TILIL

¹² Amu momandoi eng’ kagirgiret, anan omwei: amu indoenok Jehovah; ak letwok Kamuktaindetab Israel.

ISAIAH 52:12 ပူးပေါင်းရင်းမြစ်များ

1 ATEPTAP PEETUUSYEK 14:15

Ak ye igas cheetap panda eng' keetichooto po logoek parak, iwe anyun obargei, amu kagondoenen Kamuktaindet kwo kobar lugeetap Philistiik.”

KOMONG'U 12:11

Oame anyun ko kaoratkei, ko kaolaach kweonikwok, oting'e eunekwok kirokweek ak oam ochokyini. Niito ko paska ne po Kamuktaindet ne Toroor.

KOMONG'U 12:33

Ki ichirchir `Misiriik piik kochaakta komanda eng' emet, amu ki le, “Ngo mobe kebegu tugul.”

KOMONG'U 12:39

Ki peel magatiinik che tuonen che mengeechen che ki ma kinde mermereek che ki ibune Misiri. Ki ma kinde mermereek amu ki kioon eng' Misiri ak ki mata komuuch konyoor poroindo ne chopchinegei amitwogik alak tugul.

KOMONG'U 14:8

Ki iuit Kamuktaindet ne Toroor muguleldap Pharaoh laitoryatap Misiri ak ki isup piigap Israel che kimondoi eng' kimnateet ne oo.

ISAIAH 26:7

Litit ooreetap ineendet ne po iman; inyee ne ii litit, indochini ortinwegap chiito ne po iman.

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

ISAIAH 45:2

Andoenen, ak alitit komoswek che kunuuren: atonatoni kereiywegap sugunonik che po kurgotik, ak atil temeleiywek che po kariik:

ISAIAH 49:10

Ma kasei rubeet anan koam melelda; ama kobeelei icheek maat, anan kobir asiista: amu indochin icheek ineendet ne riiree, imuti kobun kong'igap peek.

ISAIAH 49:11

Ak ayae tuloonookyuk tugul koek ooreet, ak kotororitu ortinwekyuk che eecheen.

ISAIAH 51:14

Kityaachi eng' chokyinet luulenik che ki kimut; ama meei, ama wendi keriinget, ama rarchin amitwogik.

ISAIAH 57:18

Ki ageer ortinwekyik, ak asoobi ineendet: andochini kogeny, ak aweekyi ineendet kagaigaosyek kobooto piikyik che riirtos.

ISAIAH 58:8

Koluu anyun lapkeiyeng'ung' ko uu karonet, ak kobiit kasoobeng'ung' kochook: ak kondoenen imandang'ung' ak koletun toroornatetap Kamuktaindet ne Toroor.

MIKAH 2:13

Kagondoe putindet icheek: kagobutis ak koba agoi ormariichet, ak komandae yooto: kagondoe icheek laitoryannywa, ak komi tainnywa Kamuktaindet ne Toroor.

KAITOSYEK 10:25

Ne kiletu eng' nganasook tugul, ne ki toi panda ko nganaseetap lagogap Dan kosubi songolyennywa kosupkei ak pcheutigap lugosyekwak, ak ki pou Aieser weeriitap Amisadai.

NG'ATUTIK 16:3

Ameam magatiinik che ki kinde mermereek. Am eng' peetuusyek tisap magatiinik che ma kinde mermereek, chooto magatinigap nyalilda; amu ki imang'une emetap Misiri eng' kagirgiret si ibwaat peetuut ne ki imang'une emetap Misiri kotee isabe.

NG'ATUTIK 20:4

Amu wendi kobootok Kamuktaindet ne Toroor Kamuktaindeng'wong' koyae pooryeet agobo okweek eng' puunikwok ak kosarwok.’

JOSHUA 4:11

ak kingo kagolanda piik tugul kogestagei, kolanda anyun moingetap Kamuktaindet ne Toroor kobooto tisiik, kogeerei piik tugul.

JOSHUA 6:9

Ki indoe murenik che ki ilaachi kariik tisiik che kiguutei igondisyek, ak kosubu piik che kiletu moinget, koguutoti tisiik igondisyek ak kobendi.

KIRUOGIK 4:14

Koleenji Debora Barak, “Ng'eet! Ni peetuut ne indoi Kamuktaindet ne Toroor Sisera eung'ung'. Mi Kamuktaindet ne Toroor kondoun.” Ki wo anyun Barak kochoortagei eng' tulweetap Tabor, kobooto kiplugotinik eliphuusyek taman kosubi ineendet.