ISAIAH 50:10 - BUKUIT NE TILIIL Sireet ne Dutero Kanon

¹⁰ Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

Bukuit Ne Tilil

¹⁰ Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

BUKUIT NE TILIL

¹⁰ Ng’o eng’ okwek ne iywei Jehovah, ne kase it kutitab otwogindennyi? Ne wendote mesundeito, ama tinyei lapkeiyet, ingomang’ kainetab Jehovah ak kotiiegei Kamuktaindennyi.

ISAIAH 50:10 ပူးပေါင်းရင်းမြစ်များ

2 SAMUEL 22:29

Ii tainnyu Kamuktaindet ne Toroor; ak ikwenyi Kamuktaindet ne Toroor mesundeitonyu.

1 ATEPTAP PEETUUSYEK 5:20

Ki kitoret kobargei ak icheeget, ak ki kinde Hagrik eunekwak, kobooto tugul che ki mi kobooto pichooto, amu ki riirchi Kamuktaindet komi lugeet, ak ki kas riirekwak, amu ki imang' ineendet.

2 ATEPTAP PEETUUSYEK 20:12

Ee Kamuktaindennyo, merwookyini? Amu ma ki tinyei kamuget kebarge ak tuiyoni oo kagobokyech. Ma kingen kiit ne kiyaei, ago inyalin konyekyok.”

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

Kitabuutap JOB 13:15

Agot ngo para, kota ageni ineendet: ago agimiiti ortinwekyuk eng' tainnyi.

Kitabuutap JOB 29:3

Ye ki iluuchin tainnyi metinnyu, ak ki awendotee mesundeito eng' lapkeiyennyi.

TIENWOGIKAL 111:10

Kaiyweisyet ne kiywei Kamuktaindet ne Toroor ko taunetap utaatyet; tinyei kaguiyet ne myee icheek tugul che yaei chooto. Tebyei koigeny kalasunennyi.

TIENWOGIKAL 128:1

Paibai age tugul ne iywei Kamuktaindet ne Toroor, ne wendote ortinwekyik.

TIENWOGIKAL 145:21

Ng'alaali kutinnyu agobo kalasunetap Kamuktaindet ne Toroor; ak ilasu piik tugul kainennyi ne tiliil koigeny ak koigeny.

TIENWOGIKAL 23:4

Ee, agot ngabune atebweet ne po urwetap meet, koma ywei yaityo; amu imi kobooto; igaigaa kiroktong'ung' ak siaring'ung'.

TIENWOGIKAL 25:12

Ng'oo anyun, chii ne iywei Kamuktaindet ne Toroor? Ineeti `Kamuktaindet ne Toroor ineendet eng' oor ne leweni.

TIENWOGIKAL 25:14

Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi.

TIENWOGIKAL 28:7

Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

TIENWOGIKAL 42:11

Amu nee si ing'uruuge, ee saboondanyu? Amu nee si iimige eng' anee? Imang'u Kamuktaindet; amu ta alasu ineendet, ineendet toretindennyu ak Kamuktaindennyu.

TIENWOGIKAL 62:8

Ee okweek pichu, omang'u ineendet kotugul; oroong'ji mugulelwekwok ineendet, Kamuktaindet ole kemwechini.

AMDOINDET 12:13

Ara nguno ko kagogasak tugul, ni anyun ko kagesunetap tuguuchu: Iywei Kamuktaindet ak iriip ng'atuutikyik, amu nyoljin chiito poisyoniito tugul.

ISAIAH 10:20

Eng' peetuunooto koma kotiegei kogeny che ki ng'et eng' Israel, ak icheek che kichililyo eng' kootap Jakobo, ineendet ne kibirei icheek; ago tiegei Kamuktaindet ne Toroor iman, Ineendet ne Tiliil ne po Israel.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 26:9

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 50:4

Ki koono Kiptaiyat Kamuktaindet ne Toroor ng'elyepta ne po icheeget che ki kineet, si kobiit anai ole agimiititoi eng' ng'aleek ineendet ne ng'etat: ing'eetisyei karonet age tugul, ing'eeta si kobiit agas ko uu che ki kineet.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 59:9

Loo anyun kirwooget eng' acheek, ama nyoorwech imanda: kicheeng'e lapkeiyet, ago ogeero, mi mesundeito; kicheeng'e kakweng'et, ago kibendote mesundeito.

ISAIAH 8:17

Si agen Kamuktaindet ne Toroor, ne unyei togeennyi si ma keer kootap Jakobo, ak amang'u ineendet.

ISAIAH 9:2

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

RIREKAB JEREMIA 3:2

Ki kondoiywo ak kogeno awendotee mesundeito ama lapkeiyet.

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

SEPANIA 3:12

Ago abagachi eng' kwenung'ung' piik che kinyaliili ak ko kibananook, ak komong' icheek kainetap Kamuktaindet ne Toroor.

HAGGAI 1:12

Ki kas iit anyun Zerubabel weeriitap Shealtiel, ak Joshua weeriitap Jehosadak tisiindet ne oo kobooto piik tugul che ki ng'et; ki kas iit `icheek Kamuktaindet ne Toroor Kamuktaindennywa ak ng'aleegap maotyot Haggai, ko uu ye kiga koyook `Kamuktaindet ne Toroor Kamuktaindennywa ineendet. Ki iywei anyun `piik Kamuktaindet ne Toroor.

MALAKI 3:16

Ki ng'alaaljigei anyun che iywei Kamuktaindet ne Toroor. Ki ep iit Kamuktaindet ne Toroor kogas ak ki kisir eng' tainnyi bukuitap kabwaatet agobo icheek che iywei Kamuktaindet ne Toroor ak kobwaati kainennyi.

JOHANA 12:46

Ki anyoo aegu lapkeiyet eng' ng'wony, si ma kotebyei eng' mesundeito chii age tugul ne iyana.

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

1 PETERO 5:7

otuuchi ineendet kaimutikwok tugul, amu ibwaatok miising'.

1 SAMUEL 30:6

Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.